Gurpil zoro

Gurpil zoroa edo sorgin gurpila natura eta gizarteko hainbat fenomeno azaltzeko erabiltzen den kausa-efektu erlazioa da. Gurpil zoro batean, kausa batek eragindako ondorioak kausari eragiten dio berriz ere, eta horrek aurreko ondorioa areagotu egiten du. Adibidez, gurpil zoroa gatazken indarkeriazko gatazken dinamika azaltzeko erabil daiteke: eraso arin batek kontraeraso gogorragoa ekartzen du askotan erasoa jasan duenaren aldetik eta horrek are eta eraso gogorragoa lehenengo erasoa egin zuenaren aldetik. Ekonomian ere gara daiteke efektua: krisialdi bat gainditzeko gobernuak gastua murriztu behar duenean, baina honek azkenik krisialdia areagotu dezake, gastua are eta gehiago murriztera behartuz.