Gonzalo Etxebarria

Bere ibilbidea Madrilgo arkitektura eskolan hasi zuen 1972-73 artean; 1974-76 artean Debako arte eskolan ikasi zuen, Jorge Oteiza maisuaren gerizan.[2]

1988an Mendikotako Uztaro taldea sortu zuen beste artista batzuekin. Urte horretan Animatzaile Tekniko brebeta eskuratu zuen Landetan.

1998an Xiru festibalean "Musika Eskultura Progresiboa" sortu zuen.

Logotipo, disko azal eta afixa ugari diseinatu ditu, baita antzerki-eszenografiak ere. 2010 urtean Xora filmeko apainketak egin zituen, baita ilustrazioak ere (Erlea 3), Zuberoako Uztaro eta Hebentik elkarteekin.[3]

Landetan epe laburrez bizi eta gero, 2000ko hamarkada hasieran Barkoxera jin zen.[1] Zuberoa sormenerako leku egokia dela iritzita, bertan gelditzeko asmoa erakutsi du, artegintza kolegioetan egiten duen irakasle lanarekin txandakatuz.[2]

Pinturan, pigmentuak eta kola erabiltzen ditu oihal edo paper gainean.

Marrazkirako, pastel lehorra erabiltzen du.

Eskultura ere lantzen du.[1]

Bere estilo libre eta independentea "expresionista abstraktu" bezala izendatu da.[1] Etxebarriaren margoek bere barne munduaren argi-ilunak adierazten dute modu bizian.

Erakusketak bakarka zein taldean egin izan ditu, leku askotan:

• 1978-1998: Deba, Zarautz, Algorta, Gasteiz, Lekeitio, Bermeo, Maule, Atharratze, Hazparne, Mendikota, Paris, Baiona, Arrosa, Hendaia, Donibane Lohitzune...
• 1998: erakusketak Paue, Perigueux eta Baionan (Luna Negra).
• 1999: Hendaiako Mediatekan; Oiartzuneko Pagoarten.
• 2000: Capbretoneko Liburutegian.
• 2001: Baionan, paisaia expresionisten erakusketa iraunkorra Art et Toiles galerian; erakusketa L'Atalante zinemako sarreran.[1]
• 2010: Biarritzen (Anne Broitman galeria).
• 2011: Ordizian (Barrena Kultur Etxea); Baionan (Kepa Arizmendi oroimenez. Kalostrape).
• 2012: Donibane Lohitzune (Autour de Debussy, Ducontenian); Irunen (Ficoba); Urdazubi (Kalostrape).[3]

• Uztaro atelierra
• Gonzalo Etxebarriaren bloga