Gero bat gaurdanik

Gero bat gaurdanik
Mikel Laboaren, Ruper Ordorikaren eta Igor Elortzaren musika-lana
Egilea(k)	Mikel Laboa, Ruper Ordorika eta Igor Elortza
Argitaratze-data	2003
Izenburua	Gero bat gaurdanik
Ezaugarriak
Hizkuntza	euskara
Argumentu nagusia	2003ko Korrika, euskara eta Ez Dok Amairua

Gero bat gaurdanik 2003an Mikel Laboak eta Ruper Ordorikak Igor Elortzaren hitzekin Korrikarako sortu zuen abestia da.[1][2][3]

Ez Dok Amairu taldea Korrikaren 13. edizioan

Ez Dok Amairu taldeko zenbait kide, Atahualpa Yupanqui (ezkerretik hirugarrena) eta Paco Ibáñez (zortzigarrena) kantariekin: Joxean Artze (ezkerretik bigarrena), Benito Lertxundi (laugarrena), Mikel Laboa (seigarrena), Jose Angel Irigarai (zazpigarrena), Xabier Lete (makurtuta, ezkerretik lehenengoa) eta Lourdes Iriondo.

Mendebaldeko herrialde askotan 13 zenbakia zoritxarra ekartzen duen zenbakia dela, esaten da. Erreparoa izaten da batzuetan 13 zenbakiari (Triskaidekafobia).

2003koa Korrikaren hamahirugarren edizioa izan zenez, txantxetan, balizko zoritxarra horri aipamena eginez, abestian zehar lau aldiz errepikatzen den leloan Ez Dok Amairu mugimendua omendu zuten.

Ez dok hamairu! / Ez da malefiziorik! / Herri bat / Herri bat osorik / Gero bat / Gero bat gaurdanik

Malefiziorik ez dagoela azpimarratu nahi zuten AEKkoek, euskara eta euskal kultura aurrera aterako direla. Korrika hartako leloa 'AEKrekin Herri bat geroa lantzen' izan zen. Eta abestiaren izenburua Gero bat gaurdanik.

Zazpi letren dantza ('r', 'g', 'a', 'e', 'i', 'o', eta 'u')

Hitz jolasgurak dira. Letren soinuekin Jolas fonetiko bat dute barruan.

«	Ruper Ordorikak eta Mikel Laboak «... gu gara gure gero» hura xuxurlatzen zuteneko abesti hori.	»
—Karlos Aizpurua Etxarte[4]

Abestiaren zehar 'r', eta 'g' letrak etengabe ari dira jolasean bokal guztiekin, hamaika konbinazio sortzen dituzte. Konbinazio horiek hasieran soinu hutsak dira, baina gero hitzak ere osatzen dituzte, eta bukaeran esaldiak ere bai:

Hasieran 'r' letraren soinu hutsak dira: Arr, Err, Irr, orr, urr
Gero soinu horiek hitz bihurtzen dira: harri, herri, Irri, orri, urri
Gero antzera gertatzen da 'g' letrarekin: Ga, Ge, Gi, go, gu
Hitzak ere bihurtzen dira: gara, gero, gure...
... eta bukaeran esaldi ere bihurtzen dira: 'gara gure gero'
Orduan dantza zoroan hasten dira zazpi letra horiek ('r', 'g', 'a', 'e', 'i', 'o', eta 'u'): Geu gara harri / Geu urre gorri / Geu gure orri / Gure urri, gure irri / Harriz harri gora / Gure gero gura / Irriz gara / Gero, gu herri gara
Gero berriro hasten da jolasa. Bokal guztiekin dantzan hasten da berriro 'r' letra, baina kasu honetan ez da 'rr' gogorra, 'r' biguna baizik: Ar, Er, Ir, or, ur
Hitzak sortzen dira 'r' bigun eta bokalekin: ari, eri, hiri ...
Eta esaldia ere bai: Hara herri hori hiri!
Azkenean 'g' eta 'r' letrek barruan hartzen dituzte bokalak banan banan: Gar, Ger, Gir, gor, gur
Eta zuzenean sartzen dira esaldiak osatzeko jolasean: Gar gorri / Gorgarri / Gure herri / Geroaren egarri

