Harlandu

Harlandua eraikuntzan erabiltzen den harria da, gehienetan laukizuzen itxurakoak. Tamaina handikoak eta astunak dira, eta ezin dira esku hutsez altxa. Txikiagoak badira eta, hortaz, eskuz altxagarriak, harlanduxka izena hartzen dute.

Monterron jauregiaren fatxada nagusia, harlandu-lana

Harlanduak lau alde landuak izaten ditu, edo behintzat hiru. Baina bada era bat, harlandu errustikoa izenekoa, zeinean murruan ikusten den aldea latz eta landugabe uzten dena.

Harlandu bakoitzaren garaiera, bi errenkadaren artekoa, estekadura mota desberdintzen du:

  • handia: 35 cm baino gehiago
  • ertaina: 20 eta 35 cm artean
  • txikia: 20 cm baino gutxiago

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.