Go!azen (telesaila)

Go!azen ETB 1eko telesail musikala da, Pausoka Entertainment ekoiztetxeak[1] eta EiTBk ekoitzia. Fikzio honek udaleku zorrotz batean euskaldun gazteen talde baten ibilerak ditu ardatz. 2008an sortu zen filma eta zinema aretoetan estreinatu. Gero 2009an EiTBk emititu zuten.

Go!azen (telesaila)
Jatorria
IzenburuaGo!azen
Jatorrizko hizkuntzaeuskara
Jatorrizko herrialdeaEuskal Herria
Sasoi kopurua10
Atalak104
Ezaugarriak
Genero artistikoamusic television (en) Itzuli
Iraupena60 minutu
Koloreakoloretakoa
Grabazio lekua(k)Azpeitia, Donostia eta Oiartzun
Zuzendaritza eta gidoia
Zuzendaria(k)Jabi Elortegi
Antzezlea(k)
Maria Redondo
Aitziber Errazkin
Itziar Urretabizkaia
Nerea Elizalde
Dánae Riaño
Ander Lacalle
Lorea Intxausti
Asier Burguete
Karmele Larrinaga
Aitor Beltrán









Ekoizpena
Konpainia ekoizleaPausoka Entertainment
Emanaldia
Jatorrizko igorlea ETB 1
Hasiera-data2009ko urtarrilaren 5a
IMDB: tt2213962 Edit the value on Wikidata

Film honen arrakastaren ondorioz, ETBk 2009an Go!azen 2.0 telesaila sortu zuen, eta bertan pelikulako pertsonaia gehienek hartu zuten parte. Urteak pasa eta gero, 2016an telesaila berreskuratu zuten eta Go!azen 3.0 telesaila sortu pertsonaia berriekin.[2] Azkeneko denboraldi hau oso arrakastatsua izan zen eta hurrengo urtean, 2017an Go!azen 4.0 estreinatu zuten.[3]

Laugarren denboraldiak ere datu onak eman zituen. Go!azen 4.0ko azkeneko atalak telesailaren historian izan duen audientziarik onena lortu zuen. 2018ko otsailaren 2an eskaini zuten atalak %9,2ko kuota lortu zuen eta euskaldunen artean %21,8koa.[4]

Telesailak duen arrakasta ikusita, hurrengo urteetan ere dinamika berarekin segitu zuten: udan grabatu eta udazkenean emititu. Go!azen 5.0 2018ko azaroaren 16an estreinatu zen. Denboraldi hau izan zen 2016an hasitako etaparen amaiera. Hiru urte horietako aktore gehienak joan ziren berriak etortzeko.

Go!azen 6.0 beraz goitik behera aldatuta iritsi zen. Ia protagonista guztiak aldatu baitzituzten. Denboraldia 2019ko azaroaren 22an hasi ziren ematen eta bataz-beste, %34,6ko kuota lortu zuen 4-12 urte arteko haurren artean. Hala ere, ordurarteko audientzia daturik kaskarrenak izan zituen denboraldi honek. Dirudienez aldaketek ez zioten onik egin telesailari.[5]

2020an, koronabirusaren pandemia iritsi zenean, telesaileko aktoreek saio berri bat egin zuten: Go!azen etxean. Bertan, Basakabiko ikasle eta ikasle ohiek itxialdia nola zeramaten erakusten zuten. Telesaileko pertsonaiek skype bidez elkarrekin elkarrizketak egiten zituzten, norbere etxetik. Lehenengo atala martxoaren 25ean eman zuten eta ordutegia etengabe aldatu: lehenengo bi atalak asteazkenetan 22:30etan. Hurrengo hirurak igandetan 21:00etan. Eta seigarrenetik larunbatetara pasa zuten.

Goǃazen 7.0 pandemia garaian grabatu zuten eta 2020ko azaroaren 20an estreinatu zen.[6] 2021eko otsailean amaitu zen eta Go!azenen historiako audientzia daturik kaskarrenak lortu zituen. Telesailaren arduradunek ordea, hurrengo denboraldi bat (Goǃazen 8.0) prestatzen hasi zirela iragarri zuten, EITBko zuzendaritzaren erabakiaren zain. Azken atala igorri ondoren, EITBk denboraldi berri bat egingo zela iragarri zuen, baina B plan bat ere prestatu zuen.[7] Euskal Telebistak, Go!azenen etorkizuna arriskuan ikusi zuenez, B plan modura, gazteentzako beste fikzio bat martxan jartzea erabaki zuen: Irabazi arte!.

Horrela, hurrengo ikasturtean (2021-2022), euskarazko bi fizkio eman ziren ETB 1en: Go!azen 8.0 eta Irabazi arte! Go!azen 8.0 2021eko azaroaren 19an estreinatu zen eta telesailaren historiako audientzia daturik onenak eman zituen. Beraz, 2022ko urtarrilean Goǃazen 9.0 denboraldia egingo zela aurreratu zuen ETBren zuzendaritzak.[8] Go!azen 8.0k eta baita Irabazi arte!-ren lehenengo denboraldiak ere audientzia datu onak izan zituzten. Ondorioz, hurrengo urtean ere bi fikzioek aurrera jarraitu zuten, A eta B planek.

Go!azen 9.0 2022ko azaroaren 18an estreinatu zen eta 2023ko otsailaren 3an amaitu. Aurreko denboraldiarekin alderatuta audientzia datuak asko jaitsi ziren, erdira baino gehiago. Urte horretako Irabazi arte! telesailaren 2. denboraldiak baino audientzia okerragoa eman zuen. Hala ere ETBk Go!azen 10.0 egingo zela erabaki zuen. Hamargarren denboraldian 100. atalera iritsiko da telesaila.


Denboraldiak
Denboraldia Atalak Emisio hasiera Emisio amaiera Audientzia (bataz bestekoa)
IkusleakKuota (eusk.)
Go!azen Filma 2009ko urtarrilaren 5a 66.000 ikusle %7,4 (%15,6)
Go!azen 2.0 12 2009ko urriaren 9a 2009ko abenduaren 25a
Go!azen 3.0 10 + 3 2016ko azaroaren 18a 2017ko urtarrilaren 27a 30.000 ikusle %4,1
Go!azen 4.0 13 + 9 2017ko azaroaren 3a 2018ko otsailaren 2a %5,8 (%15,6)
Go!azen 5.0 13 + 3 2018ko azaroaren 16a 2019ko otsailaren 15a ----- -----
Go!azen 6.0 13 + 11 2019ko azaroaren 22a 2020ko otsailaren 21a ----- %3,7 (%11,3)
Goǃazen 7.0 13 + 2 2020ko azaroaren 20a 2021eko otsailaren 12a ----- %2,9 (%8,8)
Goǃazen 8.0 10 + 2 2021eko azaroaren 19a 2022ko otsailaren 4a 40.000 ikusle %6,2 (%14,6)
Go!azen 9.0 10 + 3 2022ko azaroaren 18a 2023ko otsailaren 3a 18.000 ikusle %3,3 (%8,7)
Go!azen 10.0 10 + ? 2023ko azaroaren 17a 2024ko urtarrilaren 26 ----- -----
Guztira Filma + 104 (+ 33 berezi) 2009ko urtarrilaren 5a Emisioan ----- -----

Audientzien eboluzioa denboraldiz denboraldi
Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.


