Gigi Hadid

Mohamed Hadid[7] sustatzailearen eta Yolanda Foster modelo ohia eta Real Housewives of Beverly Hills-eko izarraren alaba da. 1995ean jaio zen Los Angeles, Kalifornian. Ama herbeheretarra eta aita palestino-estatubatuarra da. Hadidek bi anai-arreba gazteago ditu, Bella[8] eta Anwar, modeloak ere. Aitaren aldetik bi ahizpa zahar ditu ere, Marielle eta Alana.​ Gurasoen bereizketa ondoren, bere ama David Foster[9] ekoizle musikalariarekin ezkondu zen, non bateratze honen ondorioz beste bost ahizpaorde dituen.​​ 2013an, Hadid Malibuko Eskola Prestatzailean graduatu zen, non boleibol taldeko kapitaina izan zen.

Bigarren hezkuntzako ikasketak bukatu ondoren, New York-era joan zen bizitzera bere ikasketetan eta modelo lanetan aritzeko. Psikologia kriminala ikasi zuen Eskola Berrian 2013ko udazkenetik aurrera, baina bertan behera utzi zituen ikasketak modelo lanetan kontzentratzeko.

Bi urterekin hasi ziren Hadiden modelo lanak Paul Marcianok [10]lehen aldiz aurkitu zuenean. Horrela, Baby Guess[11]-en hasi zen lanean. 2012an, Guess-eko irudi bezala izendatu zuten.

2014an, New York Fashion Week[12]-en parte hartu zuen Desigual[13] moda-etxearekin. Jeremy Scott[14]-en desfilean ere parte hartu zuen. ​​

Musika bideotan agertu zen, 2014an Cody Simpson[15]-en "Surfboard" abestian.​ Bestetik, 2014an ere, Miguel[16] Grammy irabazlearen abesliaren maitasuna interpretatzen agertu zen "Simplethings" abestiaren bideoan.​ Calvin Harris[17]-en "How Deep Is Your Love" bideo musikaleko protagonista izan zen. Gainera, Zayn Malik, bere bikotea eta abeslariaren "PILLOWTALK" abestian agertu zen. 2015ean Victoria's Secret Fashion Show[18]-ean hartu zuen parte lehen aldiz.

2016an aldizkari ezberdinetako azalean agertzen hasi zen eta Tommy Hilfiger moda-etxearen musa izan zen, bilduma berri bat sortuz TOMMYxGiGi deiturikoa. Gainera, bigarren aldiz hartu zuen parte Victoria's Secret Fashion Show-ean, bere lehen hegalekin desfilatuz.

2017an, Tommy Hilfiger-ekin batera haien bigarren udako kolekzioa aurkeztu zuten Venice Beach-en, arropak bere ahizparekin, Bella Hadid, eta beste modelo famatu askorekin batera Joan Smalls, Stella Maxwell, Sara Sampaio, Romee Strijd, Hailey Baldwin, Devon Windsor, erakutsiz.