Georgius Agricola

Georgius Agricola
	; Irudi gehiago
Bizitza
Jaiotzako izen-deiturak	Georg Pawer
Jaiotza	Glauchau, 1494ko martxoaren 24a
Heriotza	Chemnitz, 1555eko azaroaren 21a (61 urte)
Hobiratze lekua	Zeitz Cathedral (en)
Heriotza modua	: istripu zerebrobaskularra
Hezkuntza
Heziketa	Leipzigeko Unibertsitatea ; Boloniako Unibertsitatea ; Paduako Unibertsitatea
Hizkuntzak	latina; alemana
Jarduerak
Jarduerak	medikua, mineralogoa, historialaria, ingeniaria, kimikaria, filosofoa eta metallurgist (en)
Lan nabarmenak	ikusi De Re Metallica (en) ; De Natura Fossilium (en) ; De Natura Fossilium (en) ; De natura eorum quae effluunt ex terra (en) ; De ortu et causis subterraneorum (en) ; Bermannus; sive, de re metallica (en) ;

Georgius Agricola, Georg Pawer edo Georg Bauer jaioa (Glauchau, 1494ko martxoaren 24a - Chemnitz, 1555eko azaroaren 21a) alemaniar mineralogo eta metalurgista izan zen.

Hamabi urterekin latineko eskolan hasi zen ikasten. 1514tik 1518ra teologia, filosofia eta filologia ikasi zituen Leipzigeko Unibertsitatean. Heziketa humanista jasotzen jarraitu zuen eta 1519an Zwickauko greziar eskola ezarri zuen. 1523an Italiara bidaiatu zuen eta medikuntza ikasketak Bolonian burutu zituen. 1527an Alemaniara itzuli zen eta Joachimsthalen sendagile eta farmazialari gisa ezarri zen, inguruko mineral betak aztertu ahal izateko. 1533an Chemnitzen kokatu zen, alkate izendatu zuten eta Jurgi Saxoniakoa dukeak diplomatiko eta historialari izendatu zuen. Georgius Agrícola katolikoa zen eta, hil ondoren, protestanteek Chemnitzen ehorztea eragotzi zuten. Zeitzeko Katedralean lurperatu zuten.

De re metallica libri XII lanagatik da ezaguna. Hamabi liburukik osatzen dute, eta meatzaritzaren eta metalurgiaren azterketa sistematikoa, sailkapena eta gida metodologikoa dira. Mineralogiaren aita eta geologiaren sortzailea bezala ezagutzen da. Medikuntzari, pedagogiari, metrologiari, farmaziari, filosofiari, geologiari, historiari eta abarri buruzko 40 bat lan argitaratu zituen.

Lanak

Bermannus sive de re metallica, Basel 1530 eta Paris 1541
De Bello adversos Turcas, Nürnberg 1531
De mensuris et ponderibus libri V, Paris 1533 eta Basel 1533
De ortu et causis subterraneorum libri V, Basel 1546 eta 1558
De natura eorum, quae effluunt ex terra, Basel 1546
De veteribus et novis metallis libri II, Basel 1546
De natura fossilium libri X':, Basel 1546
De animantibus subterraneis liber, Basel 1549
De mensuris quibus intervalla metimur liber, 1550
De precio metallorum et monetis liber III, 1550
De peste libri tres Basel 1554
De re metallica libri XII, Basel 1556

Datuak: Q76579
Multimedia: Georgius Agricola / Q76579

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.