Harry Styles

Harry Edward Styles (1994ko otsailaren 1a, Holmes Chapel, Cheshire) Erresuma Batuko abeslari, konpositore eta aktorea da. Bere karrera musikala 2010.urtean hasi zuen One Direction taldeko kide gisa, 2016an taldea banandu arte. Ondoren bakarkako ibilbideari ekin zion.

Harry Styles

(2022)
Bizitza
Jaiotzako izen-deiturakHarry Edward Styles
JaiotzaRedditch (en) Itzuli, 1994ko otsailaren 1a (30 urte)
Herrialdea Erresuma Batua
Lehen hizkuntzaIngeles britainiarra
Familia
AitaDesmond Styles
Bikotekidea(k)
Anai-arrebak
Hezkuntza
HeziketaHolmes Chapel Comprehensive School (en) Itzuli
Centralia High School (en) Itzuli
Hizkuntzakingelesa
Ingeles britainiarra
Jarduerak
Jarduerakabeslaria, kantugilea, aktorea, zinema aktorea, gitarra-jotzailea, egile abeslaria, gizaldeko ekintzailea eta aktibista
Altuera1,83 metro
InfluentziakThe Beatles eta David Bowie
KidetzaOne Direction
Genero artistikoasoft rock
pop musika
rock
Britpopa
herri-musika
Ahots motabaritonoa
Musika instrumentuaahotsa
gitarra
DiskoetxeaSyco Music
Columbia Records
hstyles.co.uk
IMDB: nm4089170 Allocine: 649538 Rottentomatoes: celebrity/harry_styles Allmovie: p720325 Metacritic: person/harry-styles TV.com: people/harry-styles
Facebook: harrystyles Twitter: Harry_Styles Instagram: harrystyles Youtube: UCZFWPqqPkFlNwIxcpsLOwew Souncloud: harrystyles Spotify: 6KImCVD70vtIoJWnq6nGn3 iTunes: 471260289 Last fm: Harry+Styles Musicbrainz: 7eb1ce54-a355-41f9-8d68-e018b096d427 Songkick: 5820634 Discogs: 2508414 Allmusic: mn0002854537 Deezer: 5313805 Edit the value on Wikidata

Biografia

Haydn Morris, Nick Clough eta Will Sweeney lagunekin batera "White Eskimo" musika taldea sortu zuen eta 2009an "Banden lehiaketa irabazi zuten"[1].

One Direction (2010-2016)

The X Factor telesaioan aurkeztu zen Stevie Wonderren "Isn't She Lovely" abestiarekin eta hurrengo fasera pasatzea lortu zuenez taldeak desegin beharra izan zuen[2]. Orduan Nicole Scherzinger epaileak Louis, One Direction izeneko taldea sortzea iradoki zien Harriri eta Louis Tomlinson, Niall Horan, Zayn Malik eta Liam Payne-ri. Lehiaketan zehar Kelly Clarksonen "My Life Would Suck Without You" eta Bonnie Tylerren "Total Eclipse of the Heart" kantak interpretatu zituzten eta azkenean hirugarren postuarekin konformatu behar izan zuten. Arrakasta handia izan zuten ordea eta Simon Cowellek bi milioi libera ordaindu zituen One Direction taldeak Syco diskoetxearekin sinatu zezan[3].

2011. urtean aurreneko diskoa atera zuten, Up All Night izenekoa, eta Billboard 200 zerrendan lehenengo postua eskuratu zuten. Talde britainiar batek balentria hau lortzen zuen aurreneko aldia zen[3]. "What Makes You Beautiful" izan zen ezagun egin zen abestia[4].

2012an Take Me Home diskoa atera zuten eta aurrekoak baino harrera hobea izan zuen[5]. Erresuma Batuan, Australian, Kanadan, Estatu Batuetan, Irlandan eta Zeelanda Berrian lehenengo postua eskuratu zuen[6]. "Live While We're Young" eta "Little Things" izan ziren single entzunenak.

Midnight Memories izena zuen hirugarren diskoak, 2013ko azaroaren 25ean argitaratu zenak, eta denen artean salmenta gehien izan zituen diskoa izan zen. Lau milioi kopia saldu zituzten[7] eta Where we are kontzertu bira luzea egin zuten[8].

2014an laugarren diskoa iritsi zen, Four izenekoa eta 2015ean bosgarrena, Made in the AM. Azken disko hau atera ondoren taldeak atseden hartzea erabaki zuen[9].

One Directionen arrakastaz baliatuta bi filme-dokumental ere egin zituzten, One Direction: This is Us (2013) eta One Direction: Where We Are, The Concert Film (2014).

