Gil Shaham

Gil Shaham (1971ko otsailaren 19a) israeldar jatorriko biolin-jotzaile bat da.

Gil Shaham
Bizitza
Jaiotza	Urbana (Illinois), 1971ko otsailaren 19a (53 urte)
Herrialdea	Ameriketako Estatu Batuak
Familia
Ezkontidea(k)	Adele Anthony (en)
Hezkuntza
Heziketa	Juilliard School (en) Columbia Unibertsitatea Horace Mann School (en)
Hizkuntzak	ingelesa
Jarduerak
Jarduerak	musikaria eta biolin-jotzailea
Genero artistikoa	musika klasikoa
Musika instrumentua	biolina
Diskoetxea	Deutsche Grammophon (en)
gilshaham.com

AEBetako Illinois estatuko Urbana hirian jaioa, bere gurasoak Israelera joan ziren bizitzen Gilek bi urte baino ez zituenean. Biak ziren zientzialarriak, Jacob Shaham eta Meira Diskin. 10 urterekin Jerusalemeko Orkestra Sinfonikoarekin eta Israelgo Orkestra Filarmonikoarekin debuta egin zuen eta Juilliard Schoolen onartua izan zen, non Dorothy DeLay eta Hyo Kangekin ikasi zuen. Berak zein bere arrebak, Orli Shahamek Columbiako Unibertsitatean ikasi zuten.

Shahamen karrera 1989an abiatu zen, gaixo zegoen Itzhak Perlman ordezkatzea eskatu ziotenean, Michael Tilson Thomasekin eta Londresko Orkestra Sinfonikoarekin eman beharreko kontzertu batzuetan. Egun bakarrean joan zen hegan Londresera eta Max Bruchen Biolinarentzako 1. kontzertua eta Jean Sibeliusen Biolinarentzako kontzertua jo zituen, kritika oso onak eta laudorioak jasoz.

Ordutik, Shaham biolinjotzailerik bertutetsuenen artean agertu da. Lehen mailako orkestra ugarirekin jo du, horien artean New Yorkeko Orkestra Filarmonikoa, Berlingo Orkestra Filarmonikoa, Israelgo Orkestra Filarmonikoa, Pittsburgheko Orkestra Sinfonikoa eta Singapurreko Orkestra Sinfonikoa.

Hogei disko baino gehiago grabatu ditu Deutsche Grammophon diskografikarekin, Sergei Prokofieven eta Gabriel Fauréren musika duten bi bilduma Vanguardentzat eta Ludwig van Beethovenen Kontzertu hirukoitzaren grabaketa bat David Zinman, Truls Mørk eta Yefin Brofmanekin Arte Novarentzat. Chen Gang eta He Zhanhaoren Tximeletaren maitaleen kontzertuaren eta Piotr Ilitx Txaikovskiren Biolinarentzako kontzertuaren bere grabaketa 2008ko abuztuak 30ean agertu zen.