Hennebont

Hennebont (bretainieraz Hanebont) Bretainiako Morbihan departamenduko udalerri bat da, Bro Gwened lurralde historikoan dagoena. 2013ko erroldaren arabera 15.765 biztanle ditu.

Hennebont
Frantziako udalerria
Administrazioa
Estatu burujabe Frantzia
Frantziaren banaketa administratiboa Metropolitar Frantzia
Eskualdea Bretainia
DepartamenduaMorbihan
Izen ofizialaHennebont
Posta kodea56700
Geografia
Koordenatuak47°48′15″N 3°16′44″W
Map
Azalera18.57 km²
Altuera5 m
MugakideakInzinzac-Lochrist, Languidic, Kervignac, Lanester eta Caudan
Demografia
Biztanleria15.746 (2021eko urtarrilaren 1a)
−127 (2020)
alt_left 8.208 (%52,1) (%47,4) 7.470 alt_right
Dentsitatea847,93 bizt/km²
Informazio gehigarria
Ordu eremuaUTC+01:00 eta UTC+02:00
Hiri senidetuakKronach, Y Mwmbwls, Mourdiah (en) Itzuli eta Halhul
hennebont.bzh

Geografia

Blavet ibaiaren bokaletik 15 kilometro ingurura kokaturik dago, Lorient hiriaren ondoan. Ibaiak bitan banatzen du hiria, ezkerraldean Ville Close (hiri harresitua) eta Ville Neuve (XVII mendeko hiria) eta eskuinaldean Vieille Ville (alde zaharrena).

Historia

Galiar-erromatar garaian oppidum-a izan zen bertan. V mendean Bretoiak iritsi ziren Saxoiek Britainia Handitik kanporatu ostean. Saint Caradec etorri zen eremu honetara eta kapera bat eraiki zuen Blavet ibaiaren ertzean.

1114 urtekoa da lehenengo Hennebont herriaren aipamena. Hanebont izenak "zubi zaharra" esan nahi du, izan ere ibaia gurutzatzeko zubia eraiki baitzen bertan, eta inguruan herria sortu zen.

XIII mendean harresiak eraiki ziren eta XV mendean gotortu, ateetan zubi altxagarriak ere ezarri ziren horretarako. 1342an Breatiniako oinordetza gerran hiria setiatu zuten Filipe Baloiskoak eta Karlos Bloiskoak eta hiriak aurre egin zien Joan IV.a Bretainiakoaren alaba Joana Flandriakoaren agindupean. Alabak berak su eman zion setiatzaileen kanpalekuari eta horregatik Jeanne la Flamme izenaz ezagutu izan zen.

XV mendetik aurrera herria handituz joan zen nekazal eta itsas merkataritza oinarri hartuta. 1666an alboan Lorient sortzeak ere ez zuen bere garapen ekonomikoa geldiarazi.

Bigarren Mundu Gerraren barruan alemaniarrek okupatu zuten hiria eta 1944ko abuztuan aliatuen bonbaketek hiri harresituaren zati handiak suntsitu zituzten, bertan gotortu baitziren alemaniarrak.

Ondasun nabarmenak
  • Notre-Dame-de-Paradis eliza.
    Notre-Dame-de-Paradis eliza.
  • Harresiak.
    Harresiak.
  • Hennebonteko zalditegia.
    Hennebonteko zalditegia.
  • Le Puits Ferré.
    Le Puits Ferré.
  • Kerbihan parke botanikoa.
    Kerbihan parke botanikoa.
  • Bot jauregia.
    Bot jauregia.

Hiri senidetuak
  • Alemania Kronach, Alemania
  • Mali Mourdiah, Mali
  • Gales Mumbles, Gales

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.