Garbikuntzako Andre Mariaren eliza

Garbikuntzako Andre Mariaren eliza
Kokapena
Herrialdea	Euskal Herria
Probintzia	Nafarroa Garaia
Udalerria	Longida
Koordenatuak	42°46′14″N 1°23′59″W

Garbikuntzako Andre Mariaren eliza Longidako Billabeta kontzejuan XII. mendeko kristiau eliza bat da.

Eraikina

Erromaniko estiloko eliza da, XII. mende amaierakoa. Hiru ataleko nabe bat du, gurutzadura eta zirkuluerdi-formako abside moduko horma-hobiko bi kapera dituena. Kanoi erdiko ganga batek estaltzen du. Ganga horrek fajoiak ditu, eta mentsuletan bermatuta daude. Mentsulen parean inposta bat dago, xake-formako dekorazioa, palmetak, bolak, diamante-puntak eta beste motibo batzuk dituena.

Sarrera zirkuluerdiko portada da, eta bi arkibolta ditu zutabeetan bermatuta. Zutabeen kapitelek txoriak, pendizak eta bolutak dituzte, eta zimazioak bolekin. Absideak giza buruekin, animaliekin, kontortsionistekin eta abarrekin zizelkatutako harburuak ditu teilatuan.

Erreferentziak

Nafarroako Entziklopedia Handia | BILLABETA. (Noiz kontsultatua: 2021-12-16).

Ikus, gainera

Kanpo estekak

Datuak: Q110155586

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.