Go!azen (2008)

Go!azen gazte talde baten bizipenak kontatzen dituen ETB 1eko euskal film musikala da. Pausoka Entertainment ekoiztetxeak eta EITBk ekoiztu zuten 2008. urtean, eta genero horretako lehendabiziko euskarazko filma izan zen. Filmaren grabaketa 2008ko uztailaren 14tik abuztuaren 8ra egin zuten Azpeitia inguruan.[9]

Telebistarako sortutako 90 minutuko filma zen. 2008ko azaroaren 13an estreinatu zuten Donostian eta gero herriz herri ibili ziren pelikula aurkezten.[10] Telebistan 2009ko urtarrilaren 5ean estreinatu zuten, Errege Egun bezperan, eta sekulako arrakasta izan zuen. 1998. urteaz geroztik ETB 1en gehien ikusi zen filma izan zen.[11] Orduan, sortutako ikusmina zela eta, zinema-aretoetara ere eraman zuten filma. Hilabete batean filmak 8.000 DVD eta 6.000 CD saldu zituen.[12]

Argumentua: "Basakabi" izeneko udaleku batean 16 urteko mutil-neska talde baten istorioa azaltzen du. Hantxe Iratik (Barbara Rivas) eta Beñatek (Iñigo Azpitarte) amodioa ezagutuko dute eta arazoak aizango dituzte: zuzendariaren diziplina, kideen bekaiztuak, eta abar.

Go!azen 2.0 (2009)

Go!azen filmaren arrakastaren ondoren, EITBk Go!azen 2.0 telesaila atera zuen 2009. urtean. Kapitulu hauetan, filmean azaltzen ziren pertsonai berek hartu zuten parte. Lehenengo atala 2009ko urriaren 9an emititu zen eta ikuslearen aldetik oso harrera ona izan zuen.

Argumentua: Filmearen amaierako funtzioak izan zuen arrakasta eta gero, Gorkaren aitak Basakabi institutu musikal bihurtzea proposatzen du. Zuzendariak ez du oso ondo ulertzen proiektua, baina eskaintza onartzen du, lor dezakeen dirua baitauka buruan. Baina beldur da aldaketak ez ote dion betiko diru-iturria itxiko. Ikastetxeko arau berrietara ohitu arteko sufrimenduen eta gertaeren kontakizuna da telesailaren ardatz komikoetako bat.
Izen bereko filmaren espiritu berari eusten dio, eta hango istoriaren segida da. Ikasleek beste uda bat pasatuko dute Basakabiko udalekuan, eta telesailak haien maitasun istorioak, haserreak eta adiskidetzeak kontatuko ditu, kantak eta dantzak tartekatuz. Filmeko udatik urtebetera hasten da telesaila. Tarte horretan, pertsonaiak dezente aldatu dira.

Go!azen 3.0 (2016-2017)

Go!azen 2.0 amaitu eta sei urtetara EiTBk 2016an telesaila berreskuratu zuen. Denboraldi honek Go!azen 3.0 izena zuen eta Pausoka Entertainment izan zen ekoizlea. Bigarren denboralditik hirugarreneta urte batzuk pasa zirenez, Basakabi berrituta itzuli zen, ikasle berriekin. Sasoi honetan aktore gehienak berriak izan ziren. Errepikatu zutenak "Zuzen" (Ramon Agirre), Irati (Barbara Rivas) eta "Desi" (Inma Fernandez) izan ziren. Hamar atal egin ziren, bakoitza 80.000 euroko kostuarekin.[13]

Denboraldi honetako atalak 2016ko uztailaren 26an hasi ziren grabatzen. Azpeitiko Jesusen Bihotzaren Esklaben komentua izan zen grabazio gune nagusia, baina, horrez gain, Donostian ere filmatu zituzten atal berrietako irudiak. Lehenengo emisioa berriz, 2016ko azaroaren 18an izan zen. ETB 1en, 10 kapitulu izan zituen denboraldiak.

Argumentua: Zortzi urte geroago berriro zabaldu dute Basakabi udalekua, ikasle talde berri bat hartzeko: Haizea eta Elene bikiak, Eli eta Gari, besteak beste. Bizitza aldatuko zaie uda horretan bertan egongo diren neska eta mutilei. Udalekuaren buru Zuzen izango da, eta, Irati Ibarbia, bere garaian udalekuko ikasle izandako neska, unibertsitatea amaitu berri duen irakasle bezala dator orain Basakabira. Helduen artean Peter 'Peio' irakasle irlandarra eta Begoña Garate garbitzailea dira aurpegi berriak, eta Desi Iratiren lagun gisa itzuli da udalekura. Musika, dantza eta apaizek zuzendutako diziplina zorrotzeko udalekuan gertatzen diren istorioak kontatzen ditu oraingoan ere fikzioak. Umorea, maitasuna eta musika tartekatzen ditu telesailak.
Denboraldiaren estreinaldia: Go!azen telesailak Euskararen Txantxangorria ekimenean parte hartu zuen 2016ko udan, kanpainako abestiarekin bideoklip bat eginez.[14] Uztailaren 21ean, bideoklip hori Donostiako Kursaalean ,egindako ekitaldi batean aurkeztu zuten. Bertan izan ziren telesaileko aktoreetako batzuk, tartean, Paula eta Aitana Etxeberria (Twin Melody ahizpak), Barbara Rivas, Borja Uribesalgo eta Ramon Agirre.
2016ko irailaren 9an, telesailaren lehen atala Gasteizko FesTVal jaialdian aurrestreinatu zen. Bertan saioko hainbat aktore egon ziren. Ekitaldi horretako sarrerak EiTBren webgunean izen eman zutenen artean zozketatu ziren.[15] Urriaren 6an Bilbon emititu zuten lehen atala aktoreak bertan zirela; eta urriaren 11an, Donostian. Ondoren Euskal Herriko hainbat herritan aurrestreinatu zen kapitulua: Zarautz, Andoain, Sondika, Azkoitia, Ermua... Baita ere, antzerki saioetan oinarriturik, Euskal Herriko, hainbat herritan egin dituzte antzezlanak.[16]

Go!azen 4.0 (2017-2018)

Aurreko denboraldiaren arrakastari esker, ETBk telesailarekin jarraitzea erabaki zuen. Go!azen 4.0-ko atalak 2017ko ekainaren 20an hasi ziren grabatzen, eta abuztuaren 25ean amaitu ziren. 13 ataleko denboraldia 2017ko azaroaren 3an hasi ziren emititzen ETB 1en, eta 2018ko otsailaren 2an bukatu zen. Lehen atalerako Euskadiko Orkestra SInfonikoarekin batera egindako Goǃazen kantaren bertsioa prestatu zuten. Denboraldi honetako atal batean Kukai dantza taldeak parte hartu zuen ("Ozen oihukatu" abestian). Bestalde, Iker Lauroba musikariak eta Karlos Nguema telesaileko koreografoak cameo bat egin zuten Donostian grabatutako sekuentzia batean ("Txanpon baten truke" abestian).

Denboraldi honek audientzia datu bikainak izan zituen. %5,8ko kuota eta euskaldunen artean %15,6koa izan zituen bataz beste. Haurren artean gainera lidergoan segitu zuen. 4-12 urteko haurren artean %43,2ko kuota lortu zuen eta 13-18 arteko gazteen artean %14,3koa.

