Gerald Edelman

Collegevilleko Ursinus Collegen egin zituen kimikako ikasketak, eta Pennsylvaniakoan, medikuntzakoak. 1954an graduatu zen medikuntzan, eta 1960an lortu zuen doktoregoa, immunoglobulinei buruzko tesi batekin.

1957tik 1992ra, Rockefeller Unibertsitateko irakaslea izan zen, eta han egin ditu, hain justu, ikerketa aipagarrienak, antigorputzei buruzkoak, batez ere.

1972an, Medikuntzako Nobel saria jaso zuen, R. Porter zientzialariarekin batera, antigorputzen egitura kimikoari buruz egindako lanengatik. Hain zuzen ere, Edelman konturatu zen egitura kimikoa ongi ezagutuz gero antigorputz-motak eta antigorputz bakoitzaren funtzionamendua antzeman daitezkeela. Edelmanek antigorputz baten egitura aztertu zuen, eta antigorputzak gai patogenoarekin duen lotura. Edelmanen ekarpena garrantzi handikoa izan da immunologiari buruzko ikerketetan, eta aukera eman du zenbait eritasunen diagnosian eta tratamenduan aurrerapenak egiteko.

• Neural Darwinism: The Theory of Neuronal Group Selection (Basic Books, New York 1987). ISBN 0-19-286089-5
• Topobiology: An Introduction to Molecular Embryology (Basic Books, 1988) ISBN 0-465-08653-5
• The Remembered Present: A Biological Theory of Consciousness (Basic Books, New York 1990). ISBN 0-465-06910-X
• Bright Air, Brilliant Fire: On the Matter of the Mind (Basic Books, 1992). ISBN 0-465-00764-3
• The Brain, Edelman and Jean-Pierre Changeux, editors, (Transaction Publishers, 2000). ISBN 0-7658-0717-3
• A Universe of Consciousness: How Matter Becomes Imagination, Edelman eta Giulio Tononi, coauthors, (Basic Books, 2000). ISBN 0-465-01377-5
• Wider than the Sky: The Phenomenal Gift of Consciousness (Yale Univ. Press 2004) ISBN 0-300-10229-1
• Second Nature: Brain Science and Human Knowledge (Yale University Press 2006) ISBN 0-300-12039-7