Hakim Ziyech

Hakim Ziyech
	; (2021) Irudi gehiago
Bizitza
Jaiotza	Dronten, 1993ko martxoaren 19a (31 urte)
Herrialdea	Maroko ; Herbehereetako Erresuma
Lehen hizkuntza	nederlandera
Hezkuntza
Hizkuntzak	nederlandera; ingelesa
Jarduerak
Jarduerak	futbolaria
Ibilbidea
	Parte-hartzailea 2018ko Munduko Futbol Txapelketa ; 2019 Africa Cup of Nations (en) ; 2022ko Munduko Futbol Txapelketa ;
Posizio edo espezialitatea	erdilari erasotzailea; wing half (en)
Kirol zenbakia	10
Pisua	65 kilogramo
Altuera	180 zentimetro
Jasotako sariak	ikusi AFC Ajax–player of the year (2018) ; Officer of the Order of the Throne (2022ko abenduaren 20a) ;

Hakim Ziyech (arabieraz: حكيم زياش‎; Dronten, Flevoland, Herbehereak, 1993ko martxoaren 19a) Herbehereetan jaiotako marokoar jatorriko futbol jokalaria da. Erdilari edo eskuin hegaleko bezala jokatzen du Ajaxen, Herbehereetako Eredivisie ligan. Talde honetan Chelseak utzita dago. Gainera, Marokoko futbol selekzio nazionalarekin ere jokatzen du, eta 2018ko Munduko Futbol Txapelketa jokatu zuen.

Ibilbidea

Haurtzaroan hainbat harrobitatik pasa zen, hain zuzen ere Reaal Dronten taldea izan zen bere lehena, bera jaiotako herriko futbol taldea. 2004tik 2007ra berriz, ASV Drontenen ibili zen, bere hiriko beste talde bat. 2007an ordea, 15 urterekin, Herbehereetako talde onenetariko batean sartu zen, Heerenveen taldearenean. 2012rarte behe-kategorietan jokatu zuen, eta urte horretan lehen taldera jauzi egin zuen. Bere lehen denboraldiaz gain, beste bat ere egon zen, eta bien artean 36 partidu pilatu zituen, 11 gol sartuz. Hori dela eta, Twente taldea iritsi eta erosi egin zuen.

Talde honekin 3 urteko kontratua sinatu zuen. Bere lehen denboraldia ez zen hain ona izan, nahiz eta partidu konkretu batzuetan sekulako erakustaldiak eman eta haiekin zifrak txukundu. Bere bigarren denboraldia ordea, ordura arteko onena izan zen, hau da, 2015-2016 denboraldia. 17 gol eta 10 asistentziarekin, agur esan zion Twente taldearekin egin zuen ibilbideari. Guztira 68 partidu jokatu zituen, 30 gol sartuz. 2016ko udan, Ajaxek fitxatu zuen, 11 milioi euro ordainduz. Bere lehen hiru denboraldietan bere zifrak handituz joan ziren, eta jokalaria pisu gehiago hartzen joan zen. Ia 100 partidutan, 30 gol sartu zituen, eta baita hainbat eta hainbat asistentzia eman ere.

2019-2020 denboraldia ere berdin hasi zuen, bere taldeari izugarri emanez, eta oraingoan gol baino asistentzia gehiago emanez. 2020ko otsailean, Ajax eta Chelsea akordio batera iritsi ziren 40 milioi eurorengatik jokalari marokoarra Chelseara joan zedin hurrengo denboraldian. 2020-2021 denboraldiaz geroztik Ingalaterrako Ligan jokatuko du.

Selekzioari dagokionez, Herbehereetako selekzioarekin jokatzeko aukera ere izan zuen, eta hainbat beheko kategoriatan hala jokatu bazuen ere, 2015. urtean erabaki zuen Maroko aukeratzea.

Datuak: Q327456
Multimedia: Hakim Ziyech / Q327456

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.