Garcibuey

2005eko erroldaren arabera 232 biztanle zituen, 129 gizon eta 103 emakume. Izatezko bikoterik ez dauka erroldatuta. 12,51 Km2-ko azalera eta 691 Msnm-ko altuera du (altuera neurtzeko baremo bat).

2009ko urtarrilaren 1eko erroldaren arabera 218 biztanle zituen.

Garcibueyren ikuspegi orokorra.

Sierra de Frantziako mankomunitate eta eskualdean kokatzen da, Batuecas eta Sierra de Quilamas natura-parkeen artean. Herri lasaia da oso eta Mediterraneoko klima duenez, edozein urtarotan joateko aproposa da. Landareriari dagokionez, arte, gaztainondo, haritz eta gurbitza nabarmentzen dira; honez gain, zenbait fruta-arbola, olibondoak, gereziondoak, mertxikondoak eta aranondoak. Faunari dagokionez, katamotzak, oreinak, basurdeak, arrano beltza eta putre beltza nabariak dira. Alagón, San Benito eta La Palla ibaiek bere mugak iragaten dute eta euren urek bainatzeko eta arrantzan egiteko balio dute.

1940an La Palla-ko urmaela eraiki zen. Ez zen lan samurra izan, alde batetik, ekonomikoki guda osteko garaia zelako, eta beste aldetik, teknikoki ere zailtasunak aurkeztu zituen, orografia zela eta. Garcibuey nekazal gunea da, baina zenbait urtetan lehorteak eraginda putzuak urik gabe geratzen ziren eta soroak ureztatzea ezinezkoa zen. Hortaz, jendearen borondateari esker (haien eskulanei esker, alegia) eta gobernuaren diru-laguntzari esker baita ere, Cilleros, Valero eta Garcibuey erdigunean artean, Collado de la Palla deritzon 3.000 m3-ko urmaela eraiki zen soroak ureztatzeko. Kanalizazio baten bidez La Palla ibaitik ura eramaten da, Corrales inguruan.

• Salamancako udalerrien zerrenda

• (Gaztelaniaz) Udalerriari buruzko informazioa Salamancako aldundiaren webgunean.