Garziarena berria
Garziarena berria Pamielak argitaratu zuen euskarazko literatura fanzine bat da, Pamiela argitaletxeak 1997tik 1998ra argitaratu zuena.
| Garziarena berria: Euskal Herriko Aldizkari Kritikoa | |
|---|---|
| Mota | euskarako literatura fanzinea |
| Fitxa teknikoa | |
| Hizkuntza | euskara, frantsesa eta gaztelania |
| Argitaratze lekua | Iruñea |
| Argitaletxea | Pamiela |
| Banaketa | |
| Ekoizpen osoa | 5 |
| Banatze-eremua |  Euskal Herria |
| andima.armiarma.eus/barz/aurki.htm | |
Garziarenaren jarraipena da.
Historia
| « | Euskal Herriko Aldizkari Kritikoa goiburupean plazaratu zen Garziarena berria 1997ko abenduan, Durangoko Azokaren karietara. Helburu handinahiagorik zehazteke, bultzatzaileek lehen alean gaztigatu ziguten iruditzen zitzaiela "hainbat jendek estimatu egingo lukeela bere iritzia azaltzeko leku bat, eta leku hori aldizkari hau izan litekeela. (...) Guk elkarte edo txoko bat sortu nahi genuke, elkarri informazioa pasatzeko eta errealitateari buruzko hurbilketa sakonago eta minago bat lortzeko". Hasieratik eskatu zuten irakurleen partaidetza. Garziarena-ren aldean egoitza Iruñera aldatuta —mantxeta errespetatuz—, Pamiela etxera hain zuzen ere, izen ezagunak ageri dira bultzatzaile gisa: Txema Aranaz, Bernardo Atxaga, Lourdes Auzmendi, Koldo Biguri, Joxemi Goiena, Joxemari Iturralde, Jose Luis Mendoza. Hileroko maiztasunarekin ekin zioten, gaztelaniazko eta euskarazko testuez —frantsesezko testuren bat ere badago—, baina 1998ko apirilean, bosgarrenarekin, bukatu zen ekimena. Artikuluak nagusiki, ipuintxo eta poema batzuk, eta kritika sail handi bat hala nola erdarazko testuen erreferentzia asko jaso zituen aldizkariak | » |
. [1] Ibinagabeitia Proiektua: Literatur Aldizkarien Gordailua
Erreferentziak
Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.