Galiziako Traineruen Liga

2003. urtean sortu zen eta Moañako S.D. Samertolameu izan da dominatzaile nagusia, zortzi garaipenekin, Amegrovek lau liga irabazi ditu. Liga honek lehen lau ekitaldietan Ipar-mendebaldeko Traineruen Liga izena izan zuen, galiziar traineruez gain Asturiasko Castropolek ere parte hartzen zuelako. 2007 urtean ordea izena aldatu zioten eta gaur egun Galiziako Traineruen Liga bezala ezagutzen da.

Aurreneko lau ligak Samertolameuk irabazi zituen eta 2007an bigarrena izan zen Tiránen atzetik. 2008an ere liderra zen baina azken estropadak TKErako play-offarekin koinziditzen zuen eta horregatik ez zen aurkeztu. Náutico de Vigok eta Chapelak aurrea hartu zioten. 2009an Cabo da Cruz-ek TKE Ligari uko egin eta Galiziako Ligan hartu zuen parte, aisa irabaziz. Hurrengo urteetan dominatzaile berri bat azaldu zen, Amegrove, liga hiru urtez jarraian irabaziz.

2012ko denboraldian aldaketa nabarmen bat izan zen. Bi Liga osatzea erabaki zen eta beraz 17 traineruek bi multzo osatu zituzten. Zortzi onenek A Ligan hartu zuten parte eta gainontzeko bederatziek B Ligan eta igoera-jeitsiera sistemak ezarri ziren bi multzoen artean. Hurrengo denboraldietan Samertolameu eta Amegrove izan dira txapeldunak. Bi talde handi hauen nagusitasuna hautsi zuen bakarra C.R. Ares izan da 2016an eta ondoren 2019an, bietan ere TKE Ligarako igoera lortuz.

Taldeen kopurua handitu egin da azken urteetan eta 2016rako birmoldaketa berria egin zen: A ligak hamabi talde izango zituen eta B Ligak zortzi, baina azken unean liga bakoitzean baja bana izan zen, A ligan Mugardos eta B ligan Cesantes. 2017an ere 11 traineru izan ziren A Ligan eta zazpi B Ligan. Emakumezkoak aldiz gehiago izan ziren, bost hain zuzen ere, eta 2020rako sei traineruk eman zuten izena.

A Liga

• ¹ 2008. urtean S.D. Samertolameu zen nagusi, baina TKE Ligarako igoera fasea jokatzearren azken bi estropadetan ez zuen parte hartu eta hirugarren postuan gelditu zen.
• ² 2012. urtean lehenengo biak 87 puntutan berdinduta gelditu ziren, baina estropada gehiago irabazi izanak eman zion garaipena Amegroveri.
• ³ 2020. urtean lehenengo biak 95 puntutan berdinduta gelditu ziren, bai eta bosna estropada irabazi ere. Azken estropada irabazi izanak eman zion garaipena Tiráni.

B Liga

A Liga

B Liga

Galiziako emakumezkoen arraun taldeak Kontxako sailkapen estropadan, 2018an:
Perillo (zuria), Náutico Riveira (urdina eta beltza),
A Pobra-Cabo (gorria) eta Mugardos (berdea)

2009an izan zuen lehen edizioa eta hiru taldek hartu zuten parte. 2010 urtean ere hiru izan ziren lehian, baina hurrengo urtean ezin izan zen ligarik osatu, talde bakarra izan baitzen uretan. 2014an antolatu zen berriz ere liga eta 2017an bost traineru izan ziren lehian.

2023ko traineruak

Taldea	Herria	Entrenatzailea	Patroia	Trainerua
CM Castropol	Castropol ( Asturias)			Ría del Eo
CCD Cesantes	Cesantes, Redondela (Pontevedra)			San Pedro
CR Chapela	Redondela (Pontevedra)	Javier García	Olalla Martínez	Arealonga
Mugardos-A Cabana	Mugardos-Ferrol (Coruña)			Bestarruza
CR Perillo	Oleiros (Coruña)	Sergio Gómez	Candela Ordóñez	Perillo
CR Puebla	A Pobra do Caramiñal (Coruña)			Carmela
CR Rianxo	Rianxo (Coruña)		Adrián Neo	Virxe de Guadalupe

• TKE liga
• KAE Liga

• (Gaztelaniaz) Webgune ofiziala