Grigori Zinoviev

Grigori Zinoviev
	; Irudi gehiago
SBAKaren Komite Zentraleko politburoaren kide
SBAKaren Komite Zentraleko Politburoaren kidegai
SBAKaren Komite Zentraleko politburoaren kide
1918ko Errusiako Batzar Konstituziogileko diputatu
Bizitza
Jaiotzako izen-deiturak	Овсей-Гершон Аронович Радомысльский
Jaiotza	Kirovohrad, 1883ko irailaren 11 (juliotar egutegia)
Herrialdea	Errusiar Inperioa ; Sobietar Errepublika Sozialisten Batasuna
Heriotza	Mosku, 1936ko abuztuaren 25a (52 urte)
Hobiratze lekua	Donskoe cemetery (en)
Heriotza modua	heriotza zigorra: bala zauria
Familia
Ezkontidea(k)	Zlata Lilina (en) ; Sarra Ravich
Hezkuntza
Heziketa	Bernako Unibertsitatea
Hizkuntzak	errusiera
Jarduerak
Jarduerak	aktorea eta politikaria
	Parte-hartzailea 5th Congress of the Russian Social Democratic Labour Party (en) ; 7th Congress of the Russian Communist Party (en) ; 8th Congress of the Russian Communist Party (en) ; 9th Congress of the Russian Communist Party (en) ; 10th Congress of the Russian Communist Party (en) ; 11th Congress of the Russian Communist Party (en) ; 12th Congress of the Russian Communist Party (en) ; 13th Congress of the Russian Communist Party (en) ;
Lantokia(k)	Sobietar Errepublika Sozialisten Batasuna
Enplegatzailea(k)	Kazan Federal University (en) ; III. Internazionala ; Lensovet (en) ; Petrograd Soviet (en) ; Kommunist (en)
Sinesmenak eta ideologia
Alderdi politikoa	Sobietar Batasuneko Alderdi Komunista; Errusiako Langile Alderdi Sozialdemokrata; Russian Social Democratic Labour Party (bolshevik) (en)

Grigori Jevseievitx Apfelbaum, ezagunagoa Grigori Jevseievitx Zinoviev[1] gisa (errusieraz: Григо́рий Евсе́евич Зино́вьев, ɡrʲɪˈɡorʲɪj jɪˈfʲsʲeɪvʲɪtɕ zʲɪˈnovʲjɪfA ahoskatua; Elisavetgrad, Errusiar Inperioa, 1883ko irailaren 23a^greg./irailaren 11^jul. - Mosku, Sobietar Batasuna, 1936ko abuztuaren 25a), sobietar politikaria izan zen.

Bizitza

Hamazazpi urte zituela alderdi sozialdemokratan sartu zen eta eragin handia izan zuen San Petersburgoko boltxebikeen antolakuntzan. 1905ean, iraultzaren ondoko errepresioaren kariaz, erbesteratu behar izan zuen. Kamenevekin bat eginik, 1917ko urrian matxinada armatua abiaraztearen aurkakoa zen eta iraultzaren ondoren (azaroa) mentxebikeekin eta sozialista-iraultzaileekin batera gobernua osatzearen alde azaldu zen.

Alderdiko batzorde zentraleko kidea, III. Internazionalaren (Komintern) sortzaileetarikoa eta haren idazkari nagusia (1919-1926). Leninek aldarrikatu gerra-komunismoaren alde eta Trotskik proposaturiko sindikatuen nazionalizazioaren aurka azaldu zen. 1923an, Lenin gaixo zela, Stalinekin eta Kamenevekin batera, alderdiko buruzagi izan zen. 1926an, Trotskirekin bat egin zuen Stalinen industria politikari kontra egitearren. 1934ko Purga Handian alderditik kanporatu zuten eta Sergei Kirov hil zuelako salaketapean (1935), Moskun epaitu eta hilarazi zuten.

Zinovievek eta Kamenevek beren erruduntasuna aldarrikatu zuten

Ziur asko Stalinen aginduz era basatian torturatua izan eta gero, zera aitortu zuen Zinovievek:

«

ZINOVIEV: Alderdiko Batzorde Zentrala eta Stalin izugarri gorrotatzen genituen. Uste osoa genuen beharrezkoa zela nola edo hala alderdiko buruzagiak ordezkatzea; gu jartzea haien ordez, Troskyk esan bezala.

KAMENEV: Nik, Zinovievek eta Trotskyk abiarazi genuen konplot terrorista (...). Bi aukera baino ez zeuden: alderdiaren aurkako borroka oneski eta erabat bukatzea; edo borrokaren jarraitzea, baina masen laguntza erabili gabe, plataforma politikorik gabe eta banderarik gabe: hau da, izu indibidualaren bidez. Bigarren aukera hautatu genuen. Alderdiaren zuzendaritzaren eta herrialdearen aurkako mugagabeko gorrotoak ekarri gaitu hona.

Fiskalak Kamenevi laguntzen dio (...):

VITXINSKI: Maltzurkeria eta botere pertsonala lortzeko grina izan al ziren arrazoi bakarrak?

KAMENEV: Bai, gure taldeak boterea lortzeko grina.

VITXINSKI: Ez al duzu uste horrek ez duela inolako zerikusirik gizarte-idealekin?

KAMENEV: Iraultzaren eta kontrairaultzaren arteko antzekotasun bera da.

VITXINSKI: Kontrairaultzaren alde al zaude?

KAMENEV: Bai.

»

—Pierre Brouék "Moskuko prozesuak" liburuan jasoa, 1964.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

EIMA: Eskola-liburuetako onomastikaren, gertaera historikoen eta artelanen izenak. Zerrendak

Wikimedia Commonsen badira fitxategi gehiago, gai hau dutenak: Grigori Zinoviev

Datuak: Q207459
Multimedia: Grigory Zinoviev / Q207459

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] EIMA: Eskola-liburuetako onomastikaren, gertaera historikoen eta artelanen izenak. Zerrendak