Hazkunde-tasa

Hazkunde-tasaz jarduten dugunean, BPGak epe zehatz batean eta aurreko urtean izan dituen gehikuntzaren arteko erlazioa erakusten digun adierazle ekonomikoaz dihardugu.

${\displaystyle Hazkunde-tasa={BPGt\times BPGt-t_{1} \over BPGt-t_{1}}\times 100}$

Hala ere, hau ez da soilik BPGaren kontzeptura mugatzen; bi une edo aldi ezberdinetan magnitude batek hartzen dituen bi balioak alderatzen dituen adierazlea da, ehunekoetan magnitudeak une batetik bestera izan duen hazkundea adierazten du.

Inbertitzaileen aburuz, hazkunde-tasak hainbat aldagaiek osaturiko urteko hazkunde-tasa adierazten du; hala nola, diru-sarrerak, irabaziak, dibidenduak, txikizkako salmentak eta Barne Produktu Gordina (BPG).

Magnitude batek ${\displaystyle t,\ t-1,\ t-2,\ldots ,t-h}$ uneetan hartzen dituen balioak ${\displaystyle y_{t},\ y_{t-1},\ y_{t-2},\ y_{t-h}}$ izanik, ${\displaystyle t-h}$ eta ${\displaystyle t}$ bitarteko hazkunde-tasa honela kalkulatzen da:

${\displaystyle h_{t-h,t}={\frac {y_{t}-y_{t-h}}{y_{t-h}}}\times 100={\Bigg (}{\frac {y_{t}}{y_{t-h}}}-1{\Bigg )}\times 100}$

Maiz, batez besteko hazkunde-tasa ere kalkulatzen da, aldi batzuetan zehar batez beste izandako hazkundea urteko, hilabeteko edo beste aldi bakoitzeko. Hazkunde-tasak maiz erabiltzen dira ekonomian, koiuntura ekonomikoaren adierazleen bilakaera kuantifikatu eta behar bezala interpretatzeko; finantzetan, inbertsioen errentagarritasuna kalkulatzeko; eta demografian, biztanleriaren hazkundea aztertzeko.[1]