John Simon Guggenheim Memorial Foundation beka

John Simon Guggenheim Memorial Foundation beka edo Guggenheim beka 1925ean John Simon Guggenheim Memorial Foundationek sortutako dirulaguntza da. Horrekin arlo desberdinetako aintzindariak izan diren profesionalei saritu nahi diete. Hauek dira arloak: natur zientziak, gizarte zientziak, humanitateak eta arteak. Arte eszenikoak ez daude jasota bekaren arauen barruan.[1] Fundazioa Estatu Batuetako enpresari eta eskuineko politikari ospetsua zen Simon Guggenheimek haren emaztearekin batera sortu zuten, gaixotasun larri baten ondorioz 1922an hil zen haien Jhon semearen oroimenez.

Emateko lehiaketak

Urtero bi lehiaketa egiten dira beka hauek emateko:

  • Estatu Batuetako eta Kanadako hiritarrei zuzendutakoa.
  • Karibeko eta Latinoamerikako hiritarrei zuzendutakoa, bigarrena.

Deialdi bakoitzaren datuak desberdinak izaten dira. Horrela 2003an, Estatu Batuetan eta Kanadan 3.282 eskaera egin ziren eta 184 beka eman ziren; Karibeko eta Latinoamerikako deialdian 737 eskaera izan ziren eta 37 beka eman ziren.

Baldintza batzuk

Arte eszenikoak ez baduade beken barne, musikagileak, zinema-zuzendariak eta koreografoak aukeratuak izan daitezke. Laguntzak ez dira ez ikasleentzat ezta ere erakundeentzat. Sortzaileak, bestetik, ez dira hasi berriak izaten; esaterako idazle bat baldin bada liburu batzuk plazaratuta eduki beharko ditu beka jaso ahal izateko. Ematen zaien dirua erabiltzeko unena, sortzaileek ez dute inongo baldintzarik bete behar; diru horren helburua sortzaileari bere lana burutzeko denbora ematea da eta, hori lortzeko, eguneroko presioa arintzea ezinbesteko beharra da.

Erreferentziak
  1. https://www.gf.org

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.