Gonzalo Ramos

2004an El guardavías pelikulan Jon pertsonaia interpretatu zuen eta hor hasi zen bere ibilbidea aktore bezala. MIR, Los hombres de Paco eta Hospital Central telesailetan hainbat paper  egin zituen.

18 urterekin ospera eraman zuen papel bat eskuratu zuen. 2008an Fisica o Quimican parte hartu zuen, non Julio pertsonaia interpretatu zuen lehenengo denboralditik bosgarren denboraldira arte. Seigarren eta zazpigarren denboraldietan hainbat pasarteetan agertu zen pertsonai gonbidatu bezala.

2011an There Be Dragons pelikula estreinatu zuen Roland Joffek zuzendua, Miguelen papera eginez. 2011an ere Los 80 son nuestros antzerkia estreinatu zuen bere Física o Química telesaileko taldekide ohiarekin, Álex Barahonarekin. Urte horretan Amar en tiempos revueltos telesaileko zazpigarren pasartean parte hartu zuen Alberto Cepedaren eta Carlos Robledoren pertsonaiak interpretatuz telesaila amaitu zen arte, 2012an.

2013an Titanic: Blood and Steel mini-seriean parte hartu zuen Raphael Garzónen papera eginez. Sektore audiobisualeko enpresa askoren koprodukzio bat da non Antena 3 aurkitzen da. Ramos produkzio horretan parte hartu zuen espainiar bakarra izan zen.

2014an bere lehen film laburra egin zuen: Super Yo. Gizonezkoen interpretazio onenaren saria lortu zuen Plasencia en corto jaialdi internazionalean.

Urte berean Victor interpretatu zuen Ciega a citas telesaileko hamaika kapitulutan. 2014an ere, Ingalaterrara salto egin zuen The interceptor telesaileko filmazioan parte hartuz. Telesaila 2015ean estreinatu zen eta aktore madrildarra kapitulu batean agertu zen.

Gaur egun, bere lehen film luzea idazten ari da.

2013ko irailaren 21ean Sofia Escobar abeslariarekin ezkondu zen, lagunarteko zeremonia ospatu zuten  Guimarãesen, Portugal iparraldeko herrialde batean.

2014ko Martxoaren 6an bere lehen semea jaio zen, Gabriel izenekoa.