Gustavo Gutiérrez

Gustavo Gutiérrez (Lima, Peru, 1928ko ekainaren 8a) teologo bat da. 1959an apaiztu zen. Teologia-ikasketak egin zituen Lyon eta Lovainako unibertsitateetan. Gero teologiako eskolak eman zituen Limako Unibertsitate Katolikoan. 1971n Teología de la liberación (Askapenaren teologia) argitaratu zuen, XX. mendeko bigarren erdiko obra teologiko zabalduena eta eztabaidatuena, segur aski. Obra horretan Gutiérrezek dio justiziaz aritzea dela kristauaren eginbide nagusia eta salbamena lortzeko bidea. Justiziaz aritzeko gizabanakoek elkartasuna agertu behar diete injustizia pairatzen dutenei: pobreei. Liburua marxismoak pobretasunaz egiten duen azterketan oinarritzen da. Horrek, batetik, eta klase borrokaren alde agertzeak, bestetik, Vatikanoaren haserrea piztu zuen. Gutiérrezen lanak gero eta babes gutxiago izan du erakundeen aldetik, batez ere Liman artzapezpiku berria izendatu zutenez geroztik, Gutiérrezen ikuspegiaren guztiz kontrakoa baita hura. Lan nagusiak: Reinventar el rostro de la Iglesia (1968, Elizaren aurpegia berrasmatu), Teología de la liberación (1971, Askapenaren teologia), La fuerza histórica de los pobres (1979, Pobreen indar historikoa), La liberación por la fe (1983, Askapena fedearen bitartez), Job. Hablar de Dios a partir del sufrimiento del inocente (1986, Job. Jainkoaz hitz egitea hobengabearen sufrimendutik) eta Dios o el oro de las Indias occidentales: 1492-1992 (1989, Jainkoa edo Mendebaldeko Indietako urrea: 1492-1992). 2009. urtean, Yaleko Unibertsitateak doctor honoris causa izendatu zuen.

Gustavo Gutiérrez

Bizitza
JaiotzaLima, 1928ko ekainaren 8a (95 urte)
Herrialdea Peru
BizilekuaPeru
Hezkuntza
HeziketaNational University of San Marcos (en) Itzuli
Catholic University of Paris (en) Itzuli
Gregoriotar Pontifize-Unibertsitatea
Lyoneko Unibertsitate Katolikoa
Hizkuntzakgaztelania
Jarduerak
Jarduerakteologoa, filosofoa, apaiz katolikoa eta unibertsitateko irakaslea
Enplegatzailea(k)Notre Dameko Unibertsitatea
Jasotako sariak
KidetzaArteen eta Zientzien Ameriketako Estatu Batuetako Akademia
MugimenduaAskapenaren teologia
Sinesmenak eta ideologia
ErlijioaErromatar Eliza Katolikoa
Erlijio-ordenadomingotar

Sariak

Obra
  • Líneas pastorales de la Iglesia en América Latina (Montevideo, 1969)
  • Teología de la liberación (Lima, 1971)
  • La fuerza histórica de los pobres (Lima, 1979)
  • Beber un su propio pozo. En el itinerario espiritual de un pueblo' (Lima, 1983).
  • Hablar de Dios desde el sufrimiento del inocente. Una reflexión sobre el libro de Job (Lima, 1986)
  • La verdad los hará libres (Lima, 1986)
  • Dios o el oro de las Indias (Lima, 1989).
  • El Dios de la vida (Lima, 1989).
  • Entre las calandrias. Un ensayo sobre José María Arguedas (Lima, 1990)
  • En busca de los pobre de Jesucristo, el pensamiento de Bartolomé de Las Casas (Lima, 1992).
  • Gustavo Guitérrez. Textos esenciales. Acordarse de los pobres (Lima, 2004).

Erreferentziak
Wikimedia Commonsen badira fitxategi gehiago, gai hau dutenak: Gustavo Gutiérrez Aldatu lotura Wikidatan
  1. (Italieraz) Premio Capri S. Michele - XXXI Edizione
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.