Hego Lapurdiko Hirigunea
Hego Lapurdiko Hirigunea[1] (frantsesez Agglomération Sud Pays Basque) Lapurdiko hego-mendebaldeko 12 udalerrik osatzen zuten hirigune elkargoa izan zen, Pirinio Atlantikoetako hirugarren hirigune elkargoa. 2013ko urtarrilaren 1 arte, Euskal Herri Hegoaldeko Herri Elkargoa izena zuen.[2]
| Hego Lapurdiko Hirigunea | |
|---|---|
| Administrazioa | |
| Lurraldea | Lapurdi |
| Sorrera | 2005eko abenduaren 21a |
| Desagerpena | 2017ko urtarrilaren 1a |
| Presidentea | Mixel Hiriart |
| Hiriburua | Urruña |
| Udalerriak | 12 |
| Estatistikak | |
| Azalera | 270,5 km² |
| Biztanleria | 64 863 (2010) |
| Dentsitatea | 217,07 bizt./km² |
2017ko urtarrilaren 1ean desegin zen elkargoa, Euskal Herri Elkargoa sortu zenean.
Osaera
Elkargoak 12 udalerri biltzen zituen —13, Bidarte ere kontuan hartzen bada—, Lapurdiko hego-mendebaldekoak.
- Kantonamendu aldetik hauxe da banaketa:
- Uztaritzeko kantonamenduan 3: Ahetze, Arbona eta Senpere. Gainerakoak Errobi herri elkargoan daude.
- Ezpeletako kantonamenduan 2: Ainhoa eta Sara. Beste bostak aipatu Errobi herri elkargoan bildu dira.
- Donibane Lohizuneko kantonamenduan 3: Azkaine, Donibane Lohizune eta Getaria. Laugarrena, Bidarte, inongo elkargotan ez dagoen bakarrenetakoa da eta BAB hirigune elkargoan sartzeko asmoa erakutsi du.
- Hendaiako kantonamenduan 4, guztiak: Biriatu, Hendaia, Urruña eta Ziburu.
- Lapurdin eskualdeen banaketak ez duenez Nafarroa Beherean edo Zuberoan duen oinarri historiko-naturala, eskualde historiko-natural aldetik definitzea zail samarra da; izenak berak adierazten du zein neurritaraino den artifiziala.
- Lapurdiko eskualdeen zerrendan erakusten den eskualde naturalen banaketaren arabera, Lapurdi Erdialdean Ahetze, Arbona eta Senpere leudeke eta Lapurdi Garaian Sara; gainerakoek Lapurdi Itsasegia osatzen dute, Bidarterekin.
- Bi gune nagusiren inguruan osatuta dagoela esan daiteke: alde batetik Donibane Lohizune-Zibururen aldiriak eta bestetik Hendaia aldea, Txingudiko metropolitar eremuari begira. Sara, Senpere, Azkaine eta Ahetzek barnealdearen ezaugarri eta loturak ere badituzte eta Arbonak horrez gain BABrekin oso harreman estuak ditu.
Udalerri kideen datuak
| INSEE Kodea | Udalerria | Alkatea | Biztanleria | Azalera | Dentsitatea | Delegatuak |
|---|---|---|---|---|---|---|
| 64161 | Ahetze | Philippe Elizalde | 1844 bizt. | 10,56 km² | 139,02 bizt./km² | |
| 64123 | Ainhoa | Michel Ibarluzia | 696 bizt. | 16,19 km2 | 40,02 bizt./km² | |
| 64113 | Arbona | Marie-Jo Mialocq | 2068 bizt. | 10,59 km2 | 168,46 bizt./km² | |
| 64031 | Azkaine | Jean Louis Laduche | 4104 bizt. | 19,27 km2 | 186,72 bizt./km² | |
| 64250 | Biriatu | Mixel Hiriart | 1120 bizt. | 11,04 km2 | 86,23 bizt./km² | |
| 64502 | Donibane Lohizune | Peiuko Duhart | 13448 bizt. | 19,05 km2 | 712,81 bizt./km² | |
| 64123 | Getaria | Albert Larrousset | 1392 bizt. | 1,4 km2 | 944,29 bizt./km² | |
| 64113 | Hendaia | Jan Battit Salaberri | 15802 bizt. | 7,95 km2 | 1766,16 bizt./km² | |
| 64031 | Sara | Jean-Baptiste Laborde | 2564 bizt. | 51,34 km2 | 44,23 bizt./km² | |
| 64250 | Senpere | Christine Bessonart | 5862 bizt. | 65,08 km2 | 78,46 bizt./km² | |
| 64502 | Urruña | Odile de Coral | 8910 bizt. | 50,57 km2 | 151,63 bizt./km² | |
| 64502 | Ziburu | Guy Poulou | 7053 bizt. | 7,44 km2 | 844,35 bizt./km² | |
| 64 863 bizt. | 270,5 km² | 217,07 bizt./km² |
Erreferentziak
- ikus Hego Lapurdiko Hirigunearen webgunean .
- ikus 2012ko abenduaren 28ko Prefetaren erabakia
Ikus, gainera
Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.