Grafiosi

Grafiosia gaixotasun fungikoa da, zumarrei erasaten diena. Ophiostoma novo-ulmi onddo askomizeteak eragiten du, zumarraren xilema hodiak hartu eta horietan barrena zabaltzen delarik; ondorioz, hostoak zimeldu eta zuhaitza ihartu egiten da. Azalaren eta egurraren artean bizi diren kakalardo eskolitido (Scolytus sp.) txiki batzuk dira gaitzaren bektoreak, onddoa hedatzen baitute.[1]

Grafiosia
Grafiosiak jotako zumarra
Deskribapena
Arrazoia(k)Ophiostoma ulmi
Identifikatzaileak

Jatorria Asian duela uste da, baina Ipar Amerikan, Europan eta Zeelanda Berrian hedatu da. Iberiar penintsulara 1970eko hamarkadan iritsi zen.[1] Milaka eta milaka zumar hil ziren garai haietan. Iruñean soilik hamabost bat mila ihartu zirela uste da. Erresuma Batuan hamabost milioi eta AEBetan berrogei milioi hil ziren.[2]

Erreferentziak
  1. Zumarrei eragiten dien grafiosiaren ondorioei aurre egiteko egitasmoa. cristinaenea.eus (Noiz kontsultatua: 2023-4-1).
  2. Errekondo, Jakoba. Landareak: Zumarraga, Kanariar Uharteak. Argia, 2005eko ekainak 26, argia.eus (Noiz kontsultatua: 2023-4-1).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.