Bakarkako bidea (2016- )

One Direction desegitearekin batera Modest management enpresa utzi eta bere disketxe propioa sortu zuen, Erskine Records. Columbia Recordsekin kontratua sinatu zuen[10] eta 2017an bere izena daraman diskoa plazaratu zuen. Aurreneko singlea "Sing of the Times" izan zen eta Erresuma Batuan aurreneko postua eskuratu zuen. Rolling Stone aldizkariak 2017ko abesti onena izendatu zuen[11] eta bideoklipak Brit Award sarietan britainiar musikari baten bideo onenaren saria eman zion. Filme bat ere egin zuen, Harry Styles: Behind the Album izenekoa. 2017 eta 2018 artean iraun zuen kontzertu bira erraldoia egin zuen Ipar eta Hego Amerikan, Europan, Asian eta Australian zehar[12].

2017an aktore lanetan egin zuen debuta, Dunkirk filmean hain zuzen ere[13]. 2018an Love, Simon filmeko soinubandan hartu zuen parte "Alfie's song" abestiarekin. Urte berean Gucci moda enpresarentzako modelo lanetan hasi zen.

2019an disko berria argitaratu zuen, Fine Line[14]. Aurreneko singlea "Lights Up" izan zen eta hirugarren postura iritsi zen Erresuma Batuko zerrendetan. Abestirik arrakastatsuena "Watermelon Sugar" izan zen, laugarren singlea zen eta Billboard Hot 100 zerrendan lehenengo postua lortu zuen[15].

2021ean Eternals filmean agertu zen Eros pertsonaia moduan. Urte berdinean ere, Pleasing marka argitaratu zuen Perfect pearl kolekzioarekin. 2022an Don't worry darling eta My policeman filmetan aktore bezala agertu zen berriz.

2022an Londresen ikusi zen bere album berrirako musika bideo bat grabatzen; Geroxeago Pleasing-erako kolekzio berria atera zuen martxoak 15ean, Shroom bloom izeneko kolekzio berria. Geroxeago, (apirilak 1ean), bere album berriko lehen singel-a atera zuen 'as it was' deiturikoa, eta egun batean, eta aste batean, gehien entzun zen abestia sortu zen. Aste batzuk geroago, 'coachella' jaialdiko gonbiatu nagusia izan zen.

Birak

Diskografia

One Direction
  • Up All Night (2011)
  • Take Me Home (2012)
  • Midnight Memories (2013)
  • Four (2014)
  • Made in the A.M. (2015)

Bakarka
  • Harry Styles (hs1) (2017)
  • Fine Line (2019)
  • Harry's House (2022)

Erreferentziak
  1. Sheridan, Emily. (2012-05-18). «He was a ladies' man even at school! One Direction's Harry Styles surrounded by girls in candid prom photos» Mail Online (Noiz kontsultatua: 2020-11-16).
  2. (Ingelesez) «Harry Styles: Fun facts about the One Direction singer» Hits Radio (Noiz kontsultatua: 2020-11-16).
  3. (Ingelesez) «One Direction | Biography, Albums, Streaming Links» AllMusic (Noiz kontsultatua: 2020-11-16).
  4. «Wayback Machine» web.archive.org 2017-08-27 (Noiz kontsultatua: 2020-11-16).
  5. (Ingelesez) Take Me Home - One Direction | Songs, Reviews, Credits | AllMusic. (Noiz kontsultatua: 2020-11-16).
  6. (Ingelesez) «Billboard - Music Charts, News, Photos & Video» Billboard (Noiz kontsultatua: 2020-11-16).
  7. (Ingelesez) «One Direction top 2013 global album chart» BBC News 2014-08-01 (Noiz kontsultatua: 2020-11-16).
  8. (Ingelesez) «One Direction's Where We Are Tour Attended by 3.4 Million Fans» Billboard (Noiz kontsultatua: 2020-11-16).
  9. (Ingelesez) «One Direction to 'take a break in 2016' after release of fifth album» BBC Newsbeat 2015-08-24 (Noiz kontsultatua: 2020-11-16).
  10. (Ingelesez) «Harry Styles Signs Recording Contract With Columbia: Exclusive» Billboard (Noiz kontsultatua: 2020-11-16).
  11. «50 Best Songs of 2017 – Rolling Stone» web.archive.org 2018-09-15 (Noiz kontsultatua: 2020-11-16).
  12. (Gaztelaniaz) «HARRY STYLES ANUNCIA LAS FECHAS MUNDIALES DE SU LIVE ON TOUR 2017.» Sony Music Entertainment México 2017-04-28 (Noiz kontsultatua: 2020-11-16).
  13. (Gaztelaniaz) «¡Harry Styles debuta en la pantalla grande con 'Dunkerque'!» TVyNovelas México 2018-09-23 (Noiz kontsultatua: 2020-11-16).
  14. (Ingelesez) Kim, Michelle. «Harry Styles Announces New Album Fine Line» Pitchfork (Noiz kontsultatua: 2020-11-16).
  15. (Ingelesez) Curto, Justin. (2020-08-10). «Harry Styles Gets First No. 1 Hit With ‘Watermelon Sugar’» Vulture (Noiz kontsultatua: 2020-11-16).
  16. (Gaztelaniaz) Harry Styles: Live on Tour. 2020-10-26 (Noiz kontsultatua: 2021-05-03).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.