Bago!az

Go!azen 4.0n aurreko denboraldiko pertsonai gehienek jarraitu zuten, eta berri batzuk ere sartu ziren. Horietako bat, Naia Badiola (Iholdi Beristain) izan zen. Iholdik Bago!az saioari esker lortu zuen denboraldi honetako pertsonaiatako bat izatea. Bago!az 2017ko otsailetik maiatzara arte emititu zen ETB 1eko saioa izan zen. Zuriñe Hidalgo abeslariak aurkeztu zuen talent-showa eta irabazleak Go!azen 4.0 telesailean protagonista izatea zuen sari.[17]

Sakontzeko, irakurri: «Bago!az (telebista saioa)»

Go!azen 5.0 (2018-2019)

Euskal Telebistak Go!azen 5.0 izango zela iragarri zuen aurreko denboraldiko arrakasta ikusita. Grabaketak 2018ko udan burutu zituzten, eta emisioa berriz 2018ko azaroaren 16an hasi zen. Hamahiru atal egin ziren, bakoitza 95.000 euro inguruko kostuarekin.[13] Aurpegi berrien artean Iker Villa abeslaria eta Itziar Urretabizkaia aktorea daude, besteak beste. Xabi Solanoren laguntza izan dute musikarekin, eta telesailerako bi kanta propio konposatu ditu: "Basakabiko atarian", lehen atalean abestu zuten lehen kanta; eta "Kulunka goxoan", denboraldiko azken atalean Iholdi Beristainek eta Beñat Iturbek abestua.[18]

Denboraldian zehar jorratuko diren gaiei dagokienez aurrekoetan baino gai pisutsuagoak landuko direla adierazi dute zenbait aktorek, hala nola bullying-a edo homosexualitatea.[19] Jabi Elortegi zuzendariaren hitzetan "Euskal Herriko kaleko bizitzaren ahaide izaten" saiatuko dira, eta jorratuko diren beste gai batzuk sakeleko telefonoaren erabilera zein sare sozialen arriskua izango dira.[20]

Denboraldiko azken atalaren aurrestreinaldia eskaini zuten otsailaren 14an Hendaian, telebistan emititu baino egun bat lehenago, Seaskaren 50. urtemugaren harira. Sarrerak agortu egin ziren, eta ekitaldian zenbait aktorek parte hartu zuten.[21]

2019ko urtarrilaren 25ean zabaldutako bideo batean Ainhoa Larrañagak bere azken denboraldia izango zela eman zuen aditzera. 2019ko otsailaren 14an Gure Kasa saiora Ainhoa eta Maria Redondo joan ziren gonbidatu, eta beste zenbait aktorek ere ez zutela hurrengo urtean jarraituko esan zuten. Otsailaren 15ean, denboraldiko azken atala emititu baino ordu batzuk lehenago euren Instagram kontuetan telesaila agurtu zuten Aritz Mendiola, Miren Arrieta, Iholdi Beristain, Beñat Iturbe, Oihan Moreno, Asier Burguete eta Iker Villa aktoreek, euren azken denboraldia izan zela adieraziz. Era berean Nerea Mazok telesaila azkenaurreko atalean utzi zuen bere pertsonaia (Nikole) Basakabitik joan baitzen, eta Maria Redondok hurrengo egunean zabaldu zuen bere agurra, nahiz eta hurrengo denboraldian jarraitu.

Bago!az 2.0

Go!azeneko 5. denboraldiko protagonistetako bat aukeratzeko Bago!azen bigarren edizioa egin zen. Edizio honetan aurrekoan baino lehiakide gehiago aritu ziren aktore izateko lehian. 32 lehikideetatik Maria Redondo izan zen irabazlea. Hori dela eta, sari bezala Zuriñeren papera egin zuen Go!azen 5.0n. Talent showaren edizio hau 2018ko otsailetik maiatzara emititu zen ETB 1en.[22]

Sakontzeko, irakurri: «Bago!az (telebista saioa)»

Go!azen 6.0 (2019-2020)

Go!azen 5.0 estreinatu aurretik, Euskal Telebistak martxan jarri zuen DantzanGo! lehiaketa. Irabazleentzat sarietako bat Go!azen-en hurrengo denboraldian dantza egitea izango zela iragarri zuten, eta beraz Go!azen 6.0 egingo zela baieztatu zuten. Denboraldi honetan telesaila goitik behera aldatuko da, grabaketak egiten diren Azpeitiko eskola botatzekotan baitaude, etxeak eraikitzeko. Ainhoa Larrañaga aktoreak esan zuenez Basakabi ez badago agian ez da udaleku erlijioso bat izango, baina edonola ere Goǃazen-ek jarraipena izango du.[23] Era berean Ainhoa Larrañagak denboraldi honetan jarraituko ez zuela adierazi zuen, eta erabat baieztatu ez bazuen ere aurreko denboraldietako pertsonaia gehienek ere ez zutela jarraituko eman zuen aditzera. Aktore gehienek ez zutela jarraituko Goǃazen 5.0 amaitzearekin baieztatu zen. Beraz, aurrekoarekin jarraipena izan arren pertsonaia eta istorio berriak espero dira denboraldi honetan.

Denboraldi honetako lehen atalaren izenburua "Lehen egunaǃ" dela eman zuten aditzera gidoiak jada bukaturik zeudela jakinaraztean, 2019ko martxoan.[24] Pertsonaia berrien izenak ere eman zituzten aditzera.[25]

EITBren Goǃazen aplikazioaren bidez Goǃatsapp mezuetan Basakabiren etorkizunari buruzko mezuak zabaldu zituzten, Zuzen (Ramon Agirre) jubilatu egingo zela eta zuzendari postua Amaiak (Itziar Urretabizkaia) hartuko zuela esanez. Gainera, hurrengo udan Zuri (Maria Redondo) begirale lanetan arituko zela ere esan zuten. Hala ere, ez dago baieztatuta Goǃazen 6.0 denboraldian istorio hauek jorratuko direnik.

Kasting prozesua burutu ondoren grabaketak ekainaren 18an hasi zituzten. Denboraldi honetan Jabi Elortegik zuzendari postua utzi du beste telesail bat zuzentzeko, eta haren ordez Itziar Gomez eta Javier Garcia de Vicuña arituko dira zuzentzen. Denboraldiak 13 atal izango ditu, eta grabaketak bederatzi astez luzatuko dira Donostian, Azpeitiko Esklaben komentuan eta Oiartzunen.[26] Aktore gazteen artetik Maria Redondok baino ez du errepikatuko, eta aurpegi berriak Dánae Riaño, Esti Lopez, Markel Sainz, Kimetz Renteria, Xabi Rodríguez, Andrea Mora, Nikola Zalduegi, Lorea Intxausti eta Xanti Korkostegi izango dira.[27] Halaber, helduen artean Xabi Donosti eta Iban Malo batuko zaizkie Inma Fernandez, Karmele Larrinaga eta Itziar Urretabizkaiari.[28] 2019ko ekainean hasi zen denboraldi berriko promozioa, besteak beste Bilboko metroan pertsonaia berrien irudiekin publizitatea ezarriz.

Trama berriei dagokionez pertsonaia berrien artean transexual bat (Kimetz Renteria) eta neska islamiar bat (Andrea Mora) agertu ziren, eta Gomez zuzendariak esan zuenez "sare sozialetan biral egiten diren bideoen arriskuez" ohartaraziko da.[28] Uztailaren 10ean kaleratu Iker Laurobaren Zatoz gurekinǃ kantaren bideoklipa, eta atal berrien emisioa azaroan hasi zen.

Grabaketak ekaina eta uztaila bitartean gauzatu ziren, Azpeitian, Oiartzunen eta Donostiako La Asunción ikastetxean, besteak beste. Urriak 12an BECen egin zen EITB Jaian lehen atalaren aurrestreinaldia egin zen, eta estreinaldia azaroaren 22an izango dela iragarri zen.[29] Era berean, telesailaren babesleek zenbait aurre-estreinaldi antolatu zituzten.[30] Aurreko denboraldietan protagonista izan ziren Ainhoa Larrañaga, Aritz Mendiola, Beñat Iturbe eta Ramon Agirre aktore gonbidatu gisa itzuli ziren lehen atalean.[31] Denboraldian zehar hainbat aktore gonbidatu agertu ziren, besteak beste Martxelo Rubio, Edurne Agirrezabala eta Karmele Aranburu.

Azken atala 2020ko otsailaren 21ean emititu zen. Egun berean telesaileko aktoreekin atalaren estreinaldia antolatu zuten Tabakaleran.[32] Egun bat lehenago, otsailaren 20an, atalaren aurrestreinaldia egin zen Hendaian, aktoreekin batera, Herri Urratsen alde. Era berean, denboraldi berri bat egingo zela baieztatu zen.[6]

Denboraldi honek ordea ez zuen aurrekoek bezain ongi funtzionatu. Audientzia datuak txikiagoak izan ziren aurreko denboraldiekin alderatuta.

