Guadalmedina

Guadalmedina (arabieraz: وادي المدينة‎, wādī al-Madīna, 'hiriko ibaia') Málagako probintziako ibaia da. Cruz Haitzean du iturburua, Camaroloseko mendilerroan, 1.433 metroko altueran. 47 kilometroko luzera du bere bokaleraino. Bere ibilbidean Malagako Mendietako Parke Naturala zeharkatzen du.

Guadalmedina
Datu orokorrak
Mota	ibai eta ur-laster
Luzera	47 km
Geografia
Koordenatuak	36°42′22″N 4°25′33″W
Estatu burujabe	Espainia
Autonomia	Andaluzia
Probintzia	Málagako probintzia
Hidrografia
Arroaren azalera	160 km²
Ur-emaria	30 m³/s
Bokalea ()	Mediterraneoa

XVI. mendean, Málaga Gaztelako koroan sartu ondoren, Guadalmedina ibaiaren arroaren deforestazioa hasi zen, bertako lurrak luberritu eta lantzeko. Jatorrizko basoa galtzeak babesik gabe utzi zituen mendi-hegalak, eta Mediterraneoko klimaren berezko uholde-prezipitazioek eragindako higadura-prozesua hasi zen. Fenomeno horrekin batera, ibai-uholdeak (bertan riás deituak) ugaritu egin ziren prezipitazio horien ondorioz.