Garagardo ketu

Garagardo ketu edo garagardo keztatua (alemanez Rauchbier) ke-zapore bereizgarria duen garagardo mota bat da. Hori lortzeko, garagar-malta sugarren gainean lehortzen uzten da leku ireki batean. Alemaniako Bamberg aldeko Rauchbier-ak dira garagardo keturik ezagunenak, baina batez ere Schlenkerla garagardotegiarenak.

Schlenkerla Rauchbier garagardoa upeletik.

Historia

Garagar-malta sugarretan jartzeak maltari ke-zapore bereizgarria eman liezaioke. Aro modernoa baino lehen, malta sugarretan lehortzen uzteaz gain, eguzkitan ere uzten zen.

XVIII. mendearen hasieran malta kiln labeetan lehortzen uztea apurka-apurka ohikoa bilakatu zen eta XIX. mendearen erdialderako, kiln bidezko maltaren lehortzea ia-ia metodo nagusiena zen mundu mailan. Alabaina, kiln-bidezko lehortzeak malta hezeari ke-zaporerik ematen ez zionez, garagardoen ke-zaporea desagertuz joan zen.

Bambergeko Rauchbier

Hala ere, garagardotegi batzuk garagardo ketua sortzen jarraitu zuten malta sugarretan lehortzen utziz leku ireki batean. Bambergeko bi artisau-garagardotegik, Schlenkerla eta Spezial izenekoak, garagardo ketua sortzen jarraitu zuten bi mendez. Bi garagardotegi hauek oraindik ere zabalik diraute.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.