DantzanGo!

Bago!az lehiaketarekin telesailerako aktore bat aukeratzen den bezala, 2018ko irailean DantzanGo! estreinatu zuten ETB 1en. Bertan dantzariak aritzen dira lehian eta talent show honetako irabazleak Go!azen 6.0n dantzaria izatea izan zuen sari.[33] Barakaldoko B Wild taldeak irabazi zuen lehiaketa, beraz haiek agertuko dira Go!azen 6.0-n.

Sakontzeko, irakurri: «DantzanGo! (telebista saioa)»

Bagoǃaz 3.0

Goǃazen 6.0 denboraldiko protagonistetako bat aukeratzeko Bagoǃaz lehiaketaren hirugarren edizioa egin zen. 2019ko otsailaren 27an estreinatu zen ETB 1en, eta finala maiatzaren 31n eman zuten. Dánae Riaño gazte irundarrak irabazi zuen; beraz, bera izango da Goǃazen 6.0 denboraldiko aktoreetako bat.

Sakontzeko, irakurri: «Bago!az (telebista saioa)»

Goǃazen etxean

Koronabirusaren pandemiak sortutako egoera zela eta Pausoka ekoiztetxeak eta ETBk saio berezi batzuk prestatzea erabaki zuten. 2020ko martxoaren 25ean hasi ziren emisioak.[34] Telesaileko protagonistek itxialdian zehar duten bizimodua kontatzen zioten elkarri, eta aurreko denboraldietako aktore batzuk ere itzuli ziren, tartean Ainhoa Larrañaga (Eli), Asier Burguete (Markel), Miren Arrieta (Ane), Aritz Mendiola (Gari), Iholdi Beristain (Naia) eta Nerea Mazo (Nikole).[35] Atalak asteazkenetan estreinatzen ziren 22ː30etan, eta igandeetan errepikapenak eman telesailaren ohiko ordutegian, 21ː00etan. Guztira, 55 minutu eta ordu bete (60 minutu) inguruko bederatzi saio eskaini ziren, ETB1-en.[36]

Goǃazen 7.0 (2020-2021)

Aurreko denboraldia amaitzear zegoela ekoiztetxeak atal berriak egingo zirela iragarri zuen. 2020ko martxoan trama berriak idazten ari zirela jakinarazi zuten, eta pertsonaia berriak sartzeko asmoa ere bazutela adierazi zuten telesailaren arduradunek.[6] Pertsonaia berriak gehitu arren, casting prozesu baten bidez hautatuak, Go!azen 6.0-ko aktore asko itzuliko dira denboraldi honetan.[37][38]

Xabi Rodriguez (Aimar), Andrea Mora (Sara), Kimetz Renteria (Gabo) eta Iban Malo (Musa) aktoreek ez dute jarraituko, eta hiru ikasle berri egongo diraː Enara (Aitziber Errazkin), Luken (Ander Lacalle) eta Garazi (Nerea Elizalde). Horretaz gain Endika Zamalloa aktoreak Aitor pertsonaiarena egingo du, mantenimenduko arduradun berria izango dena, eta Maria Cruickshank ingeles irakasle berria izango da. Asier Burguete aktorea ere itzuliko da Markel Aranbururen paperean, oraingoan ikaslea izan ordez bekadun lanetan.[39] Aktore gonbidatuen artean Iñigo Larrinaga dago.

Goǃazen 7.0 denboraldia 2020ko udan grabatu eta udazkenean estreinatuko da. Grabaketa-prozesuan neurri bereziak hartuko dira COVID-19aren pandemia dela eta, beraz ohi baino prozesu luzeagoa izango dela aurreikusten da. Besteak beste aktore guztiei koronabirus probak egin zizkieten, eta lantaldeko kideek uneoro zein aktoreek grabaketetako etenaldietan maskara jantzi behar dute. Hala ere estreinaldia azaroa erdialderako aurreikusita dago, aurreko denboraldietan bezala.[40][41] Grabaketak Donostian eta Azpeitian egingo dira, ekainaren 29an hasi ziren eta 10 astez luzatuko dira, irailaren 4ra arte.[42]

Denboraldiaren bideoklipa ("Kalera irten gara", Iker Laurobak egina) uztailaren 9an estreinatu zen.[43] Denboraldian landuko diren gaiei dagokienez, bi neskaren arteko maitasun istorio bat kontatuko dute eta harreman toxikoen gaia azalduko da.[44]

Goǃazen 8.0 (2021-2022)

2021eko otsailean, Goǃazen 7.0 amaitzear zegoela, Itziar Gomez zuzendariak, hurrengo denboraldi bat egiteko elkarrizketak hasi zituztela adierazi zuen. Ezustekorik ezean Goǃazen 8.0 egingo dela esan zuen, baina, edonola ere, azken erabakia EITBko arduradunena izango zela. Goǃazen 7.0-ko azken atala eman eta gero, EITBk denboraldi berria egongo zela baieztatu zuen.[7] Aurreko denboraldietako logikari jarraituz, aktore aldetik ez da aldaketa handirik espero, aktore belaunaldi bakoitzak hiru urte inguru irauten baitu telesailean.[45] Go!azeneko denboraldi honek, telesailaren istoriako datu oberenak eman zituen

Goǃazen 9.0 (2022-2023)

2022ko urtarrilaren 14an, 2022ko udako abestiaren letra telesailaren jarraitzaileek egitea proposatu zuen EITBk, eta honekin jakitera eraman zen, Go!azen 9.0 egongo zela. Gainera, Begoñak, azken atalaren amaieran "Datorren urtera arte" esaldia esan zuen. Oraingoz, aktore aldetik, batek bakarrik baieztatu du urrengo urtean Basakabira itzuliko dela, Iñaki Mujikak(Unax).

Go!azen 10.0 (2023-2024)

----

Atalak eta audientziak

Go!azen (2008)
Zenb. Izenburua Emisio data Audientzia
Ikusleak Kuota
1 Go!azen 2008ko azaroaren 13a 66.000 ikusle %7,4

Go!azen 2.0 (2009)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota
1 1 Basakabi 2009ko urriaren 9a 51.000 ikusle %7,3
2 2 Bide galduak 2009ko urriaren 16a 47.000 ikusle %5,2
3 3 Debekuarekin dantza 2009ko urriaren 23a 51.000 ikusle %6,5
4 4 Paris & Donostia 2009ko urriaren 30a 46.000 ikusle %6,0
5 5 Bat bitan 2009ko azaroaren 6a
6 6 Ahari talka 2009ko azaroaren 13a
7 7 Nolitzemar-en bisita 2009ko azaroaren 20a
8 8 Ikusi arte! 2009ko azaroaren 27a
9 9 Maitasun jolasak 2009ko abenduaren 4a
10 10 Gezurra ari du 2009ko abenduaren 11
11 11 Itoginak bihotzean 2009ko abenduaren 18a
12 12 Basakabiko neskatxa maite 2009ko abenduaren 25a

Go!azen 3.0 (2016-2017)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota
13 1 Ongi etorri Basakabira 2016ko azaroaren 18a 18.000 ikusle %2,5
14 2 Berdinak, baina ez bera 2016ko azaroaren 25a 21.000 ikusle %3,0
15 3 Mundua amaitzera doa 2016ko abenduaren 2a 32.000 ikusle %4,5
16 4 Borroka 2016ko abenduaren 9a 11.000 ikusle %1,6
17 5 Agur ahizpatxo 2016ko abenduaren 16a 37.000 ikusle %5,4
18 6 Zorionak zuri 2016ko abenduaren 23a 24.000 ikusle %3,5
19 7 Eliren sekretua 2017ko urtarrilaren 6a 26.000 ikusle %3,5
20 8 Elene edo Mikel, aukeratu 2017ko urtarrilaren 13a 36.000 ikusle %4,4
21 9 Malkoak 2017ko urtarrilaren 20a 52.000 ikusle %6,3
22 10 Uda amaitzera doa 2017ko urtarrilaren 27a 46.000 ikusle %6,3

