Hegoafrikar Errepublika

Hegoafrikar Errepublika (nederlanderaz: Zuid-Afrikaansche Republiek, ZAR) —ezagunagoa Transvaal edo Transvaalgo Errepublika izen extraofizialaz— 1852 eta 1902 urteen artean iraun zuen boer errepublika independentea izan zen.

Hegoafrikar Errepublika
Zuid-Afrikaansche Republiek
1852 – 1902
Errepublika
bandera

armarria

Geografia
HiriburuaPretoria
Historia
← Aurrekoak
Klein Vrystaat
Nieuwe Republiek
Ondorengoa →
Transvaal kolonia

Sorrera

Transvaal eskualdea Esperantza Oneko Lurmuturretik etorritako boerrek kolonizatu zuten 1835etik aurrera; 1838rako kolonoak indigenen gainean nagusituak ziren.[1]

1848an, Lurmuturreko gobernadoreak britainiar jabegoa aldarrikatu zuen Vaal ibarraren ipar eta hegoaldeko lurren gainean. Boerrek armak hartu zituzten, Andries Pretorius komandantearen agindupean; baina Boomplaatseko batailan britainiarrak gailendu ziren, eta boerrak Vaal ibaiaren iparraldera erretiratu ziren. Han Hegoafrikar Errepublika aldarrikatu zuten 1852an, Potchefstroom kapitala zela.[2]

Gatazkak

Iraun zuen artean, Hegoafrikar Errepublikak hainbat gatazka bizi izan zituen: bai indigenekin, bai boerren artean, eta baita britainiarrekin ere. Gainera 1885ean Witwatersranden urrea aurkitu zen, eta honek etorkinen oldea ekarri zuen (Johannesburg hiria meatzeen inguruan sortu zen). Gainera, britainiarren Transvaalekiko interesa biderkatu zen.[3]

Amaiera

Bigarren Boerren Gerran, britainiarrek boer errepublikak (Orangeko Estatu Librea eta Hegoafrikar Errepublika) garaitu zituzten, eta 1902an azken hori Transvaal kolonia bihurtu zen, Erresuma Batuaren administrazioaren eta okupazio militarraren pean.[4]

Erreferentziak
  1. Fairbridge, D. (1918). History of South Africa. .
  2. Eybers. (1917). Select constitutional documents illustrating South African history 1795–1910. .
  3. South African Mines. (Noiz kontsultatua: 2018-I-3).
  4. Oakes, Dougie. (1992). Illustrated History of South Africa – The Real Story. Reader's Digest ISBN 9781874912279..

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.