Gilles Vigneault

Gilles Vigneault
	; Irudi gehiago
Bizitza
Jaiotza	Natashquan, 1928ko urriaren 27a (95 urte)
Herrialdea	Quebec
Hezkuntza
Heziketa	Laval Unibertsitatea
Hizkuntzak	frantsesa
Jarduerak
Jarduerak	poeta, idazlea, kantugilea, abeslaria, ipuin-kontalaria, egile abeslaria, kanta-idazlea, musikaria eta aktorea
Jasotako sariak	ikusi Ohorezko Legioko zalduna ; Officer of Arts and Letters ; Molson Prize (1982) ; Grand Officer of the National Order of Quebec (2000) ; Governor General's Literary Awards (1965) ; honorary doctorate at the Laval University (1987) ; Companion of the Ordre des arts et des lettres du Québec (2016) ; Governor General's Performing Arts Award (1993) ; Prix Denise-Pelletier (1983) ; Calixa-Lavallée Award ;
Genero artistikoa	abesti herrikoia
Musika instrumentua	ahotsa
Diskoetxea	Columbia Records
	gillesvigneault.com

Gilles Vigneault (Natashquan, Quebec, 1928ko urriaren 27a) Quebeceko idazlea, musikagilea eta kantaria da.

Biografia

Musika klasikoko ikasketak egin zituen Rimouskiko seminarioan. Matematikak, latina eta frantsesa irakatsi zituen, eta poemak eta ipuinak argitaratu zituen aldi berean. 1950ean, Quebecen hartu zuen bizilekua, eta Letretako lizentzia egin zuen. Telebistarako idazten hasi zen, l'Arc argitalpena sortu zuen, eta film batean parte hartu zuen, La Canne à pêche izenekoan.

1961ean, irakaskuntza utzi zuen, eta Georges Brassens frantses abeslariarekin bat egin zuen. Lehenengo emanaldian, arrakasta handia izan zuen. 1962an kaleratu zuen lehenengo diskoa: Jack Monoloy. Lan horregatik, Diskoaren Sari Handia lortu zuen 1963an. 1966an, lehenengo diskoa kaleratu zuen Frantzian, eta izugarrizko arrakasta lortu zuen 1976an Superfrancofête jaialdian, Robert Charlebois eta Félix Leclercekin batera. Honoris causa doktore izendatu dute hainbat unibertsitatetan, hala nola Peterborough, Rimouski, Montreal, Toronto, Laval eta Lyonen. Quebeceko Ordena Nazionaleko zaldun (1985) eta Frantziako Ohorezko Legioko zaldun (1985) izendatu zuten.

Joseba Tapiaren bi bertsioak

Euskal Herrian ezaguna da Joseba Tapiak 1999n plazaratu zuen Québec: hamalau kantu independentziarako diskoarengatik, Koldo Izagirre eta Itxaro Bordaren itzulpenekin eta Pascal Gaigneren moldakuntzekin.[1][2] Herri hau (Mon pays) eta Herri bat daukat (Il me reste un pays) abestiak azaltzen dira disko horretan.[3]

Bi kantu horietan Quebectar izatearen nortasuna aldarrikatzen du Vigneaultek, baina halako sakontasunez ze nonahiko entzulea hunkitzen baitu, eta honenbestez unibertsaltasuna lortzen du.[1]

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Québec – Joseba Tapia. (Noiz kontsultatua: 2023-09-11).
Erostarbe, Gorka; Koch, Edurne. (1999-12-01). Euskaldunon Egunkariaren hemeroteka. 1990-2003. (berria.eus) (Noiz kontsultatua: 2021-06-01).
«Québec: hamalau kantu independentziarako» www.badok.eus (Noiz kontsultatua: 2023-09-11).

Datuak: Q1522692
Multimedia: Gilles Vigneault / Q1522692

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[:0-1] Québec – Joseba Tapia. (Noiz kontsultatua: 2023-09-11).

[:1-2] Erostarbe, Gorka; Koch, Edurne. (1999-12-01). Euskaldunon Egunkariaren hemeroteka. 1990-2003. (berria.eus) (Noiz kontsultatua: 2021-06-01).

[3] «Québec: hamalau kantu independentziarako» www.badok.eus (Noiz kontsultatua: 2023-09-11).