Henri Dutilleux

Henri Dutilleux (Angers, 1916ko urtarrilaren 22a - Paris, 2013ko maiatzaren 22a) frantses musikagilea izan zen.

Henri Dutilleux
Henri Dutilleux (ezkerrean) 2004an. Irudi gehiago
Bizitza
Jaiotzako izen-deiturak	Henri Paul Julien Dutilleux
Jaiotza	Angers, 1916ko urtarrilaren 22a
Herrialdea	Frantzia
Heriotza	Parisko 4. barrutia eta Paris, 2013ko maiatzaren 22a (97 urte)
Hobiratze lekua	Montparnasseko hilerria
Familia
Ezkontidea(k)	Geneviève Joy (en)
Familia	ikusi Jean-Louis Koszul (en) (izter-lehengusu)
Hezkuntza
Heziketa	Parisko Kontserbatorioa Regional Conservatoire of Douai (en)
Hizkuntzak	frantsesa
Irakaslea(k)	Noël Gallon Maurice Emmanuel
Ikaslea(k)	ikusi André Jorrand (en)
Jarduerak
Jarduerak	musikagilea, musikologoa eta soinu banda konpositorea
Enplegatzailea(k)	Parisko Kontserbatorioa École Normale de Musique de Paris Alfred Cortot (en)
Lan nabarmenak	ikusi Sonate for piano (en) Q2610737
Jasotako sariak	ikusi Ohorezko Legioko gurutze handia  (2004) Ernst von Siemens Music Prize  (2005) Commander of the Order of Saint-Charles Praemium Imperiale  (1994) Royal Philharmonic Society Gold Medal  (2008)
Influentziak	Claude Debussy
Kidetza	Royal Academy of Science, Letters and Fine Arts of Belgium (en) Bavariako Arte Ederren Akademka Koninklijke Vlaamse Academie van België voor Wetenschappen en Kunsten (en)
Mugimendua	musika klasikoa
Genero artistikoa	sinfonia
Diskoetxea	ECM Records (en)
mac-texier.ircam.fr…

Parisko Kontserbatorioan egin zituen ikasketak. 1938an Erromako Sari Nagusia irabazi zuen L'Anneau du roi kantatarekin. Kantu-irakaslea izan zen Operan (1942), eta Frantziako Irratiko musika-sorkuntza zerbitzuko zuzendaria 1945 eta 1963 bitartean. Konposizio-eskolak eman zituen Eccleko Musika Eskolan (1961) eta Parisko Kontserbatorioan (1970). Halaber, Kontserbatorioko Kontseilu Goreneko kide izan zen. Bere belaunaldiko musikari onenetakotzat daukate. Lehen lanetan nabarmena du hainbat musikariren eragina, Ravelena besteak beste, eta horregatik bere lehenbiziko obra gehienak desegin zituen. Lehenengo lanen artean aipagarriak dira, besteak beste, Sonatina (1942), txirula eta pianorako, Danse fantastique (1942, Dantza fantastikoa), orkestrarako, eta Sonata, pianorako (1947), urte horietako lanik aipagarrienetako bat. Nazioarteko ospea, baina, Lehen Sinfonia (1950) obrak eman zion. Lehen obra arrakastatsu hura Le double (1959, Bikoitza) obrarekin berretsi zuen, hamabi musika-tresnaren eta orkestraren arteko elkarrizketa moduko batekin alegia. Urte batzuk geroago Cleveland Orchestrak Las Métboles (1964) obra enkargatu zion eta hurrengo urtean estreinatu zuen. 1967an Musika Sari Nazional Nagusia eman zioten, eta bi urte geroago, M. Rostropovitxen enkarguz, Tout un monde lointain (1968-1970, Urrutiko mundu oso bat) egin zuen. 1972an Koussevitski Fundazioak Ainsi la nuit (1976) harirako kuartetoa eskatu zion. 2003. urtean, Berlineko Orkestra Filarmonikoak eskatuta, Correspondances konposatu zuen.