Galway Hooker

Galway hooker delakoa (irlanderaz húicéir edota Húicéirí na Gaillimhe) Irlandako mendebaldeko kostaldean dagoen Galwayko badian arrantzaleek erabili ohi zituzten usadiozko txalupak dira. Txalupa hauek bertako itsaso nahasian nabigatzeko eginak zeuden. Ohitura legez, kroskoa beltza zuten, aldiz bela edo haize-ohialak gorri kolorekoak.

Galway hooker txalupa Belfast hiriko Titanic Maritime Festival jaialdian ikusgai.

Orain dela gutxi arte desagertzear zeuden, garai onetan Connemara eskualdea eta Mayoko konderriaren kostaldean, nahiz Aran uharteak eta Clareko konderriaren iparraldean dagoen The Burren eskualdearen arteko itsas bidaiak burutzeko erabiltzen zelarik. Hauetako txalupa onenak zohikatza leku batetik bestera garraiatzeko erabili ohi ziren.

Gaur egun berpizkunde bat bizi dute. Urtero Galwayko badian Cruinniú na mBád deritzon nabigazio jaialdia ospatu ohi da, bertan txalupa hauek Connemara eta Kinvara arteko ibilbidea burutzen dutelarik.

Iruditegia
  • Galway Hooker txalupa multzoa An Cheathrú Rua udalerriko Caladh Thaidhgudako itsas erregatan.
    Galway Hooker txalupa multzoa An Cheathrú Rua udalerriko Caladh Thaidhgudako itsas erregatan.

Ikus gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.