Girolamo Cardano

Girolamo Cardano (frantsesez: Jerome Cardan; latinez: Hieronymus Cardanus) (Pavia, 1501eko irailaren 24a – 1576ko irailaren 21a) italiar Pizkundeko matematikari, sendagile eta astrologoa izan zen[1].

Girolamo Cardano
Irudi gehiago
Bizitza
Jaiotza	Pavia, 1501eko irailaren 24a
Herrialdea	Milanerria
Heriotza	Erroma, 1576ko irailaren 21a (74 urte)
Familia
Aita	Fazio Cardano
Ama	Chiara Micheri
Ezkontidea(k)	Lucia Banderini (en)
Seme-alabak	ikusi Giovanni Battista Cardano (en)
Hezkuntza
Heziketa	University of Pavia (en) Paduako Unibertsitatea
Doktorego ikaslea(k)	Lodovico Ferrari (en)
Hizkuntzak	latina italiera
Ikaslea(k)	ikusi Gasparo Tagliacozzi (en) Simone Simoni (en)
Jarduerak
Jarduerak	filosofoa, matematikaria, astrologoa, asmatzailea, ingeniaria eta medikua
Lantokia(k)	Padua Milan Pavia Bolonia eta Erroma
Enplegatzailea(k)	Boloniako Unibertsitatea University of Pavia (en)
Influentziak	Arkimedes
Sinesmenak eta ideologia
Erlijioa	Erromatar Eliza Katolikoa

Girolamo Cardano zientzia-gizonaren erretratua.

Haren medikuntzari buruzko teoriak astrologian oinarritzen ziren batez ere, eta Europa osoan ospe handia eman zioten. De subtilitate, De varietate rerum, eta beste zenbait filosofia lanetan ikusi zen bezala, Aristoteles, Plotino, Ibn Rush eta estoikoen sistemaren jarraitzailea izan zen. Matematikari bikaina zen[2]. Aljebraren arloan ezaguna da 1545. urtean, Ars magna obran, hirugarren mailako ekuazioen soluzioa argitaratu zuelako. Horrez gain, probabilitatearen bitartez zorizko jokoak aztertu zituen. Matematika eta medikuntzaz gainera, liburu anitz idatzi zituen astronomia, fisika, jokoak (Liber de ludo aleae edo Zori-jokoen Liburua), filosofia eta ezkutuko jakintzei buruz. Bere izena daraman esekidura sistema asmatu zuen (Kardan giltzadura)[3].