Gorka Landaburu

Gorka Landaburu
	; (2016) Irudi gehiago
Bizitza
Jaiotza	Paris, 1951ko urriaren 11 (72 urte)
Herrialdea	Frantzia
Familia
Aita	Frantzisko Jabier Landaburu
Anai-arrebak	ikusi Eneko Landaburu; Ander Landaburu (en) ;
Hezkuntza
Hizkuntzak	frantsesa
Jarduerak
Jarduerak	kazetaria
Kidetza	PSE-EE
Sinesmenak eta ideologia
Alderdi politikoa	Espainiako Langile Alderdi Sozialista

Gorka Landaburu Illarramendi (Paris, Frantzia, 1951ko urriaren 11-) kazetari gipuzkoarra da. Hainbat hedabidetan lan egin du, tartean "Cambio 16" eta "Aldaketa Hamasei" aldizkarien zuzendari gisan ere bai. Zarautzen bizi da.

Bizitza

Lehenengo urteak

Haren aita, Frantzisko Javier de Landaburu Fernández, EAJren diputatua izan zen Espainiako Bigarren Errepublikan; Frankismoan, Eusko Jaurlaritzaren lehendakariordea izan zen, Parisko erbestean. Gorka Landaburuk bertan kaztetaritza ikasketak egin zituen eta 1972an, Euskal Herrira itzuli.

Lan ibilbidea

Frantziako hedabideetan hasi zen, Radio France, Radio Luxembourg eta Le Matin-en, eta Espainian Canal Sur eta Onda Ceron, Luis del Olmorekin batera. Halaber, EFE eta Reuters agentzietan eta Radio Euskadin ibili izan da.

Konpromiso politikoa eta atentatua

1993tik aurrera, PSEko afiliatua da eta ETAren aurkako jarrera irmoa erakutsi du. Hori zela eta, atentatu bat jasan zuen 2001eko maiatzaren 15ean Zarauzko bere etxean: pakete bat jaso zuen, hasiera batean susmagarria ez zena, harpideduna zen aldizkari baten izenarekin zetorrena. Lehergailua ezkutatzen zuen, hala ere: zabaltzean, eztanda egin zuen eta aurpegian, eskuetan eta sabelaldean zauri larriak eragin zizkion. Halaber, etxean bestelako erasoak jasan ditu eta bizkartzaina behar izan du. 'Fundación Víctimas del Terrorismo' eta 'Gesto por la Paz' elkarteen kidea izan da.

Beste alde batetik, 2005ean publikoki azaldu zen Euskaldunon Egunkariaren itxieraren aurka, eta urte bat geroago "Sí en nuestro nombre, sí a que se busque la paz" manifestua sinatu zuen, Espainiako Gobernua eta ETAren arteko bake prozesuaren alde.

Ikus, gainera

Zarauztar ospetsuen zerrenda

Datuak: Q8964753
Multimedia: Gorka Landaburu / Q8964753

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.