Hirietako Ferien Kopa

Hirietako Ferien Kopa (ingelesez Inter-Cities Fairs Cup, gazteleraz Copa de Ciudades en Feria) 1955 eta 1971 artean jokatu zen Europako futbol taldeen arteko txapelketa bat izan zen. UEFA Koparen aurrekari gisa hartzen bada ere, UEFAk ez du bere txapelketatan hartzen, ez baitzuen berak antolatu, FIFAk ordea taldeen palmaresetan sartzen ditu garaipenak.

**Hirietako Ferien Kopa**
Sorrera	1955
Eremua	Europa
Parte hartzaileak	12 sailkatuak (64 guztira)
Garaipen gehien	FC Barcelona (3)

Historia

1955ean abiarazi zen Europako Koparekin batera. Asmoa Europako Koparen antzeko txapelketa bat antolatzea izan zen Nazioarteko Erakustazokak egiten zituzten hirien artean. Horretarako Bartzelona, Basilea, Birmingham, Kopenhage, Frankfurt, Lausana, Leipzig, Londres, Milan eta Zagrebeko ordezkariak bildu ziren. Hasieran futbol taldeak hirietako jokalarien selekzioak izatea erabaki zen eta beraz hirien izenean jokatzea, baina lehenengo txapelduna izan zen Bartzelonak FC Barcelona talde bezala jokatu zuen, nahiz eta udalaren armarria zeukan kamiseta zuria eraman. Txapelketak hiru urte iraun zituen eta finala 8-2ko emaitzaz irabzi zuen Londresko selekzioaren aurka (Arsenal, Tottenham, Chelsea, West Ham, Fulham eta Queen's Park Rangers-eko jokalarien selekzioa zen).

Bigarren ekitaldirako aldaketak egin ziren. Txapelketa laburragoa izatea erabaki zen eta jadanik futbol klubek hartu zuten parte. Hala ere taldeek Erakustazokadun hirietakoak behar zuten izan. 1968tik aurrera Estatu bakoitzeko ligetako taldeek lortuko zuten Ferietako Koparako sailkapena, aurrez aipaturiko hirietakoak izan ala ez.

Final guztiak bi partidutara jokatu ziren, 1964 eta 1965ean ezik. Hasierako urteetan Espainiar Estatuko taldeak izan ziren nagusi baina azken ekitaldiak talde ingelesek eskuratu zituzten.

Podiuma





Bartzelona 3 Kopa





Valencia 2 Kopa





Leeds United 2 Kopa

Palmaresa

Urteak	Irabazlea	Emaitza	Finalista
1955-58	Bartzelona XI	8-2 (2-2, 6-0)	Londres XI
1958-60	FC Barcelona	4-1 (0-0, 4-1)	Birmingham City FC
1960-61	AS Roma	4-2 (2-2, 2-0)	Birmingham City FC
1961-62	Valencia CF	7-3 (6-2, 1-1)	FC Barcelona
1962-63	Valencia CF	4-1 (2-1, 2-0)	Dinamo Zagreb
1963-64	Real Zaragoza	2-1	Valencia CF
1964-65	Ferencvárosi TC	1-0	Juventus FC
1965-66	FC Barcelona	5-2 (1-0, 4-2)	Real Zaragoza
1966-67	Dinamo Zagreb	2-0 (2-0, 0-0)	Leeds United FC
1967-68	Leeds United FC	1-0 (1-0, 0-0)	Ferencvárosi TC
1968-69	Newcastle United FC	6-2 (3-0, 3-2)	Újpest FC
1969-70	Arsenal FC	4-3 (1-3, 3-0)	RSC Anderlecht
1970-71	Leeds United FC	3-3 (2-2, 1-1)	Juventus FC

Garaipenak

Taldeka

Taldea	Garaipenak	Urteak
FC Barcelona	3	1955-58, 1958-60, 1965-66
Valencia CF	2	1961-62, 1962-63
Leeds United FC	2	1967-68, 1970-71
AS Roma	1	1960-61
Real Zaragoza	1	1963-64
Ferencvárosi TC	1	1964-65
Dinamo Zagreb	1	1966-67
Newcastle United FC	1	1968-69
Arsenal FC	1	1969-70

Estatuka

Estatua	Garaipenak
Espainia	6
Ingalaterra	4
Italia	1
Hungaria	1
Jugoslavia	1

Kanpo estekak

Datuak: Q245375
Multimedia: Inter-Cities Fairs Cup / Q245375

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.