Haika mutil

Haika mutil
Mikel Laboaren, Mixuren, Su Ta Garren, LAIN taldearen eta Iñaki Salvadorren musika-lana
Egilea(k)	Mikel Laboa, Mixu, Su Ta Gar, LAIN taldea eta Iñaki Salvador
Argitaratze-data	1974
Ezaugarriak
Hizkuntza	euskara
Diskoetxea	Herri Gogoa
Bestelako lanak
Musikagilea	Mikel Laboa

Haika mutil euskal abesti herrikoia da. Bere bertsiorik ezagunena Mikel Laboak abestutakoa da.[1][2]

1974an eta Herri Gogoa diskoetxearekin grabatu zuen Laboak Bat-hiru diskoan. Album arrakastatsu hartan Haika mutil kanta nagusietako bat zen, bukaera oso original eta "psikodelikoa" ere bazuen, gainera. Album horretan beste abesti ospetsu hauek ere agertu ziren: Gogo eta gorputzaren zilbor-hesteak, Haize hegoa, Pasaiako herritik, Gure Bazterrak, Baga, biga, higa, Txoria txori edota Bereterretxen khantoria.

Geroago talde batzuek abestiaren bertsio berriak sortu dituzte, besteak beste, hauek:

1990: Txerokee albumean (IZ-Seaska-Elkar)[3]
1991: Su Ta Gar taldearen heavy metal bertsioa, Jaiotze Basatia albumean (IZ).[4]
2001: Su Ta Gar taldearen Jo ta ke albumean (Gor)[5]
2007: Su Ta Gar taldearen Une iraunkorrak (Jo Ta Ke Ekoizpenak)[6]
2008: Mixu-ren bertsioa MMX albumean (Agorila)[7]
2009: Lain taldearen rock bertsioa, izen bereko Lain albumean (Elkar).[8]
2017: Su Ta Gar taldearen heavy metal bertsioa, Su Ta Gar antzokietan albumean (Jo Ta Ke Ekoizpenak)[9]
2018: Zortzi taldearen bertsioa gitarra eta banjoarekin (Anorack Records). Euskal Herriko kantu famatu zonbait hartu eta bereganatzen duten bikotea da Zortzi (Bixente Junca eta Xanti Legarto).[10]
2021: Manuela Caretta bailaora eta Iñaki Salvadorren bertsioa.[11]

Hitzak

"Haika mutil, jeiki hadi
argia den mira hadi."
- Bai, nausia, argia da,
gur oilarra kanpoan da.

"Haika mutil, jeiki hadi
uria den mira hadi."
- Bai, nausia, uria da,
gure orra bustia da.

"Haika mutil, jeiki hadi
surik baden mira hadi."
- Bai, nausia, sua bada,
gur gatoa beroa da.

"Haika mutil, jeiki hadi
hortxe zer den mira hadi."
- Bai, nausia, haizea da,
gur lehioa ideki da.

"Haika mutil, jeiki hadi
kanpoan zer den mira hadi."
- Bai, nausia, edurra da,
lurra xuriz estali da.

"Haika mutil, jeiki hadi
urean zer den mira hadi."
- Bai, nausia, ardia da,
aspaldian itoa da.

"Haika mutil, jeiki hadi
zer oinon den mira hadi."
- Bai, nausia, egia da,
mutiltto hau unatu da.

http://gara.naiz.eus/paperezkoa/20101220/239001/es/Bat-Hiru-recupera-singularidad-Mikel-Laboa/ Pablo Cabezaren komentarioa Garan.
Franco, Juanjo. (1977). «Kilometroak 77 (Juanjo Franco, 1977) 10'46-12' 50» filmoteka.eus (Filmoteka.eus) (Noiz kontsultatua: 2023-01-02).
«Txerokee» www.badok.eus (Noiz kontsultatua: 2023-08-09).
Su ta Gar. (1991). «Jaiotze basatia» www.badok.eus (Noiz kontsultatua: 2023-08-10).
Su ta Gar. (2001). «Jo ta ke» www.badok.eus (Noiz kontsultatua: 2023-08-10).
Su ta Gar. (2007). «Une iraunkorrak» www.badok.eus (Noiz kontsultatua: 2023-08-10).
Mixu. (2008). «MMX» www.badok.eus (Noiz kontsultatua: 2023-08-09).
Lain. (2009). «Lain» www.badok.eus (Noiz kontsultatua: 2023-08-10).
Su ta Gar. (2017). «Su Ta Gar antzokietan» www.badok.eus (Noiz kontsultatua: 2023-08-09).
«Zortzi» www.badok.eus (Noiz kontsultatua: 2023-08-09).
Haika Mutil (Iñaki Salvador, Manuela Carretta, Fiorenzo Zancan). (Noiz kontsultatua: 2023-08-10).

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.