George Ellery Hale

George Ellery Hale (1868ko ekainaren 29a - 1938ko otsailaren 21a) AEBetako Illinois estatuko hiriburua den Chicago hirian jaiotako eguzki astronomo bat izan zen. MIT, Harvard unibertsitateko behatokian (1889-1890) eta Berlingo Humboldt unibertsitatean (1893-1894) ikasi zuen. MITeko ikasle bezala espektroheliografoa asmatu zuen, honekin eguzki ertzei eta eguzki orbanen eremu magnetikoei buruzko bere aurkikuntzak egin zituelarik.

George Ellery Hale
Irudi gehiago
Bizitza
Jaiotza	Chicago, 1868ko ekainaren 29a
Herrialdea	Ameriketako Estatu Batuak
Heriotza	Pasadena, 1938ko otsailaren 21a (69 urte)
Hezkuntza
Heziketa	Harvard Unibertsitatea Massachusetts Institute of Technology
Hizkuntzak	ingelesa
Jarduerak
Jarduerak	astronomoa, kazetaria, astrofisikaria eta fisikaria
Enplegatzailea(k)	Kaliforniako Teknologia Institutua Chicagoko Unibertsitatea Mount Wilson Behatokia
Jasotako sariak	ikusi Copley Domina  (1932) Jules Janssen saria  (1917) Frederic Ives Medal  (1935) Elliott Cresson Domina  (1926) Henry Draper domina  (1904) Astronomiako Errege elkartearen urrezko domina  (1904) Rumford Prize  (1902) Bruce domina  (1916) Franklin domina  (1927) Janssen Medal  (1894) Actonian Prize  (1921) Foreign Member of the Royal Society  (1909ko martxoaren 25a)
Kidetza	Royal Society Suediako Zientzien Errege Akademia Frantziako Zientzien Akademia Arteen eta Zientzien Ameriketako Estatu Batuetako Akademia Linzeen Akademia Zientzien Errusiar Akademia XL izeneko Zientzien Akademia Nazionala Arteen eta Zientzien Herbehereetako Errege Akademia Ameriketako Estatu Batuetako Zientzien Akademia Nazionala Accademia delle Scienze di Torino

1890ean Kenwood Astrofisika Behatokiko zuzendari izendatua izan zen. Astrofisika irakaslea izan zen Beloit Collegen (1891-1893), Chicagoko Unibertsitateko irakasle kidetua 1905 arte. Astronomy and Astrophysics aldizkariaren editoreetako bat ere izan zen 1892 eta 1895 bitartean eta 1895 ondoren Astrophysical Journal aldizkariaren editorea.

Zenbait behatoki fundatzen lagundu zuen, Yerkes Behatokia eta Mount Wilson Behatokia horien artean. Mount Wilsonen Harlow Shapley eta Edwin Hubble kontratatu eta babestu zituen eta funtsak, planifikazioa, instituzioen, elkarteen eta aldizkari astronomikoen antolakuntza handitu zituen. Paper garrantzitsu bat izan zuen baita Kaliforniako Teknologia Institutua ikerketan aitzindaria zen unibertsitate batean bihurtzen ere.