Haile Gebrselassie

Haile Gebrselassie
	; Irudi gehiago
Bizitza
Jaiotza	Asella (en) eta Etiopia, 1973ko apirilaren 18a (50 urte)
Herrialdea	Etiopia
Bizilekua	Asella (en)
Jarduerak
Jarduerak	maratoilaria, iraupen-lasterkaria eta atleta
	Parte-hartzailea 2008ko Udako Olinpiar Jokoak ; 2004ko Udako Olinpiar Jokoak ; 2000ko Udako Olinpiar Jokoak ; 1996ko Udako Olinpiar Jokoak ; 1993 World Championships in Athletics (en) ; 1995 World Championships in Athletics (en) ; 1997 World Championships in Athletics (en) ; 1999 World Championships in Athletics (en) ; 2001 World Championships in Athletics (en) ; 2003 World Championships in Athletics (en) ;
Pisua	56 kilogramo
Altuera	169 zentimetro
Jasotako sariak	ikusi Bislett medal (1997) ; Kiroletako Asturiasko Printzesa Saria (2011) ; Track & Field News Athlete of the Year (1995) ; Track & Field News Athlete of the Year (1998) ;

Haile Gebrselassie (amhareraz: ኃይሌ ገብረ ሥላሴ, haylē gebre silassē; Asella, Arsi, 1973ko apirilaren 18a) etiopiar atleta famatua da, distantzia luzean espezializatua, eta arlo horretan inoizko lasterketari onenen artean dagoena. Bi urrezko domina lortu ditu Olinpiar Jokoetan eta lau Munduko Txapelketan 10.000 metroko lasterketan. Halaber, Berlingo maratoia lau aldiz jarraian irabazi zuen, eta Dubaikoa hiru aldiz bata bestearen atzetik. Gainera, lau munduko titulu eskuratu du pista estalian.

1.500 metro eta maratoiaren distantzien artean hainbat garaipen nagusi ditu, pista estalian, kanpoan, errepidean eta crossean. Etiopiako 61 marka nazional eta 27 munduko marka ezarri ditu, 800 metroetatik maratoira.

Palmares hautatua

Afrikako Txapelketan:
- 1993an (Durban): Zilarrezko domina 5.000 metroko lasterketan eta brontzezkoa 10.000 metrokoan.

Munduko Cross Txapelketan:
- 1994an (Budapest): Brontzezko domina.

Pista Estaliko Munduko Atletismo Txapelketan:
- 1997an (Paris): Urrezkoa 3.000 metroko lasterketan.
- 1999an (Maebashi): Urrezkoa 1.500 metroko lasterketan eta urrezkoa 3.000 metrokoan.
- 2003an (Birmingham): Urrezkoa 3.000 metrokoan.

Munduko Atletismo Txapelketan:
- 1993an (Stuttgart): Urrezko domina 10.000 metroko lasterketan eta zilarrezkoa 5.000 metrokoan.
- 1995ean (Gothenburg): Urrezkoa 10.000 metrokoan.
- 1997an (Atenas): Urrezkoa 10.000 metrokoan.
- 1999an (Sevilla): Urrezkoa 10.000 metrokoan.
- 2001ean (Edmonton): Brontzezkoa 10.000 metrokoan.
- 2003an (Paris): Zilarrezkoa 10.000 metrokoan.

Olinpiar Jokoetan:
- 1996an (Atlanta): Urrezkoa 10.000 metrokoan.
- 2000an (Sydney): Urrezkoa 10.000 metrokoan.

Maratoia:
- Londresko Maratoia: 2002an 3. postua eta 2006an 9.a.
- Amsterdamgo Maratoia: 2005ean 1. postua.
- Fukuokako Maratoia: 2006an 1. postua.
- Berlingo Maratoia: 2006, 2007, 2008 eta 2009an 1. postua.
- Dubaiko Maratoia: 2008, 2009 eta 2010ean 1. postua.
- 2001ean Munduko Maratoi Erdiaren irabazlea.
2011ko Asturiasko Printze Saria.

Ikus, gainera

Atleta ezagunen zerrenda

Kanpo estekak

Wikimedia Commonsen badira fitxategi gehiago, gai hau dutenak: Haile Gebrselassie

(Ingelesez) Gebreselassieren profila IAAFen wegbunean

Datuak: Q171500
Multimedia: Haile Gebrselassie / Q171500

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.