Gunnar Asplund

Erik Gunnar Asplund (Stockholm, 1885eko irailaren 22a − 1940ko urriaren 20a) arkitekto suediarra izan zen, 1920ko hamarkadako arkitektura neoklasiko suediarraren ordezkaririk esanguratsuenetakoa. Bere bizitzaren azken hamarkadan, arkitektura modernoaren sustatzaile nagusienetakoa izan zen Suedian.

Gunnar Asplund

Bizitza
JaiotzaStockholm, 1885eko irailaren 22a
Herrialdea Suedia
HeriotzaEngelbrekt church parish (en) Itzuli eta Stockholm, 1940ko urriaren 20a (55 urte)
Hobiratze lekuaSkogskyrkogården
Hezkuntza
HeziketaRoyal Institute of Technology (en) Itzuli
Suediako Arteen Errege Akademia
Hizkuntzaksuediera
Jarduerak
Jarduerakarkitektoa
Lantokia(k)Stockholm
Enplegatzailea(k)Royal Institute of Technology (en) Itzuli
Lan nabarmenak
Find a Grave: 8411 Edit the value on Wikidata

Bizitza

Asplund suediako eskola erromantikoan hezi zen artistikoki. Hastapeneko lanek mugimendu hau jarraitzen dute, gutxinaka-gutxinaka aldetzen badoa ere neoklasikoaren ikuspegi modernoagoa eta bereagoa sortu arte. 1930ean Stockholmeko Nazioarteko Erakusketan pabilioiak eraiki zituen, guztiz modernoak. Hamarkada hartako arkitektura modernoaren gaina Alemania, Herbehereak eta Frantziako arrazionalismoak osatzen zuen eta Asplund bertan oinarritu zen, baina era askeago eta espontaneoagoan, estilo organikotzat jo daitekeen eran.

1930tik aurrera Teknologia Errege Institutuko irakaslea izan zen, Stockholmen.

1934 eta 1937 bitartean Goteborgeko udaletxearen handitze lanetan aritu zen. Interes handiko lana da, antzinako eraikin bati eraikin guztiz modernoa atxikitzen baitio, naturaltasun osoz eta funtzioari dagokion handitasunez.

Bere lan ezagunenen artean, Stockholmeko liburutegi publikoa (ondoren eraiki ziren liburutegi askoren eredu) eta Skogskyrkogården ("Basoko Hilerria") daude. Azken hau, Sigurd Lewerentz kidearekin egina izan zen, eta UNESCOk Gizateriaren Ondare izendatu du. Bertan hilobiratua dago.

Lan nagusiak

Kanpo loturak
Wikimedia Commonsen badira fitxategi gehiago, gai hau dutenak: Gunnar Asplund Aldatu lotura Wikidatan
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.