Gineako itsaslasterra

Gineako itsaslasterra[1] Afrikako mendebaldeko kostaldeko ur epeleko itsaslaster bat da. Gineako golkoaren iparraldeko kostarekiko paralelo higitzen da ekialderantz. Nahiko azalekoa da, 15 eta 25 metro bitarteko sakoneran higitzen baita, eta aski motela da. Iparraldean, Kanarietako itsaslasterra du mugakide, eta hegoaldean, berriz, Hegoaldeko Itsaslaster Ekuatoriala.

Hego Atlantikoko zirkulazio-zikloa elikatzen du Gineako itsaslasterrak, Benguelako itsaslasterrarekin batera

Ekialderanzko ibilbidean, bat egiten du Benguelako itsaslasterrarekin, eta, biak, elkarrekin, mendebalderantz abiatzen dira Hegoaldeko Itsaslaster Ekuatoriala sortzeko. Beraz, Hego Atlantikoko zirkulazio-zikloa osatzen duten itsaslasterretako bat da.

Erreferentziak
  1. Euskaltzaindia. (2012-10-18). 172. araua: Itsaslasterren izenak, itsasgune batzuen izenak eta Antartikako toponimia. (Noiz kontsultatua: 2013-02-10).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.