GEU
GEU Arabako euskal hilabetekari bat izan zen. Euskarari eta euskal kulturari loturiko gaiak jorratzen zituen, Arabakoak eta Euskal Herrikoak batik bat. Hilero 3.000 ale inguru argitaratzen zituen, 2009ko abenduan iragarritako etenaldi arte.
| GEU | |
|---|---|
| Geu aldizkariaren 2009ko abenduko azala.jpg | |
| Mota | tokiko informazioaren hilabetekaria |
| Fitxa teknikoa | |
| Hizkuntza | euskara |
| Argitaratze lekua | Gasteiz |
| Banaketa | |
| Banatze-eremua | Araba |
| Historia | |
| Zuzendaria | Estitxu Breñas Gonzalez de Zarate |
| ukberri.net | |
Historia
1992an sortu zen GEU Elkartearen ekimenez, aldizkariak GEU Gasteiz izena zuela. Aldizkariaren aurkezpen testuak honela zioen: «argi utzi nahi dugu euskara indartu eta zabaltzearekin batera, Gasteizko gizarte-bizitza, bertako gora-beherak, arazoak, gertaerak, etab. jasotzea dela gure asmoa [...].»
85. zenbakiaz gero, GEU izenera aldatu zuten. Eduki anitzak jorratzen zituen, besteak beste, kultura, euskalgintza, bidaiak, artea, umorea eta historia. Azalak eta zenbaki bereziak izan ezik, zuri-beltzez argitaratzen zuten. 2007ko maiatzean 15 urte bete zituen 173. zenbaki berezi eta koloredunaren argitalpenarekin.
Zuzendaria Estitxu Breñas Gonzalez de Zarate zen.
Etenaldia
2009ko abenduan aldizkariaren argitaratzea eten egingo zutela iragarri zuten, batez ere arazo ekonomikoengatik.[1]
Ikus, gainera
Erreferentziak
- Estitxu Breñas: «GEU aldizkariak, gero arte... nik, agur...», 2009-12-09.
Ikus, gainera
- Euskarazko aldizkarien zerrenda
