Giorgione

Giorgione (Castelfranco Veneto, 1477 aldean - Venezia, 1510), jaiotza-izenez Giorgio Barbarelli da Castelfranco, Goi Pizkundeko italiar margolaria izan zen.[1]

Giorgione
Irudi gehiago
Bizitza
Jaiotza	Castelfranco Veneto, 1470(e)ko hamarkada
Herrialdea	Veneziako Errepublika
Heriotza	Venezia, 1510 (egutegi gregorianoa) (30/40 urte)
Heriotza modua	: izurri bubonikoa
Irakaslea(k)	Giovanni Bellini
Jarduerak
Jarduerak	margolaria eta artista bisuala
Lantokia(k)	Venezia eta Castelfranco Veneto
Lan nabarmenak	ikusi Laura (en) The Three Philosophers (en) The Tempest (en) Self-portrait (en)
Mugimendua	Goi Pizkundea pizkundea Veneziako eskola
Genero artistikoa	margolaritza historikoa erretratua paisaia margolaritza arte sakroa biluzia margolaritza erlijiosoa genero-margolana

Vasarik idatzitako Pintore, eskultore eta arkitekto bikainenen bizitzak liburuan agertzen den arren[1], oso datu zehatz gutxi ezagutzen dira Giorgioneri eta bere obrari buruz: Giovanni Bellinirekin ikasi zuela Venezian, eta haren hamabi bat pintura gordetzen direla. Hala ere, bere eragina oso handia izan zen, Tizianorengan, batez ere. Oso gazterik hil zen, izurri bubonikoak jota, ziur aski. Giorgione izan zen itzaletan kolore nahastua erabili zuen lehen margolaria. Margolanik ezagunenak Pala di Castelfranco (1502 aldean, Duomo, Castelfranco Veneto), Ekaitza (Tempesta, 1505-1508, Gallerie dell'Accademia, Venezia), Hiru filosofoak (Tre filosofi, 1506-1508, Kunsthistorisches Museum, Viena), Lauraren erretratua (1506, Kunsthistorisches Museum, Viena) eta Fondaco dei Tedeschiko (Venezia) fresko zati bat dira.