Atal bereziak (making of-ak)
Zenb. Izenburua Emisio data Audientzia
Ikusleak Kuota
1 Basakabi barrutik 2017ko otsailaren 3a 48.000 ikusle %7,0
2 Go!azen, eta orain zer? 2017ko otsailaren 10a 24.000 ikusle %3,3
3 Bago!az Basakabira 2017ko otsailaren 17a 23.000 ikusle %3,3

Go!azen 4.0 (2017-2018)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
23 1 Ispilu aurrean 2017ko azaroaren 3a %4,8
24 2 Zaila bada, ez da ezinezkoa 2017ko azaroaren 10a 23.000 ikusle %3,3 (%9,5)
25 3 Horrelakoa da bizitza 2017ko azaroaren 17a 32.000 ikusle %4,8 (%13,5)
26 4 Nabil ametsetan 2017ko azaroaren 24a %7,5
27 5 Gure garaia 2017ko abenduaren 1a %5,3
28 6 Zu arrantzale, ni bixigu 2017ko abenduaren 15a %5,1
29 7 Ez dut galduko itxaropena 2017ko abenduaren 22a 51.000 ikusle %7,0
30 8 Ez nazazu epaitu 2017ko abenduaren 29a 34.000 ikusle %5,5
31 9 Maite dut zuk laztantzea 2018ko urtarrilaren 5a 30.000 ikusle %4,6
32 10 Ze min egiten duen egiak! 2018ko urtarrilaren 12a 51.000 ikusle %6,9 (%19,0)
33 11 Nork agintzen du hemen? 2018ko urtarrilaren 19a 30.000 ikusle %4,3 (%13,5)
34 12 Aske maite 2018ko urtarrilaren 26a 42.000 ikusle %5,8 (%14,8)
35 13 Gora Zuzen! 2018ko otsailaren 2a 70.000 ikusle %9,2 (%21,8)

Go!azen Basakabira (casting-ak)
Zenb. Izenburua Emisio data Audientzia
Ikusleak Kuota
1 Nikole 2017ko urriaren 6a 21.000 ikusle %3,1
2 Lore 2017ko urriaren 13a 9.000 ikusle %1,9
3 Martin 2017ko urriaren 20a %1,3
4 Julen 2017ko urriaren 27a 14.000 ikusle %2,1

Antzezlana
Zenb. Izenburua Emisio data Audientzia
Ikusleak Kuota
1 Go!azen 3.0 (2016-2017ko antzezlana) 2017ko abenduaren 8a %1,8

Gabon zahar gaueko berezia
Zenb. Izenburua Emisio data Audientzia
Ikusleak Kuota
1 Go!azen 2018 (00:05 - 01:37) 2017ko abenduaren 31 %9,4
2 Bago!az 2018ra (01:37 - 02:06) 2017ko abenduaren 31 %2,6

Atal bereziak
Zenb. Izenburua Emisio data Audientzia
Ikusleak Kuota (eusk.)
1 Go!azen ate irekien eguna (21:04 - 22:44) 2018ko otsailaren 9a 22.000 ikusle %3,0 (%7,4)
2 Go!azen ikusleen kuttunak (22:44 - 23:29) 2018ko otsailaren 9a 9.000 ikusle %1,1 (%2,1)

Go!azen 5.0 (2018-2019)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
36 1 Basakabiko atarian 2018ko azaroaren 16a %4,6 (%14,5)
37 2 Naiaren urtebetetzea 2018ko azaroaren 23a 27.000 ikusle %4,4
38 3 Hauteskundeak! 2018ko azaroaren 30a 28.000 ikusle %4,6
39 4 Desagertu egiten zara 2018ko abenduaren 14a 11.000 ikusle %1,6
40 5 Maitasun karta 2018ko abenduaren 21a 20.000 ikusle %3,3
41 6 Lagunak! 2018ko abenduaren 28a
42 7 Barbakoa eguna 2019ko urtarrilaren 4a 67.000 ikusle %5,0 (%14,8)
43 8 Ongi etorri, Alex 2019ko urtarrilaren 11 %4,9
44 9 Mutil edo neska, berdin du! 2019ko urtarrilaren 18a %4,0
45 10 Aneren mina 2019ko urtarrilaren 25a %3,7
46 11 Nork bidali zuen argazkia? 2019ko otsailaren 1a
47 12 Agur kokodrilo 2019ko otsailaren 8a %5,9 (%16,6)
48 13 Azken dantza 2019ko otsailaren 15a

Antzezlana
Zenb. Izenburua Emisio data Audientzia
Ikusleak Kuota (eusk.)
1 Go!azen 4.0 (2017-2018ko antzezlana) 2018ko abenduaren 7a 24.000 ikusle %4,1

Gabon zahar gaueko berezia
Zenb. Izenburua Emisio data Audientzia
Ikusleak Kuota (eusk.)
1 Go!azen 2019 (00:06 - 01:41) 2018ko abenduaren 31 39.000 ikusle %7,8 (%15,2)

Atal bereziak (making of-ak)
Zenb. Izenburua Emisio data Audientzia
Ikusleak Kuota (eusk.)
1 Go!azen 5.0: Amaiera 2019ko otsailaren 20a ----- %0,6 (%1,8)

Goǃazen 6.0 (2019-2020)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
49 1 Amets berriak 2019ko azaroaren 22a %5,1 (%14,6)
50 2 Sorginak gara 2019ko azaroaren 29a %4,4 (%12,8)
51 3 Ametsetan 2019ko abenduaren 13a %3,2 (%8,0)
52 4 Txikia naiz 2019ko abenduaren 20a %6,9 (%19,5)
53 5 Aurrera goaz 2019ko abenduaren 27a %3,9 (%12,0)
54 6 Mozorro festa 2020ko urtarrilaren 3a %3,1 (%9,9)
55 7 Zein zoriontsu izan garen 2020ko urtarrilaren 10a %2,7 (%8,8)
56 8 Airea izan nahi dut 2020ko urtarrilaren 17a %2,1 (%7,3)
57 9 Deabruak gara 2020ko urtarrilaren 24a %3,9 (%13,2)
58 10 Bizitza kartzela da 2020ko urtarrilaren 31 %3,3 (%10,1)
59 11 Ta ni banoa 2020ko otsailaren 7a %3,7 (%11,5)
60 12 Gora gure bihotzak 2020ko otsailaren 14a %3,4 (%10,5)
61 13 Dantza dezagun argitzeraino 2020ko otsailaren 21a %2,8 (%8,9)

Antzezlana
Zenb. Izenburua Emisio data Audientzia
Ikusleak Kuota (eusk.)
1 Go!azen 5.0 (2018-2019ko antzezlana) 2019ko abenduaren 6a %0,1 (%0,3)

Gabon zahar gaueko berezia
Zenb. Izenburua Emisio data Audientzia
Ikusleak Kuota (eusk.)
1 Go!azen 2020 (00:07 - 01:37) 2019ko abenduaren 31 %6,1 (%12,5)

Go!azen etxean (konfinamenduan)
Zenb. Izenburua Emisio data Audientzia
Ikusleak Kuota (eusk.)
1 1. atala 2020ko martxoaren 25a %0,8
2 2. atala 2020ko apirilaren 1a %0,3
3 3. atala 2020ko apirilaren 12a %2,5 (%7,3)
4 4. atala 2020ko apirilaren 19a %0,7 (%2,3)
5 5. atala 2020ko apirilaren 26a %1,1 (%3,5)
6 6. atala 2020ko maiatzaren 2a 7.000 ikusle %1,0 (%3,9)
7 7. atala 2020ko maiatzaren 9a %0,5 (%1,6)
8 8. atala 2020ko maiatzaren 16a %1,4 (%4,7)
9 9. atala 2020ko maiatzaren 23a 4.000 ikusle %0,6 (%2,2)