Hitzak

Igor Elortzaren hitzak dira 2003ko Korrikaren. abestiarenak.[5]


Arr, Err, Irr, orr, urr Arr, harri Err, herri Irr, irri Harri herri, irri urri Ga, Ge, Gi, go, gu Ga, gara Ge, gero Gu, gure Gu gara gure gero Geu gara harri Geu urre gorri Geu gure orri Gure urri, gure irri Harriz harri gora Gure gero gura Irriz gara Gero, gu herri gara Ez dok hamairu! Ez da malefiziorik! Herri bat Herri bat osorik Gero bat Gero bat gaurdanik (errepika)		Ar, Er, Ir, or, ur Ar, ari Er, eri Ir, hiri Hara herri hori hiri! Gar, Ger, Gir, gor, gur Gar gorri Gorgarri Gure herri Geroaren egarri Ez dok hamairu! Ez da malefiziorik! Herri bat Herri bat osorik Gero bat Gero bat gaurdanik (errepika) Ez dok hamairu! Bada egitekorik! Herri bat Herri bat osorik Gero bat Gero bat gaurdanik .

2003ko Korrika

Mauleko kioskoan abiatu zen Korrika apirilaren 4an eta Iruñean bukatu hilaren 13an. Jean Louis Davant euskaltzainak egin zuen lehenengo kilometroa.

Korrika hasi baino hilabete t'erdi lehenago gertatu zen Euskaldunon Egunkariaren itxierak markatu zuen edizio hau. Mezua Egunkariko zuzendaria zen Martxelo Otamendik idatzi eta irakurri zuen Iruñeko Foruen plazan. Korrika amaitzen ari zela Nafarroako Gobernuak debekatu egin zuen Korrika herrialde hartan sartzea baina epaitegiek atzera bota zuten Gobernuaren erabakia.[6]

Erreferentziak

ikbvideo. (2010-02-11). Korrika 13 bideoklipa "Gero bat gaurdanik" Mikel Laboa eta Ruper Ordorika (2003). (Noiz kontsultatua: 2017-09-01).
Korrika 13 bideoklipa "Gero bat gaurdanik" Mikel Laboa eta Ruper Ordorika (2003). (Noiz kontsultatua: 2023-01-23).
«"Gero bat gaurdanik" (Korrika 13 - 2003)» EITB (Noiz kontsultatua: 2023-01-23).
Aizpurua Etxarte, Karlos. (2017-04-01). «Heldu dira!» Berria (Noiz kontsultatua: 2023-01-23).
Txatxangorria-Euskal Karaokeak. (2014-10-24). Euskal Herria korrika -Gozategi-. (Noiz kontsultatua: 2017-09-01).
Korrika - Auñamendi Eusko Entziklopedia. (Noiz kontsultatua: 2017-08-31).

Ikus, gainera

Korrika

Kanpo estekak

Korrika 13 bideoklipa "Gero bat gaurdanik" Mikel Laboa eta Ruper Ordorika (2003).

Datuak: Q111487454

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] video. (2010-02-11). Korrika 13 bideoklipa "Gero bat gaurdanik" Mikel Laboa eta Ruper Ordorika (2003). (Noiz kontsultatua: 2017-09-01).

[:0-2] Korrika 13 bideoklipa "Gero bat gaurdanik" Mikel Laboa eta Ruper Ordorika (2003). (Noiz kontsultatua: 2023-01-23).

[3] «"Gero bat gaurdanik" (Korrika 13 - 2003)» EITB (Noiz kontsultatua: 2023-01-23).

[4] Aizpurua Etxarte, Karlos. (2017-04-01). «Heldu dira!» Berria (Noiz kontsultatua: 2023-01-23).

[5] Txatxangorria-Euskal Karaokeak. (2014-10-24). Euskal Herria korrika -Gozategi-. (Noiz kontsultatua: 2017-09-01).

[6] Korrika - Auñamendi Eusko Entziklopedia. (Noiz kontsultatua: 2017-08-31).