Haddington (Eskozia)

Gaur egun 9.000 biztanle inguruko herri txikia den arren Erdi Aroan Eskoziako laugarren herri handiena izan zen Aberdeen, Roxburgh eta Edinburghen ondoren.

1139an burgo titulua eskuratu zuen Haddingtonek eta 1198an Alexander II.a Eskoziakoa jaio zen bertan. XIII mendean ingelesen hainbat eraso jasan zituen eta hainbatetan hiria erre eta harpilatu egin zuten, 1216an, 1297an eta 1356an.

1300 aurretik Hugo de Gourlayk dorretxe bat eraiki zuen, Hailes gaztelua izango zena eta bertatik kontrolatuko zuen lurraldeak Haddingtonshire izena hartu zuen. XV mendean harresi batek inguratu zuen herria eta Andre Mariaren kolegiata eraiki zen.

1513an John Knox apaiza jaio zen bertan. Berau izan zen Eskoziako Erreforma Protestantearen bultzatzaile nagusia. Richard Cockburn of Clerkington, Jakue I.a Ingalaterrakoa eta VI.a Eskoziakoaren Estatu Idazkaria ere Haddingtondarra zen. 1548an ingelesek herria okupaturik zutela Haddingtongo Ituna sinatu zuten Eskoziarrekin. Itun honen arabera Maria I.a Eskoziakoa Frantziara eramana izan zen Frantzisko II.arekin ezkontzeko.

Bigarren Mundu Gerraren erdian, 1941eko martxoaren 3an naziek herria bonbakatu zuten.

• Andre Mariaren kolegiata
• Lennoxlove House
• Hailes gaztelua (Haddingtondik 8 kilometrotara)

• 
  Kale nagusia.
• 
  Lennoxlove House.
• 
  Hailes gaztelua.
• 
  Andre Mariaren kolegiata.
• 
  San Martin elizaren hondarrak.
• 
  John Knoxen estatua.
• 
  Gurutzea.
• 
  Amisfield House.
• 
  Old Nungate zubia.
• 
  Paisaia.

• Alexander II.a Eskoziakoa (1198-1249)
• John Knox (1513-1572), Eskoziako Erreforma Protestantearen bultzatzaile nagusia

•  Aubigny-sur-Nère (Frantzia)

• (Ingelesez) Ekialdeko Dunbartonshireko webgunea