Gürtel afera

Gürtel afera Espainian 2009 urtean plazaratutako ustelkeriazko afera bat da, Espainiako Alderdi Popularreko politikariak tartean dituena, kanpoko enpresek Alderdi Popularrarekin eta alderdiak berak zuzenduriko erakunde publikoekin egindako kontratu eta zerbitzuen inguruan. Madrilgo Erkidegoan, Valentziako Erkidegoan eta Galizian bideratu zen. Auzi honetan Francisco Correa eta Luis Bárcenas 51 eta 33 kartzela urtera zigortu zituzten, eta Alderdi Popularra arduradun egin zuten lukro asmoa egotzita[1].

Protesta Espainiako Alderdi Popularraren egoitzaren aurrean, 2013ko otsailaren 1ean, ustelkeriaren aurka

Aferak ustelkeria-sarearen buru den Francisco Correa negozio-gizonaren abizenetik hartu du izena: gaztelaniazko correa izen arrunta («uhala, hedea») alemanez Gürtel da. Espainiako Alderdi Popularreko pertsonaia nabariak hartu ditu, hala nola Francisco Camps Valentziako Erkidegoko presidentea; Luis Bárcenas, Alderdi Popularraren kutxazain ohia; Ricardo Costa, Valentziako Alderdi Popularraren idazkari nagusia; eta Alejandro Agag, José María Aznar Espainiako presidente ohiaren suhia, besteak beste. Aferaren ikerketa judizialean Baltasar Garzón epailea jardun zen, baina 2010eko maiatzaren 14ean Botere Judizialaren Kontseilu Nagusiak epailea kargutik kendu zuen, frankismoko hilketak ikertzeagatik.[2] Egun, aferak epaitegietan segitzen du.

Erreferentziak
  1. (Gaztelaniaz) Pérez, Fernando J.. (2018-05-24). «Bárcenas, Correa y el PP, condenados en el juicio central del ‘caso Gürtel’» EL PAÍS (Noiz kontsultatua: 2018-05-24).
  2. (Gaztelaniaz) «La ONG Human Rights Watch lamenta la suspensión cautelar del juez Baltasar Garzón», 20minutos, 2010-05-14.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.