Greenwich meridianoa

Greenwich meridianoa edo Lehenengo meridianoa Ipar Polo eta Hego Polo batzen duen asmatutako zirkuluerdia da, Greenwichetik, zehatzago Londresko aldiriko astronomia-behatokitik.

Lehenengo meridianoa

Greenwich meridianoa jatorrizko meridianoa da: hortik longitudea graduz neurtzen da, hau da 0º longitudea da. Ordu-zona bakoitzak 15º longitudeari dagokio (360º 24 ordu direnez 360/24 = 15)).

Greenwich meridianoaren kontrakoa, hau da zirkulua betetzen duen zirkuluerdia, data aldatzeko nazio-arteko lerroa da, Ozeano Barea zeharkatzen duena. Zenbait uhartedi ordu-eremu ezberdinak ez izateko, lerroa ez da zuzena.

Antzinean, beste lekuak aukeratuak izan ziren erreferentziatzat, adibidez Hierro uhartea, Parisko meridianoa, San Petersburgo (Pulkovo meridianoa) edo Washington. Baina 1884an Washingtonen eginiko konferentzia batean Greenwich erabiltzea erabaki zen.

Iparraldetik hegoaldera, honako herrialdeak zeharkatzen ditu:

Greenwicheko lehenbiziko meridianoa izen ematen dion Greenwicheko Errege Behatokian ikusgai.
Greenwicheko meridianoak Zaragoza-Fraga arteko AP-2 autopista zeharkatzen duen tokia adierazten duen arkua ikusgai.
Koordenatuak
(gutxi gorabehera)		 Estatua, lurraldea edo itsasoa Oharrak
90°0′N 0°0′E Ozeano Atlantikoa Ipar Poloa
81°39′N 0°0′E Groenlandiako itsasoa
72°53′N 0°0′E Norvegiako itsasoa
61°0′N 0°0′E Ipar itsasoa
53°45′N 0°0′E  Erresuma Batua Greenwicheko Errege Behatokia
50°47′N 0°0′E Mantxako kanala
49°19′N 0°0′E  Frantzia
42°41′N 0°0′E  Espainia Pirinioetako Monte Perdidotik hurbil (Huesca). Zaragoza-Fraga arteko AP-2 autopista zeharkatzen du, toki horretan bertan zero meridianoa igarotzen dela adierazten duen arku moduko bat dago, eta autopista bere azpitik pasatzen da.
39°56′N 0°0′E Mediterraneo itsasoa Castellón (Valentziako golkoa).
38°52′N 0°0′E  Espainia Dénia (Alacant).
38°38′N 0°0′E  Espainia Altea (Alacant).
35°50′N 0°0′E  Aljeria
21°50′N 0°0′E  Mali
14°59′N 0°0′E  Burkina Faso
11°6′N 0°0′E  Togo 600 metrotan zehar
11°6′N 0°0′E  Ghana 16 kilometrotan zehar
10°57′N 0°0′E  Togo
10°36′N 0°0′E  Ghana Volta aintzira 7°48′N 0°0′E koordenatuan igarotzen du
5°37′N 0°0′E Ozeano Atlantikoa Ekuatorea 0°0′N 0°0′E koordenatuan zeharkatzen du
60°0′S 0°0′E Ozeano Atlantikoa
68°54′S 0°0′E Antartika Maud Erreginaren Lurraldea eta Hego Poloa 90°0′S 0°0′E koordenatuan

Beste planetatan

Eguzki-sistemaren zenbait objektuen lehendabiziko meridianoak honako hauek dira:

  • Ilargian, Bruce kraterretik pasatzen duena.
  • Merkurion Hun Kal kraterretik pasatzen duena.
  • Marten Airy-0 kraterretik pasatzen duena.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.