Goǃazen 7.0 (2020-2021)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
62 1 Aukera berriak 2020ko azaroaren 20a %3,2 (%9,8)
63 2 Merezi dutenengatik, gora kopak! 2020ko azaroaren 27a 15.000 ikusle %2,0 (%6,8)
64 3 Ez da ondo aterako 2020ko abenduaren 4a %3,0 (%9,9)
65 4 Zapalduen olerkia 2020ko abenduaren 11 %4,2 (%12,8)
66 5 Beldurrik ezǃ 2020ko abenduaren 18a %3,9 (%12,5)
67 6 Eman dena 2020ko abenduaren 25a %3,3 (%10,3)
68 7 Has dadila festaǃ 2021eko urtarrilaren 1a %2,5 (%6,7)
69 8 Maddi zuloan 2021eko urtarrilaren 8a %1,5 (%4,0)
70 9 Itxura 2021eko urtarrilaren 15a %2,7 (%9,2)
71 10 Ez naiz makurtuko 2021eko urtarrilaren 22a %3,2 (%9,9)
72 11 Paris, beti Paris 2021eko urtarrilaren 29a %2,7 (%9,3)
73 12 Sweet Maddi 2021eko otsailaren 5a %2,5 (%5,5)
74 13 Jar dezagun dena buruz behera 2021eko otsailaren 12a 26.000 ikusle %2,9 (%9,1)

Antzezlana
Zenb. Izenburua Emisio data Audientzia
Ikusleak Kuota (eusk.)
1 Go!azen 6.0 (2019-2020ko antzezlana) 2021eko urtarrilaren 8a %0,6 (%1,4)

Gabon zahar gaueko berezia
Zenb. Izenburua Emisio data Audientzia
Ikusleak Kuota (eusk.)
1 Go!azen 2021 (00:05 - 01:27) 2020ko abenduaren 31 %5,7 (%13,3)

Goǃazen 8.0 (2021-2022)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
75 1 Hotzak garela esaten digute 2021eko azaroaren 19a 38.000 ikusle %5,8 (%11,5)
76 2 Bizitzari egurra emon 2021eko azaroaren 26a 49.000 ikusle %7,2 (%16,0)
77 3 Maddi, ez etsi 2021eko abenduaren 3a 38.000 ikusle %6,0 (%17,2)
78 4 Korapilatzen jarraitzen badugu 2021eko abenduaren 10a 47.000 ikusle %7,1 (%14,0)
79 5 Zeri begira hartu nahi duzu lo? 2021eko abenduaren 17a 37.000 ikusle %5,7 (%14,2)
80 6 Ipuinetan bakarrik daude printzesak eta printzeak 2022ko urtarrilaren 7a 13.000 ikusle %2,0 (%6,7)
81 7 Euskadin rockak ez du dirurik emanen 2022ko urtarrilaren 14a 40.000 ikusle %5,7 (%14,2)
82 8 Lagunak 2022ko urtarrilaren 21a 56.000 ikusle %8,4 (%19,6)
83 9 Zaindu maite duzun hori 2022ko urtarrilaren 28a 40.000 ikusle %6,2 (%15,0)
84 10 Barnetik 2022ko otsailaren 4a 46.000 ikusle %7,7 (%17,5)

Gabonetako bereziak
Zenb. Izenburua Emisio data Audientzia
Ikusleak Kuota (eusk.)
1 Go!azen Gabonetan 2021eko abenduaren 24a 11.000 ikusle %2,5 (%7,1)
2 2022ra bidean Go!azen (20:54 - 21:48) 2021eko abenduaren 31a 23.000 ikusle %4,5 (%11,8)

Goǃazen 9.0 (2022-2023)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
85 1 Bueltan gara! 2022ko azaroaren 18a 20.000 %3,5 (%9,0)
86 2 Zu zara satorra? 2022ko azaroaren 25a 17.000 %3,0 (%5,6)
87 3 Bideozinten misterioa 2022ko abenduaren 2a 19.000 %3,1 (%6,9)
88 4 Denok gara susmagarri 2022ko abenduaren 16a 15.000 %2,7 (%8,1)
89 5 Oierren proposamena 2022ko abenduaren 30a 20.000 %4,0 (%13,3)
90 6 Basakabiko ikasle berriak 2023ko urtarrilaren 6a 13.000 %2,2 (%6,3)
91 7 Zertan ari zara, Alain? 2023ko urtarrilaren 13a 13.000 %2,3 (%3,9)
92 8 Iraia eta Koldoren uda 2023ko urtarrilaren 20a 19.000 %3,4 (%9,7)
93 9 Egia agerian 2023ko urtarrilaren 27a 14.000 %2,3 (%4,8)
94 10 Basakabiko azken dantza 2023ko otsailaren 3a 18.000 %3,3 (%8,7)

Kontzertua
Zenb. Izenburua Emisio data Audientzia
Ikusleak Kuota (eusk.)
1 Go!azen Kontzertua 9.0 2022ko abenduaren 9a 9.000 ikusle %1,4 (%3,9)

Gabonetako bereziak
Zenb. Izenburua Emisio data Audientzia
Ikusleak Kuota (eusk.)
1 Gabonak Basakabin 2022ko abenduaren 23a 19.000 %3,8 (%10,5)
2 2023ra bidean Go!azen (21:07 - 22:04) 2022eko abenduaren 31a %3,6 (%9,9)

Goǃazen 10.0 (2023-2024)
Zenb.
(guzt.)		 Zenb.
(denb.)		 Izenburua Emisio data Audientzia
Ikusleak Kuota (eusk.)
95 1 Ongi etorri Basakabira! 2023ko azaroaren 17a ----- -----
96 2 Okupa bat Basakabin 2023ko azaroaren 24a ----- -----
97 3 Berri txarrak 2023ko abenduaren 1a ----- -----
98 4 Garaziri amua 2023ko abenduaren 15a ----- -----
99 5 Aner ez da fidatzekoa 2023ko abenduaren 22a ----- -----
100 6 Gaizki-ulertuak 2023ko abenduaren 29a ----- -----
101 7 Arriskuarekin jolasean 2024ko urtarrilaren 5a ----- -----
102 8 Zuri kaleratua 2024ko urtarrilaren 12a ----- -----
103 9 Garazi atxilotuta 2024ko urtarrilaren 19a ----- -----
104 10 Ez gara betirako 2024ko urtarrilaren 26a ----- -----

Aktoreak eta pertsonaiak

Hauek dira Go!azeneko filmean eta teselaisean izan diren pertsonaiak, denboraldietan banatuta.

