Gauaren erregina (erliebea)

Gauaren erregina (erliebea)
Jatorria
Sorrera-urtea	K.a. XIX. mendea
Jatorrizko herrialdea	Babiloniar Inperioa
Honen izena darama	Sydney Burney (en) eta The Queen of the Night (en)
Ezaugarriak
Materiala(k)	terrakota eta fire clay (en)
Dimentsioak	49,5 () × 49,5 () × 37 () × 37 () × 4,8 () × 4,8 () cm ;
Hizkuntza	hizkuntza edukirik gabea
Egile-eskubideak	jabetza publiko eta jabetza publiko
Deskribapena
Honen parte da	Isin-Larsa period (en)
Kokapena
Lekua	British Museum
Bilduma	British Museum eta British Museum
Inbentarioa	2003,0718.1

Gauaren erregina, Burney erliebea ere deitua, Mesopotamiako terrakotazko goierliebe bat da, Paleobabiloniar garaian egindakoa, K.a. 1800-K.a. 1750 artean. Ixtar, Erexkigal edo Lilitu izan litekeen jainkosa baten irudikapena da.

Erliebearen jatorrizko koloreen hipotesia.

Historia

Erliebea Iraken hegoaldetik dator; han siriar negoziogizon batek eskuratu zuen 1924an. Ingalaterrara heldu zen, eta 1935an Sydney Burney izeneko zaharki salerosleak erosi zuen. Norman Colville-ren bildumara pasa zen eta, ondoren, japoniar batek erosi nahi izan zuen. Gobernu britarriarrak herrialdetik ateratzeko asmoa ez zuen onartu eta British Museumen gorderik gelditu zen. Azkenik, 2003. urtean erakunde horrek erosi zuen.[1]

Ezaugarriak

Garaiera: 49,500 zm.
Zabalera: 37 zm.
Lodiera: 4.8 zm (gehienez)
Gaia: terrakota.

Deskribapena

Erliebean emakume bat biluzik ageri da. Hegoak ditu baina beheruntz begira; horrek lurreko munduaren jainkosa dela adierazten du. Buruan adardun burugainekoa du; adarrak oso ohikoak ziren Mesopotamiako jainkoen irudietan. Eskuan soka bat du, zuzenbidearen ikurra. Oinak hegazti harraparien atzaparren modukoak dira. Erreginaren oinak bi lehoien gainean daude. Alboetan bi hontz zuri ikusten dira.

Hammurabi garaiko inperioa, K.a. 1750 urtearen inguruan.

Esanahia

Erliebearen interpretazioa ez dago garbi. Jainkosaren identitate desberdinak azaldu dute espezialistek; hauek dira zabalduenak:

Ixtar, maitasunaren eta gerraren, sexuaren eta emankortasunaren jainkosa.
Erexkigal, azpimunduaren jainkosa Mesopotamiako mitologian.
Lilitu, deabru-emea, Toran Lilith gisa agertzen dena.

Erliebea alde batetik ikusia.

Erreferentziak

Frankfort, Henri (1937). "The Burney Relief". Archiv für Orientforschung. 12: 128–135.

Kanpo estekak

(Ingelesez):British Museumeko webguneko fitxa.

Datuak: Q1016771
Multimedia: Burney relief, Queen of the Night / Q1016771

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Frankfort, Henri (1937). "The Burney Relief". Archiv für Orientforschung. 12: 128–135.