Georges Simenon

Georges Joseph Christian Simenon (Lieja, Belgika, 1903ko otsailaren 13a – Lausana, Suitza, 1989ko irailaren 4a) belgikar idazlea izan zen. Maigret komisario ezagunaren istorioak idatzi zituen 1931tik 1972 arte, 103 liburu guztira. Bere eleberriak munduko 1.800 lekuetan kokatu ditu eta 9.000 pertsonaia baino gehiago sortu ditu. 500 milloi liburu baino gehiago saldu ditu, frantsesez gain beste 55 hizkuntzetaz ere. Zineman, haren lanetan inspiraturik 50 film baino gehiago egin dituzte.

Georges Simenon
(1965) Irudi gehiago
Epaimahaiko presidentea Cannesko Zinemaldian ← Marcel Achard - Jean Giono →
Bizitza
Jaiotzako izen-deiturak	Georges Joseph Christian Simenon
Jaiotza	Lieja, 1903ko otsailaren 13a
Herrialdea	Belgika
Bizilekua	Vosges plaza Lakeville (Connecticut) Epalinges Marsilly
Lehen hizkuntza	frantsesa
Heriotza	Lausana, 1989ko irailaren 4a (86 urte)
Familia
Ezkontidea(k)	Régine Renchon (en) Denyse Ouimet (en)
Seme-alabak	ikusi Marc Simenon (en) Pierre Simenon (en)
Anai-arrebak	ikusi Christian Simenon
Hezkuntza
Hizkuntzak	frantsesa
Jarduerak
Jarduerak	idazlea, eleberrigilea, kazetaria eta argazkilaria
Lantokia(k)	L'Ostrogoth (en)
Lan nabarmenak	ikusi Jules Maigret (en)
Jasotako sariak	ikusi The Grand Master  (1966)
Kidetza	Academie Royale de Langue et de littérature Françaises (en) Ohorezko Legioa
Genero artistikoa	detektibe-fizkioa

Simenon idazle guztiz emankorra izan da 400 eleberri inguru, milatik gora kontakizun labur, eta batez ere polizia eleberriengatik da ezaguna. Generoaren berritzaile izan zen; Maigret komisarioaren sortzailea da, ikerketak Frantziako gizartearen giro gris ilunetan egiten dituen polizia, psikologia sen sarkor baten laguntzaz. Pertsonaia hori protagonista duen eleberri saila 1931n hasi (Pietr le Letton) eta 1972an amaitua (Maigret et Monsieur Charles) hizkuntza askotara itzuli da. Gainera, badira eleberri horien 50etik gorako zinema bertsio, telebista sailez gainera. Hauek dira Maigret-en saileko lan batzuk: Le pendu de Saint-Pholien (1931, Saint-Pholien-eko urkatua); Láffaire Saint-Fiacre (1932, Saint-Fiacre afera); Le chien jaune (1936, Zakur horia); Mon ami Maigret (1949, Maigret ene laguna); Maigret à l´école (1954, Maigret eskolan); Le veuf (1960, Alarguna); Maigret hésite (1968, Maigret-en zalantzak). Polizia girotik kanpo eleberri psikologikoak, abenturazkoak eta ohiturazkoak idatzi zituen. Bestalde obra autobiografiko zenbait ondu zituen, hala nola Mémoires intimes (1982, Oroitzapen intimoak).