Heldenplatz
Heldenplatz (euskaraz Heroien Plaza) Austriako Viena hiriburuaren erdigunean dagoen plaza bat da.
| Heldenplatz | |
|---|---|
 Heldenplatz plaza Karlos Austriako Artxidukuaren estatuarekin, Hofburg jauregiaren aurrealdean.  Irudi gehiago | |
| Kokapena | |
| Estatu burujabe |  Austria |
| Federal capital |  Viena |
| District of Vienna | Innere Stadt |
| Koordenatuak | 48°12′24″N 16°21′47″E |
 | |
| Arkitektura | |
| Ondarea | |
Plaza hau gertakari historiko garrantzitsu ugariren lekuko izan da, horietan nabarmena 1938an Adolf Hitlerrek iragarri zuen Hirugarren Reichak Austriarekiko burutu zuen anexio edo Anschluss delakoa izan zen.
Plaza
Heroien Plaza delakoa Hofburg jauregi inperialaren alboan dago eta eraikin multzo honetan zati da, Frantzisko Josef I.a Austriakoa enperadorearen agintaldian eraikia izan zelarik, Kaiserforum ("Foro Inperiala") delakoaren zati bezala, halere ez zen osoki amaitua izan. Ipar-mendebaldetik, Leopoldo Hofburgekoa hegalarekin muga egiten du, hego-ekialdean Neue Hofburg ("Hiri Berri Inperiala") eremuarekin, eta hego-mendebaldean Ringstraße (Etorbide Zirkularra) etorbidea du, honetatik Äußeres Burgtor (Kanpoaldeko Ataria) ateak banatzen duelarik. Ipar-mendebaldean, eraikinik ez dago, Ringstraße etorbidearen ikuspegia dago, bertan Austriako Legebiltzarra, Vienako udaletxea eta Burgtheater ("Antzoki Inperiala") antzokia daudelarik.
Plazan bi estatua daude, bata Eugenio Saboiakoa printzearena eta bestea Karlos Austriako Artxidukearena, biak buruzagi militar bikainak izateagatik oroituak direlarik, hortik plazaren izena.
Plazaren alboan, beste hiri eremu handi bat topatzen da, Maria-Theresien-Platz edota "Museoen Plaza", honen alboan Kunsthistorisches Museum ("Artearen Historiaren Museoa") eta Natur Historiaren Museoa eraikin bikiak daudelarik.
Literatura
Nahiz eta plaza ospakizun eta ekitaldi ugarientzako erabilia izan zen, Hitlerrek bertan burututako hitzaldiekin duen loturak jendearengan eragin handia izaten jarraitzen du. Arrazoi honexegatik, "Heroien Plaza" literatur idazlan ugariren gaia izan da, horietako ezagunena Thomas Bernhard idazlearen Heldenplatz idazlana eta Ernst Jandl olerkariaren Wien: Heldenplatz ("Viena: Heroien Plaza").
Iruditegia
Ikuspegi orokorra.
Kaiserforum eremuaren 1870eko Gottfried Semper arkitektoaren planoa.
Äußeres Burgtor.
Planoa.
Kanpo estekak
- Wien: Heldenplatz - Ernst Jandl (Alemanez)
