Gérard Fromanger
Gérard Fromanger (Jouars-Pontchartrain, Yvelines, Frantzia, 1939ko irailaren 6a - Paris, 2021eko ekainaren 18a) frantses pintorea izan zen. Alberto Giacomettiren eragina sumatzen zaio hainbat lanetan.
| Gérard Fromanger | |
|---|---|
 | |
| Bizitza | |
| Jaiotzako izen-deiturak | Gérard Hippolyte Marie Fromanger |
| Jaiotza | Jouars-Pontchartrain, 1939ko irailaren 6a |
| Herrialdea |  Frantzia |
| Heriotza | Parisko 13. barrutia eta Paris, 2021eko ekainaren 18a (81 urte) |
| Hobiratze lekua | Père Lachaise hilerria |
| Hezkuntza | |
| Hizkuntzak | frantsesa |
| Irakaslea(k) | Robert Lesbounit (en)  |
| Jarduerak | |
| Jarduerak | margolaria, litografoa, eskultorea, collagist (en) eta artista bisuala |
| Jasotako sariak | ikusi
|
Biografia
1966an egin zuen lehen erakusketa. 1968ko maiatzeko gertakizunen ondoren, Arte Ederretako Lantegi Herrikoiak bultzatutako erakusketan hartu zuen parte, greban zegoen lantegi batean egindako bederatzi eskultura kalean erakutsiz (Souffles). Poliziak eskultura guztiak puskatu zizkion. Lan horrekin sormen estetikoa eta kontzientzia politikoa uztartu nahi izan zituen.
Beste lan aipagarri batzuk hauek dira: Boulevard des Italiens (1971, "Italiarren bulebarra"), Le Peintre et le Modèle (1973, "Pintorea eta Modeloa"), Le désir est partout (1975, "Desira edonon dago"), Questions (1977, "Galderak"), Tout est allumé (1980, "Dena argituta dago"), La Chine à Hu-Xian (1983).
Hainbat filosofok, hala nola Michel Foucault, Gilles Deleuze eta Félix Guattarik, Fromangerren lana osatzen duten serie desberdinak aztertu dituzte. Jacques Prévert idazleak lan bat eskaini zion 1971n: Gérard Fromanger boulevard des Italiens.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q2041451