Gerhart Hauptmann

Gerhart Hauptmann (Obersalzbrunn, Alemania, 1862ko azaroaren 15a - Agnetendorf, Alemania, 1946ko ekainaren 6a) alemanezko idazlea izan zen. Breslaun hazi egin zen, eta etxean hil zen arren, hortik urrun lurperatu behar izan zuten Poloniako gobernuaren agindua zela-eta. Hari jarraituz, alemaniar guztiak egotzi zituzten poloniar lurraldetik urte haietan. Agnetendorf udalerria alemaniarra izan zen, baina poloniar bilakatu zen Jagniątków izena hartuz.

Gerhart Hauptmann
Irudi gehiago
Bizitza
Jaiotza	Szczawno-Zdrój, 1862ko azaroaren 15a
Herrialdea	Alemaniar Inperioa
Talde etnikoa	alemaniarra
Lehen hizkuntza	alemana
Heriotza	Jagniątków (en) , 1946ko ekainaren 6a (83 urte)
Heriotza modua	berezko heriotza: bronkitisa
Familia
Ezkontidea(k)	Marie Thienemann Hauptmann (en)  (1885eko maiatzaren 5a -  1904ko uztaila) Margarete Hauptmann (en)  (1904 -
Seme-alabak	ikusi Ivo Hauptmann (en)
Hezkuntza
Heziketa	Jenako Unibertsitatea
Hizkuntzak	alemana
Jarduerak
Jarduerak	antzerkigilea, poeta, kanta-idazlea, eleberrigilea, autobiografialaria, gidoilaria eta idazlea
Lan nabarmenak	ikusi The Rats (en) The Assumption of Hannele (en) The Weavers (en)
Jasotako sariak	ikusi Literaturako Nobel Saria  (1912) Arteetan eta Zientziatan Merituaren Ordena Ring of Honour of the City of Vienna Order of the Red Eagle 4th Class Goethe Saria  (1932) Bavarian Maximilian Order for Science and Art  (1911) honorary doctor of the Leipzig University Honorary doctor of the University of Oxford honorary doctorate from Columbia University honorary doctor of the Charles University of Prague Franz-Grillparzer-Preis  (1896) : The Assumption of Hannele (en) Franz-Grillparzer-Preis  (1899) : Drayman Henschel (en) Franz-Grillparzer-Preis  (1905) : Q1198288 Goethe Medal for Art and Science Adlerschild des Deutschen Reiches  (1922ko azaroaren 15a) Pour le Mérite ordena
Kidetza	Durch! (en)
Mugimendua	naturalismoa
gerhart-hauptmann-gesellschaft.de

Émile Zolaren eragina nabaria duen lehen dramarekin, Vor Sonnenaufgang (1889, Egunsentiaren aurretik), Alemaniako naturalismoaren ezaugarriak finkatu zituen: alde batetik, giroak eta pertsonaiaren jatorriak berebiziko garrantzia dute, eta bestetik, dialektoak erabiltzen dira.

Handik hiru urtera, bere obra nagusia idatzi zuen: Die Weber (Ehuleak). Lehen idatzaldian Silesiako dialektoz idatzia zen drama horretan, Silesian 1844an gertaturiko matxinada kontatu zuen, molde epikoen bidez. Naturalismoaren barruan sartzen diren beste lan batzuk dira: Einsame Menschen (1891, Arima bakartiak); Florian Geyer (1896); Michael Kramer (1900). Joera mistiko eta sinbolista erakutsi zuen beste zenbaitetan: Hanneles Himmelfahrt (1896, Hanneleren igoera zerura); Die versunkene Glocke (1896, Ezkila urperatua). Beste hirugarren bide bat ere erabili zuen, ohitura-komediarena: Der Biperpelz (1893, Kastore-larrua), Berlingo gaizkileen eta poliziaren arteko borroka gai duena.

Lehen Mundu Gerraren ondoren, eleberria landu zuen, batez ere. Alor horretan ere, gai-aniztasun bera erakutsi zuen: Der Narr in Christo Emanuel Quint (1910), Der Ketzer von Soana (1918, Soanako heresea), Die Insel der grossen Mutter (1924, Ama Handiaren uhartea). Sinbolo eta mitoarekiko atxikimenduak poema epiko eta kosmiko handiak idaztera bultzatu zuen: Till Eulenspiegel (1927), Der grosse Traum (1942, Amets handia). Hauptmannen obra oparoa, 45 drama, 18 eleberri eta kontakizun-liburu, 6 olerki eta 3 poema-liburu, bere garaiko Alemaniako gizartea ulertzeko nahitaezko erreferentzia da.

Literaturako Nobel saria jaso zuen 1912an.