Giovanni Battista Langetti

Giovanni Battista Langetti, baita ere Giambattista Langetti (Genova, 1635 – Venezia, 1676ko urriaren 22) barroko berantiarraren margolari italiarra izan zen. Genovan, Erroman eta, batez ere, Venezian lan egin zuen. Biolentzia haien margoen ezaugarria da.[1][2]

Giovanni Battista Langetti

Bizitza
JaiotzaGenova, 1625
Herrialdea Veneziako Errepublika
HeriotzaVenezia, 1676ko urriaren 22a (50/51 urte)
Jarduerak
Jarduerakmargolaria eta marrazkilaria
Lantokia(k)Venezia
Genero artistikoaerretratua

Biografia

Genovan jaioa han Gioacchino Assereto artistarekin ikasi zuen. Ondoren, Erroman, Pietro da Cortonarekin. 1650. hamarkadan Napolitik pasa omen zen; han José de Ribera, Francesco Fracanzano eta Luca Giordanoren obra ezagutuko zuen. Riberaren eragina zenbait lanetan nabaria da, esaterako San Jeronimoren bisioa (Clevelandeko Arte-museoa). 1656an izurritea Napolin jo zuen eta Langetti, ziur aski Luca Giordanoren aholkua jarraituz, Venezian babestu zen. Venezian Genovako Giovanni Francesco Cassana, bigarren mailako margolariarekin, haren ikasketak burutu zituen.

Bi hamarkadetan Venezian Langettik margolan asko egin zituen. Haren estiloa Caravaggioren tenebrismotik gertu zegoen. Lan ilunak eta biolentoak ziren. 120 daude katalogatuta baina gehiago ari dira aurkitzen. Venezian Johann Karl Loth eta Antonio Zanchi margolarien eragina ezagutu zuen.[3]

Obra ezagunena

Bere lan gehienak gorputz erdiko irudiak dira, gehienak biluztuak. Bezeroak Veneto eta Lombardiako aberatsak zire. Hauek dira margolan ezagun batzuk:

  • Katonen buruaz bestea (Sao Paulo, bilduma pribatua)
  • Ixionen tortura (Puerto Rico, Ponce Arte Museoa)
  • Maria Magdalena gurutzearen oinean (Santa Teresa, Venezia)[4]

Iruditegia
  • Ixionen tortura.
    Ixionen tortura.
  • San Jeronimoren bisioa.
    San Jeronimoren bisioa.
  • Arkimedes.
    Arkimedes.
  • Sanson edaten.
    Sanson edaten.
  • Tizio.
    Tizio.

Erreferentziak
  1. http://www.artcyclopedia.com/artists/langetti_giovan_battista.html
  2. https://www.europeana.eu/portal/es/explore/people/91670-giovan-battista-langetti.html
  3. Bryan, Michael: Dictionary of Painters and Engravers, Biographical and Critical - II. liburuki (ed. George Bell and Sons, 2007).
  4. https://www.wga.hu/frames-e.html?/html/l/langetti/index.html

Kanpo loturak
Wikimedia Commonsen badira fitxategi gehiago, gai hau dutenak: Giovanni Battista Langetti Aldatu lotura Wikidatan
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.