     = Pertsonaia nagusia
     = Pertsonaia gonbidatua (denboraldiko atal batzuetan edota Goǃazen etxean atal berezietan)
Pertsonaia Aktorea Denboraldiak
Go!azen Go!azen 2.0 Go!azen 3.0 Go!azen 4.0 Go!azen 5.0 Go!azen 6.0 Go!azen 7.0 Go!azen 8.0 Go!azen 9.0 Go!azen 10.0
Joxe "Zuzen" Ramon Agirre Nagusia Gonbidatua
Irati Ibarbia Barbara Rivas Nagusia
Beñat Garmendia Iñigo Azpitarte Nagusia
Desirée "Desi" Inma Fernandez Nagusia
Gorka Aldabe Yeray Vázquez Nagusia
Haritz Landa Yago Mateo Nagusia
Leire Susperregi Zulai Plazaola Nagusia
Asier Aitor Saumell Nagusia
Baldar Jon Urbieta Nagusia
Julen Mikel Losada Nagusia
Hector Pedro Alfonso Vilas Nagusia
Paulo Aldabe Felipe Barandiaran Gonbidatua
Aitor Jokin Ayerregaray Nagusia
Gotzone Itxaso Paia Nagusia
Telmo Berriotxoa Jox Berasategi Nagusia
Jota Karlos Nguema Nagusia
Miren Joli Pascualena Nagusia
Iñaki Galartza Joseba Apaolaza Gonbidatua
Peter "Peio" Macgowan Borja Uribesalgo Nagusia
Begoña "Bego" Garate Karmele Larrinaga Nagusia
Haizea Jauregi Paula Etxeberria Nagusia
Mikel Galartza Markel Gajate Nagusia
Elene Jauregi Aitana Etxeberria Nagusia
Markel Aranburu Asier Burguete Nagusia Etxean Nagusia Gonbidatua
Garikoitz "Gari" Susaeta Aritz Mendiola Nagusia Gonbidatua
Urko Uria Haritz Morras Nagusia
Dulce Elizondo "Eli" Ainhoa Larrañaga Nagusia Gonbidatua Gonbidatua Nagusia
Ane Miranda Miren Arrieta Nagusia Etxean Nagusia
Jontxu Juaristi Oihan Moreno Nagusia
Nora Zubiri Lorea Iribar Nagusia
Aita Arruti Inazio Tolosa Gonbidatua
Martin Beaskoetxea Asier Oruesagasti Nagusia
Naia Badiola Iholdi Beristain Nagusia Etxean
Lorea "Lore" Lertxundi Sara Nieto Nagusia
Nikole Nerea Mazo Nagusia Etxean
Julen Ibarra Beñat Iturbe Nagusia Gonbidatua
Erika Otegi Nerea Gorriti Nagusia
Zuriñe "Zuri" Lejarreta Maria Redondo Nagusia
Ander Etxeberria Iker Villa Nagusia
Amaia Lejarreta Itziar Urretabizkaia Nagusia Gonbidatua
Paul Elizondo Asier Hernandez Gonbidatua
Alex Roy Aitor Paterson Nagusia
Maialen "Maddi" Zubizarreta Dánae Riaño Nagusia
Eider Madariaga Esti Lopez Nagusia
Danel Madariaga Markel Sainz Nagusia
Gabo Alberdi Kimetz Renteria Nagusia
Aimar Mendizabal Xabi Rodríguez Nagusia
Sara Andrea Mora Nagusia
Eneko Larrañaga Nikola Zalduegi Nagusia
June Talleria Lorea Intxausti Nagusia
Igor Altuna Xanti Korkostegi Nagusia
Telmo Matxinbarrena Xabi Donosti Nagusia Gonbidatua
Musá Iban Malo Nagusia
Andoni Larrañaga Martxelo Rubio Gonbidatua
Telmoren ama Edurne Agirrezabala Gonbidatua
Arantza Agirre Karmele Aranburu Gonbidatua
Enara Garmendia Aitziber Errazkin Nagusia Gonbidatua
Garazi Arrizabalaga Nerea Elizalde Nagusia
Luken Ander Lacalle Nagusia Gonbidatua Nagusia
Aitor Endika Zamalloa Nagusia
Kristina Maria Cruickshank Nagusia
Koldo Julen Castillo Nagusia
Ibai Martutegi Gorostiaga Joanes Echeveste Nagusia Gonbidatua
Unax Beloki Iñaki Mujika Nagusia
Iraia Beloki Malen Azpirotz Nagusia
Edorta Unanue (Iker) Aitor Beltran Nagusia Nagusia
Oier (Zuzendaria) Andoni Agirregomezkorta Nagusia
Olatz (Begiralea) Alazne Etxeberria Nagusia
Alain Eleder Iglesias Nagusia
Gontzal Kimetz Etxabe Nagusia
Saioa Mikele Arizkorreta Nagusia
Maitane (Begiralea) Nerea Arriola Nagusia
Lea Haizea Astrain Nagusia
Noa Marina Ostolaza Nagusia
Mattin Unai Arana Nagusia
Bosko Ander Ayerza Nagusia
Aner Xabier Elizalde Nagusia
Urtzi Unai Arrieta Nagusia


Go!azen (2008)

Ikasleak

Irakasleak

Go!azen 2.0 (2009)

Ikasleak

Irakasleak

Go!azen 3.0 (2016-2017)

Ikasleak

Irakasleak

Langileak

Basakabitik kanpo

Go!azen 4.0 (2017-2018)

Ikasleak

Irakasleak

Langileak

Basakabitik kanpo

Go!azen 5.0 (2018-2019)

Ikasleak

Irakasleak

Langileak

Basakabitik kanpo

Goǃazen 6.0 (2019-2020)

Ikasleak

Irakasleak

Langileak

Basakabitik kanpo

Goǃazen 7.0 (2020-2021)

Ikasleak

Irakasleak

Langileak

  • Karmele Larrinaga - Begoña "Bego" Garate, garbitzailea
  • Asier Burguete - Markel Aranburu Petrikorena, bekaduna
  • Endika Zamalloa - Aitor, mantenimenduko arduraduna

Basakabitik kanpo

Goǃazen 8.0 (2021-2022)

Ikasleak

Irakasleak

Langileak

Basakabitik kanpo

  • Jon Ander Alonso - Jokin, Edortaren laguntzailea
  • Idoia Uranga - Enararen ama
  • Libe Mendizabal - Unax eta Iraiaren ama
  • Asier Hormaza - Andoni, Garaziren aita
  • Ainhoa Urretabizkaia - Bere burua (Gazteako aurkezlea) (cameoa)
  • Markel Galarraga - Piper Beltza taldeko abeslaria (cameoa)

Goǃazen 9.0 (2022-2023)

Ikasleak

Irakasleak

Basakabitik kanpo

Goǃazen 10.0 (2023-2024)

Ikasleak

  • Lorea Intxausti - June Talleria
  • Nerea Elizalde - Garazi Arrizabalaga
  • Kimetz Etxabe - Gontzal
  • Mikele Arizkorreta - Saioa
  • Unai Arana - Mattin
  • Unai Arrieta - Urtzi
  • Haizea Astrain - Lea
  • Ander Ayerza - Bosko Núñez de Salazar
  • Xabier Elizalde - Aner
  • Marina Ostolaza - Noa
  • Ander Lacalle - Luken

Irakasleak

Basakabitik kanpo

Filmari buruzko informazio teknikoa

Musika

Musikala izanda, abestiak zeharo garrantzitsuak dira filmean. Hori dela eta, Fernando Velazquez bilbotarrak, lehen El orfanato bezalako pelikuletan aritutakoa, euskarazko abesti klasikoak ez ezik, egungo abestiak ere moldatu ditu.

Hona hemen filmean agertzen diren hamaika abestiak:

Zbk. Abestia Taldea Musika eta hitza
1GoazenFilmerako eginaÁlvaro Carmona eta Xabi Zabaleta
2E.H. SukarraE.H. SukarraMikel Gorosabel Garai "Norton"
3Amets batAlaitz eta MaiderMaider Zabalegi Galardi
4IlargiaKen ZazpiEñaut Elorrieta Larruzea eta Jon Mikel Arronategi Azurmendi
5Txoria txoriMikel LaboaMikel Laboa
6HorrelakoThe Uski'sAnartz Laka Zameza eta Jon Zameza Gonzalez
7AmetsGariGari
8ApustuaFilmerako eginaFernando Velazquez eta Xabi Zabaleta
9AitormenaHertzainakHertzainak
10Lau teilatuItoizItoiz
11Sarri, SarriKortatuFrederick "Toots" Hibbertten Chatty Chatty abestiaren bertsioa

Lan-talde teknikoa
Zuzendaritza Jabi Elortegi eta Aitor Aranguren
Gidoia Xabier Zabaleta, Álvaro Carmona, Pedro Fuentes eta Jabi Elortegi
Ekoizle exekutiboa Raquel Busca
Musika Fernando Velazquez
Argazki zuzendaritza Javier Agirre
Aktoreen zuzendaritza Ainhoa Aierbe
Arte zuzendaritza Mikel Serrano
Koreografia Josu Mujika
Ekoizleak ETB eta Pausoka Entertainment

Castinga

Protagonistak aukeratzeko ekoizleek castinga egin zuten. Bertan parte hartzeko baldintzak honakoak ziren: 14 eta 20 urte arteko neska-mutil euskaldunak dantzatzea eta abestea dakitenak. Gainera, estra izateko 40 urte baino helduagoak ere bilatu zituzten.

