Helensburgh

Helensburgh (Eskoziako gaeleraz: Baile Eilidh, eskozieraz: Eelansburgh) Eskoziako Argyll eta Bute eskualdeko hiri handiena da, 2011ko erroldaren arabera 14.220 biztanle ditu. Hala ere hiriburua Lochgilphead da.

Helensburgh
Baile Eilidh
 Eskozia
Administrazioa
Estatu burujabe Erresuma Batua
Herrialdea Eskozia
Eskoziako kontseilu guneaArgyll eta Bute
Geografia
Koordenatuak56°00′25″N 4°43′54″W
Map
Demografia
Biztanleria13.640 (2016)
Informazio gehigarria
Ordu eremuaUTC±00:00

Geografia

Clydeko fiordoaren iparraldean kokaturik dago.

Historia

Helensburgh 1776an sortu zen Sir James Colquhoun-ek Ardencaple gazteluan bainu termalak eraiki zituenean. Bainu horien inguruan zerbitzuak emango zituen herri oso bat eratuz joan zen. Edinburgheko Hiri Berriaren estilora planifikatu zuen eta bere emazte Helen-en izena eman zion. Greenock-ekin lotuko zuen ferry zerbitzua abiatzerakoan Helesburgh aisialdirako herri ezaguna bihurtu zen Glasgowko ontziola jabeen eta tabako merkatari aberatsentzat.

1808an Henry Bell-ek erosi zituen bainuak eta hotela eta lurrun ontziak ekarri zituen turismoari begira. 1858an trena iritsi zen eta hainbeste handitzen ari zenez 1894an bigarren tren geltokia ere eraiki behar izan zen. 1903an Charles Rennie Mackintosh arkitektoak Hill House (Muinoko etxea) eraiki zuen.

1975 arte Dunbartonshire eskualdean egon zen baina 1996ko berrantolaketan Argyll eta Bute eskualdean sartu zuten. Gaur egun Glasgow inguruko lo-hiria bihurtu da.

Ondasun nabarmenak
  • Hill House

Iruditegia
  • Herria.
    Herria.
  • Kaia.
    Kaia.
  • Moila.
    Moila.
  • Hiriaren ikuspegia, neguan.
    Hiriaren ikuspegia, neguan.
  • Hill House.
    Hill House.
  • Camis Eskan House.
    Camis Eskan House.
  • Clydeko fiordoa.
    Clydeko fiordoa.


Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.