George Harrison

George Harrison
	; (1974) Irudi gehiago
Bizitza
Jaiotza	12 Arnold Grove (en) eta Liverpool, 1943ko otsailaren 25a
Herrialdea	Erresuma Batua
Heriotza	Los Angeles, 2001eko azaroaren 29a (58 urte)
Heriotza modua	berezko heriotza: birikako minbizia; Burmuineko tumorea
Familia
Aita	Harold Hargreaves Harrison
Ama	Louise Anne Harrison
Ezkontidea(k)	Pattie Boyd (en) (1966ko urtarrilaren 21a - 1977); Olivia Harrison (en) (1978ko irailaren 2a - 2001eko azaroaren 29a)
Seme-alabak	ikusi Dhani Harrison (en) ;
Anai-arrebak	ikusi Louise Harrison (en) ;
Hezkuntza
Heziketa	Liverpool Institute High School for Boys (en) ; Dovedale Primary School (en)
Hizkuntzak	ingelesa
Jarduerak
Jarduerak	gitarra-jotzailea, abeslaria, kantugilea, aktorea, hortikultorea, zinema ekoizlea, musikagilea, egile abeslaria, autobiografialaria, poeta, disko-ekoizlea, soinu banda konpositorea, zinema aktorea, bass guitarist (en) , musikaria, estudioko musikaria eta multi-instrumentalist (en)
Lan nabarmenak	ikusi My Sweet Lord; Something; Here Comes the Sun; Beware of Darkness; Isn’t It a Pity; All Things Must Pass; Taxman; Within You Without You; I Need You; What Is Life; Cheer Down (en) ; While My Guitar Gently Weeps; If I Needed Someone;
Jasotako sariak	ikusi Billboard Music Award ; Rock and Roll Hall of Fame (2004) ; Izarra Hollywoodeko Ospearen pasealekuan ; Britainiar Inperioko Ordenaren kidea (1965eko ekainaren 12a) ; Jatorrizko soinu banda onenaren Oscar Saria (1970) : Let It Be (en) ;
Influentziak	Chuck Berry, Ravi Shankar eta Carl Perkins
Kidetza	The Beatles; Traveling Wilburys (en) ; The Quarrymen (en) ; The Beat Brothers
Izengoitia(k)	Carl Harrison, Hari Georgeson, Nelson Wilbury, Spike Wilbury, George Harryson, George O’Hara-Smith, L'Angelo Misterioso, Jorge Arias eta Magpie
Genero artistikoa	rock; rock psikodelikoa; pop musika; world musica; raga rock (en) ; beat music (en) ; folk rock
Musika instrumentua	gitarra; biolina; baxua; Sitarra; ukelelea; pianoa; ahotsa; giltzadia; sintetizadorea
Diskoetxea	Apple Records (en) ; Capitol Records; Dark Horse Records (en) ; EMI; Parlophone (en) ; Vee-Jay Records
Sinesmenak eta ideologia
Erlijioa	hinduismoa; kristautasuna
	georgeharrison.com

George Harrison (Liverpool, 1943ko otsailaren 25a - Los Angeles, 2001eko azaroaren 29a) gitarra-jotzaile ingelesa izan zen, The Beatles taldeko kide izateagatik ezaguna. Bera izan zen Indiako sitar instrumentua mendebaldera ekarri zuen lehena.

Biografia

Harrison Liverpoolen jaio zen 1943an, familia irlandar batean. Umetan alboan "Penny Lane" kalea zuen eskola batera joan zen, ondoren Beatlesen abesti bilakatu zena.

Bigarren hezkuntzako eskolan Paul McCartney ezagutu zuen, eta denbora librean gitarra jotzeari ekin zion. Bere anaia eta lagun batez talde batean ere aritu zen. Ikasketetan ez zen oso ondo aritu, eta 1959an ikasketak utzi zituen. Elektrizista laguntzaile bezala lanean aritu zen tarte batean, eta bertan ikasitakoak musika tresnerian aplikatu ahal izan zituen geroago.

John Lennon McCartneyri esker ezagutu zuen, eta 1958an hauek biek eta Pete Bestek osatzen zuten "The Quarrymen" taldean (1960 The Beatles izena hartuko zuena) sartu zen gitarra jole modura. Taldeko gazteena bazen ere, pixkanaka toki garrantzitsuago bat hartzen joan zen bere konposizio eta gitarra-jotzaile dohainak zirela eta.

"Beatle isila" ezizena zuen Harrisonek jarraitzaileen artean, baina behin baina gehiagotan aritu zen abeslari bezala. Berak idatzitako abesti guztietan ez ezik, beste abesti batzuetan ere ahotsa jarri ahal izan zuen. 60. hamarkadaren bigarren erdian Harrisonek hainbat eta hainbat abesti bikain idatzi zituen, hala nola: "Norweegian Wood", "Within You Without You", "While My Guitar Gently Weeps", "Something", "Here Comes the Sun"...

Hala eta guztiz ere, Harrisonek zailtasun handiak zituen McCartney eta Lennon bere abestiak grabatzera konbentzitzen, hauek izan baitziren taldearen liderrak hasiera hasieratik. Honek eta beste hainbat tirabirak eraginda, taldea 1970an desegin zen, Harrisonek 26 urte besterik ez zituela.

Harrisonek bakarkako ibilbide oparoa izan zuen; aipatzekoa da taldearen sakabanaketaren ondoren argitaratu zuen lehen lana, All Things Must Pass, rock historian bakarlari batek argitaraturiko lehen album hirukoitza izan baitzen. Beatles garaian idatzi baina grabatu ezinik gorde zituen abesti pila zen horrelako emaria izatearen arrazoi nagusia. 70. hamarkadan hainbat disko plazaratu zituen, eta Eric Clapton lagun minarekin (Beatles garaian ezagutua) zein beste artista askorekin elkarlanean ere aritu zen, bai estudioan eta baita zuzenean ere.

1980an I Me Mine autobiografia plazaratu zuen, eta Beatleseko kideetan lehena izan bazen ere, ez zuen taldeari buruz gauza askorik idatzi. 80. hamarkadan Clapton, Bob Dylan eta Tom Petty bezalako musikariekin elkarlanean aritu zen, eta bakarkako diskoak ere argitaratu zituen.

90. hamarkadan hildo beretik jarraitu zuen, baina honen amaiera aldera minbiziarekin borrokan ibili zen. Borroka luze baten ondoren, 2001eko Azaroan hil zen Hollywoodeko etxe batean, 58 urte zituela.

Wikimedia Commonsen badira fitxategi gehiago, gai hau dutenak: George Harrison

Datuak: Q2643
Multimedia: George Harrison / Q2643

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.