Erreferentziak
  1. «Go!azen - Pausoka Entertainment S.L.» Pausoka Entertainment S.L. (Noiz kontsultatua: 2016-12-08).
  2. https://web.archive.org/web/20170104091059/http://www.elcorreo.com/videos/zurekin/201605/27/goazen-berriz-4915840808001-mm.html
  3. «Go!azeneko hurrengo laugarren denboraldirako castinga egiteko saio berria» Euskal Telebista.
  4. «Go!azenen historiako audientzia daturik onena» Berria.
  5. «'Go!azen 6.0'ren balorazioa» Berria.
  6. «'Go!azen'en azken atala ostegunean aurrestreinatuko da Hendaian, Herri Urratsen alde» www.eitb.eus (Noiz kontsultatua: 2020-02-17).
  7. «Go!azenen azken atalak umeen artean nagusi izanda itxi du denboraldia» EITB Euskal Irrati Telebista 2021-02-15 (Noiz kontsultatua: 2021-02-15).
  8. Urkizu, Urtzi. «Telesail berriak «EITBren balioei» lotuta egingo dituzte» Berria (Noiz kontsultatua: 2022-01-22).
  9. Berria eitb24.comen
  10. Uztarria. Urriaren 13an estreinatuko da 'Go!azen' filma. .
  11. «Go!azen filma eta telesailaren arrakasta» Formula TV.
  12. Estreinaldiaren berria
  13. Urkizu, Urtzi. «ETBren telesail berriek ataleko 112.500 euroko kostua izango dute» Berria (Noiz kontsultatua: 2020-02-01).
  14. EiTB. «'Euskararen Txantxangorria' bideoklipa egin du 'Go!azen'ek» www.eitb.eus (Noiz kontsultatua: 2016-12-08).
  15. http://www.eitb.eus/eu/telebista/programak/goazen/osoa-zozketa/4343634/zozketa-goazenen-aurrestreinaldirako-sarrerak/
  16. https://web.archive.org/web/20161013071836/http://www.eitb.eus/eu/telebista/programak/goazen/osoa/4421702/goazen-telesailaren-aurrestreinaldi-eta-emanaldiak/
  17. EiTB. «Iholdi Beristain izan da 'Bago!az'eko irabazlea!» www.eitb.eus.
  18. EiTB. «Ramon Agirre: 'Txikienei ere gustatzen zaie botereari barre egitea'» www.eitb.eus (Noiz kontsultatua: 2018-11-18).
  19. EiTB. «Jabi Elortegi eta Aritz Mendiola 'Go!azen' telesailaren denboraldi berriaz» www.eitb.eus (Noiz kontsultatua: 2018-11-18).
  20. Berria.eus. «'Go!azen' telesailaren sasoi berria hasiko da, Xabi Solanoren musikaz» Berria (Noiz kontsultatua: 2018-11-18).
  21. https://www.eitb.eus/eu/telebista/programak/goazen/osoa/6178931/goazenen-denboraldiko-azken-atala-hendaian-estreinatuko-da-otsailaren-14an/
  22. EiTB. «Ba!goazen bigarren denboraldirako kastinak hasi dira» www.eitb.eus.
  23. Berria.eus. ««Tramen aldetik, 'Go!azen' bere unerik onenean dago orain»» Berria (Noiz kontsultatua: 2019-01-20).
  24. (Ingelesez) «Go!azen (Ofiziala) on Instagram: “⚠️ Denboraldi berriko gidoiak esku artean ditugu❗❗❗”» Instagram (Noiz kontsultatua: 2019-03-12).
  25. (Ingelesez) «Go!azen (Ofiziala) on Instagram: “Gidoilarien gelan sartu gara eta hara... ❗❗PERTSONAIA BERRIEN IZENAK TOPATU DITUGU🙈”» Instagram (Noiz kontsultatua: 2019-03-13).
  26. «'Zatoz gurekin!' bideoklip berria grabatu du 'Go!azen'ek» El Correo 2019-06-19 (Noiz kontsultatua: 2019-07-02).
  27. «'Zatoz gurekin!' izeneko bideoklip berria grabatu du 'Go!azen'ek!» www.eitb.eus (Noiz kontsultatua: 2019-07-02).
  28. Urkizu, Urtzi. «Transexual bat eta neska islamiar bat, 'Go!azen'-en atal berrietan» Berria (Noiz kontsultatua: 2019-07-02).
  29. «Salgai daude 'Go!azen'en lehen atala BECen ikusteko sarrerak» www.eitb.eus (Noiz kontsultatua: 2019-09-03).
  30. «'Go!azen'en estreinaldiak Getxon, Iruñan eta Donostian» Euskal Irrati Telebista (Noiz kontsultatua: 2019-10-18).
  31. «Horrela hasiko da 'Go!azen'en denboraldi berria!» www.eitb.eus (Noiz kontsultatua: 2019-10-17).
  32. «Go!azen 6.0: Azken atalaren estreinaldia» www.tabakalera.eu 2020-02-07 (Noiz kontsultatua: 2020-02-17).
  33. Berria. ETB 'DantzanGo!' saioa prestatzen ari da irailean estreinatzeko. .
  34. Urkizu, Urtzi. «ETB1ek 'Go!azen etxean' saioa estreinatuko du bihar» Berria (Noiz kontsultatua: 2020-04-13).
  35. «Partaide berriak, Go!azen Etxean saioan» Euskal Irrati Telebista 2020-04-08 (Noiz kontsultatua: 2020-04-13).
  36. «Hainbat gorabehera etxetik irten gabe, gaur gauean, Go!azen Etxean saioan» Euskal Irrati Telebista 2020-03-31 (Noiz kontsultatua: 2020-04-13).
  37. «Aktore berriak hasi dira testuak ikasten!» Euskal Irrati Telebista 2020-06-17 (Noiz kontsultatua: 2020-06-17).
  38. Berria TB. «Go!azen telesailaren seigarren denboraldiaren amaiera» Berria (Noiz kontsultatua: 2020-02-21).
  39. «Go!azen 7.0 martxan da» Euskal Irrati Telebista 2020-06-24 (Noiz kontsultatua: 2020-06-25).
  40. «Gustatzen zait nire bizitza liburu bat balitz bezala bizitzea; ez dakit amaiera» www.eitb.eus (Noiz kontsultatua: 2020-06-17).
  41. Telebista, Euskal Irrati. (2020-05-18). «'Aktoreei testak egitea aukeretako bat da gertuko eszenak egin ahal izateko'» www.eitb.eus (Noiz kontsultatua: 2020-07-11).
  42. «Aitziber Errazkin 'Go!azen' telesaileko aktore berria - Zarautz» Zarauzkohitza.eus (Noiz kontsultatua: 2020-06-25).
  43. Telebista, Euskal Irrati. (2020-07-06). «'Kalera irten gara', Go!azenen abesti berria» www.eitb.eus (Noiz kontsultatua: 2020-07-11).
  44. Garmendia, Lander Muñagorri. «Zazpigarrena ere bidean da» Berria (Noiz kontsultatua: 2020-07-11).
  45. Larrinaga, Zihara Jainaga. ««Gazteek euskaraz ikusten duten telesaila zaindu egin behar da»» Berria (Noiz kontsultatua: 2021-02-10).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.